លោក Ha Van Sieu អនុប្រធានអគ្គនាយកដ្ឋានទេសចរណ៍ថ្លែងនៅពិធី។ (រូបថត៖ VOV)
 

នាយប់ថ្ងៃទី៧ ខែវិច្ឆិកា ឆ្នាំ២០២០ នៅទីក្រុង ហូជីមិញ បានប្រារព្ធធ្វើឡើងពិធីបង្ហាញកម្មវិធីទូរទស្សន៍ធ្វើដំណើរទេសចរណ៍ជាក់ស្ដែងនិងកម្មវិធីចល័ត “Vietnam Why Not”។

“ទៅវៀតណាមណា - Vietnam Why Not” គឺជាគម្រោងការណ៍ទូរទស្សន៍ជាក់ស្ដែង សំដៅជួយជ្រោមជ្រែងសេចក្ដីអំពាវនាវរបស់អគ្គនាយកដ្ឋានទេសចរណ៍វៀតណាមឲ្យជំរុញការធ្វើដំណើរទេសចរណ៍នៅវៀតណាម។ កម្មវិធីនេះ ត្រូវបានផលិតដោយក្រុមហ៊ុន Unimedia ដោយសហការជាមួយ Appfast និង Tiktok ព្រមទាំងមានការរួមដំណើររបស់អ្នកផ្ដល់ជំនួយជាច្រើនផ្សេងទៀត។

កម្មវិធី “ទៅវៀតណាមណា - Vietnam Why Not” ត្រូវបានបំផុសគំនិតហើយបង្ហាញសាធារណៈជនក្នុងពេលវេលាដែលប្រទេសទាំងមូលកំពុងសហការជំរុញការធ្វើដំណើរទេសចរណ៍ក្នុងស្រុក ក្នុងបំណងចង់នាំមកនូវកម្មវិធីទេសចរណ៍ជាក់ស្ដែងគួរឲ្យទាក់ទាញបំផុត ជាពិសេសគឺក្នុងបរិបទដែលវិស័យទេសចរណ៍កំពុងរងផលប៉ះពាល់យ៉ាងធ្ងន់ធ្ងរដោយសារវិបត្តិ Covid-19។

តាមរយៈកម្មវិធី “ទៅវៀតណាមណា - Vietnam Why Not” កម្មវិធីចល័ត Vietnam Why Not នឹងត្រូវបានបង្ហាញសាធារណៈជននៅពាក់កណ្ដាលខែវិច្ឆិកាឆ្នាំ២០២០ សំដៅបង្កើតឡើងឆាណែលព័ត៌មានទេសចរណ៍ឆ្លាតវៃមួយ ដែលអាចប្រាស្រ័យទាក់ទងដោយផ្ទាល់ជាមួយអ្នកប្រើប្រាស់៕

តាម VOV5 - វិទ្យុសំឡេងវៀតណាម