ព័ត៌មាន
ការចូលរួមអនុសញ្ញាលេខ៩៨បានអះអាងនូវការប្ដេជ្ញាចិត្តរបស់វៀតណាមក្នុងការអនុវត្តការសន្យានានាស្ដីពីពលកម្ម
សមាជិកសភាទាំងអស់សុទ្ធតែគាំទ្រចំពោះការចូលរួមអនុសញ្ញាលេខ៩៨ ដោយចាត់ទុកថា ប្រការនេះបានអះអាងនូវការប្ដេជ្ញាចិត្តនិងការខិតខំប្រឹងប្រែង របស់វៀតណាមក្នុងការអនុវត្តការសន្យានានាទាក់ទិនដល់ពលកម្ម។
នាថ្ងៃទី៧ ខែមិថុនា ឆ្នាំ២០១៩ រដ្ឋសភាវៀតណាមបានពិភាក្សាអំពីការចូលរួមអនុសញ្ញាលេខ៩៨នៃអង្គការពលកម្មអន្តរជាតិ ស្ដីពីការអនុវត្តគោលការណ៍នានានៃសិទ្ធិរៀបចំសមាគមន៍ និងសិទ្ធិចរចាជាសមូហភាព។ រដ្ឋមន្រ្តីក្រសួងការងារ យុទ្ធជនពិការ និងសង្គមកិច្ចលោក Dao Ngoc Dung បានឆ្លើយតបនឹងសំណួរនិងមតិ របស់សមាជិកសភា។
សមាជិកសភាទាំងអស់សុទ្ធតែគាំទ្រចំពោះការចូលរួមអនុសញ្ញាលេខ៩៨ ដោយចាត់ទុកថា ប្រការនេះបានអះអាងនូវការប្ដេជ្ញាចិត្តនិងការខិតខំប្រឹងប្រែង របស់វៀតណាមក្នុងការអនុវត្តការសន្យានានាទាក់ទិនដល់ពលកម្ម។ សមាជិក សភាលោក Bui Sy Loi នៃខេត្ត Thanh Hoa បានចាត់ទុកថា សំណុំឯកសារចូល រួមអនុសញ្ញាលេខ៩៨ របស់វៀតណាមបានឆ្លើយតបនឹងខ្លឹមសារនានាតាមការ កំណត់នៃមាត្រាទី៤៥ និង ទី៤៦នៅក្នុងច្បាប់ស្ដីពីសន្ធិសញ្ញាអន្តរជាតិឆ្នាំ២០១៦។ លោក Bui Sy Loi បានថ្លែងថា៖
“យើងត្រូវចូលរួមយ៉ាងឆាប់ៗដោយសារមូលហេតុមួយចំនួន។ ទីមួយគឺ ដើម្បីអនុវត្តន៍យ៉ាងម៉ឺងម៉ាត់នូវភារកិច្ចរបស់វៀតណាមដែលជាសមាជិកនៃអង្គការ ពលកម្មអន្តរជាតិ។ ទីពីរគឺដើម្បីអនុវត្តន៍ការសន្យានានាទាក់ទិនដល់សមូហភាព ពលករនៅក្នុងកិច្ចព្រមព្រៀងពាណិជ្ជកម្ម CPTPP ហើយបង្កលក្ខណៈងាយ ស្រួលសម្រាប់ការចុះហត្ថលេខាលើកិច្ចព្រមព្រៀងពាណិជ្ជកម្មរវាងវៀតណាម និង EU”។
ក្នុងកាលៈទេសៈដែលវៀតណាមកំពុងជំរុញការធ្វើសមាហរណកម្មសេដ្ឋកិច្ចអន្តរជាតិនោះ គឺការចូលរួមអនុសញ្ញាលេខ៩៨ នៃអង្គការពលកម្មអន្តរជាតិ ពិត ជាមានអត្ថន័យដ៏ធំធេងទាំងខាងនយោបាយ គតិយុត្តនិងសេដ្ឋកិច្ចសង្គម៕
តាម VOV5 - វិទ្យុសំឡេងវៀតណាម
