• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ការបម្លែងថាមពលគឺជាកត្តាគន្លឹះដែលជួយវៀតណាមដាក់ចេញគោលដៅបំភាយឧស្ម័ន “សូន្យសុទ្ធ” ត្រឹមឆ្នាំ២០៥០

នាថ្ងៃទី៦ ខែវិច្ឆិកា ឆ្នាំ២០២២ នៅខាងក្រៅកិច្ចប្រជុំលើកទី ២៧ បណ្ដាភាគីដែលចូលរួមអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (COP27) ដែលប្រព្រឹត្តទៅចាប់ពីថ្ងៃទី ៦ ដល់ថ្ងៃទី ១៨ ខែវិច្ឆិកា នៅទីក្រុង Sharm El-Sheikh ប្រទេសអេហ្ស៊ីប គណៈប្រតិភូវៀតណាមដឹកនាំដោយរដ្ឋមន្ត្រីក្រសួងធនធាននិងបរិស្ថានលោក Tran Hong Ha បានជួបធ្វើការជាមួយលោក Alok Sharma ប្រធាន COP26 ដែលជាតំណាងចក្រភពអង់គ្លេស សហភាពអឺរ៉ុប (EU) និងក្រុមប្រទេសមហាអំណាចឧស្សាហកម្មទាំង ៧ (G7) អំពីការជួយឧបត្ថម្ភវៀតណាមក្នុងដំណើរការបម្លែងថាមពល។
  រដ្ឋមន្ត្រីក្រសួងធនធាននិងបរិស្ថានលោក Tran Hong Ha ជួបធ្វើការជាមួយលោក Alok Sharma ប្រធាន COP26។ (រូបថត៖ VOV)  

ក្នុងជំនួបនេះ លោករដ្ឋមន្ត្រី Tran Hong Ha បានអះអាងថា ការបម្លែងថាមពលគឺជាកត្តាគន្លឹះដែលជួយវៀតណាមអនុវត្តន៍គោលដៅបំភាយឧស្ម័ន "សូន្យសុទ្ធ" ត្រឹមឆ្នាំ ២០៥០ ដែលវៀតណាមបានសន្យានៅ COP26។ ទោះជាយ៉ាងណាក៏ដោយ ក្នុងដំណើរការអនុវត្តន៍ វៀតណាមនៅតែជួបការលំបាក។ លោករដ្ឋមន្ត្រីបានសង្កត់ធ្ងន់ថា ការអភិវឌ្ឍថាមពលកកើតឡើងវិញត្រូវដើរទន្ទឹមគ្នាជាមួយការធានាសន្តិសុខថាមពល ធានាស្ថិរភាពនៃប្រព័ន្ធបណ្តាញថាមពលអគ្គីសនី ហើយបានស្នើឲ្យចក្រភពអង់គ្លេស សហភាពអឺរ៉ុប និងក្រុម G7 ជួយផ្ទេរប្រគល់បច្ចេកវិទ្យាជឿនលឿននានាជូនវៀតណាម ដូចជាបច្ចេកវិទ្យា ថាមពលខ្យល់ ថាមពលពន្លឺព្រះអាទិត្យ និងការផ្ទុកថាមពល ដើម្បីជួយវៀតណាមអនុវត្តន៍ប្រកបដោយជោគជ័យនូវដំណើរការបម្លែងថាមពល ធានាបាននូវតម្លៃសមរម្យសម្រាប់មនុស្សគ្រប់គ្នាអាចចូលប្រើបាន។

រីឯខ្លួនវិញ លោក Alok Sharma បានស្វាគមន៍ការសន្យាយ៉ាងមុតមាំរបស់វៀតណាមចំពោះការបម្លែងថាមពល សំដៅកាត់បន្ថយការបំភាយឧស្ម័នផ្ទះកញ្ចក់ ព្រមទាំងឯកភាពបន្តដំណើរការចរចា ដើម្បីឈានដល់ការព្រមព្រៀងមួយដែលអាចធានាបាននូវផលប្រយោជន៍ដោយសុខដុមរបស់ភាគីទាំងពីរ។ លោករដ្ឋមន្ត្រី Tran Hong Ha និងលោក Alok Sharma បានផ្លាស់ប្តូរមតិពីបញ្ហាជំពាក់ជំពិនក្នុងគោលបំណងបង្កើនការយោគយល់គ្នាទៅវិញទៅមក ព្រមទាំងបានឯកភាពថា ភាគីទាំងពីរចាំបាច់ត្រូវមានការសន្យាខាងនយោបាយលើបញ្ហាបម្លែងថាមពលផងដែរ៕

តាម VOV5 - វិទ្យុសំឡេងវៀតណាម​

ទីក្រុងហាណូយជំរុញតម្រូវការទេសចរណ៍តាមរយៈមហោស្រពអាវផាយទេសចរណ៍ហាណូយ ឆ្នាំ ២០២២

ទីក្រុងហាណូយជំរុញតម្រូវការទេសចរណ៍តាមរយៈមហោស្រពអាវផាយទេសចរណ៍ហាណូយ ឆ្នាំ ២០២២

មហោស្រពអាវផាយទេសចរណ៍ហាណូយ ឆ្នាំ ២០២២ នឹងប្រព្រឹត្តទៅក្នុងរយៈពេល ៣ ថ្ងៃ (ចាប់ពីថ្ងៃទី ២ ខែធ្នូ ដល់ថ្ងៃទី ៤ ខែធ្នូ) នៅតំបន់វិថីដើរថ្មើរជើងបឹង Hoan Kiem ផ្លូវ Hang Khay ផ្លូវ Hang Bai និងនៅបរិវេណវិមានស្ដេច Ly Thai To។

Top