យោងតាមសេចក្តីប្រកាសព័ត៌មានរបស់រដ្ឋសភាកម្ពុជា នៅថ្ងៃទី១៤ ខែវិច្ឆិកា បានឲ្យដឹងថា ពិធីបើកមហាសន្និបាតអន្តរសភាអាស៊ានលើកទី៤៣ (AIPA) នឹងប្រព្រឹត្តទៅនៅព្រឹកថ្ងៃទី២១ ខែវិច្ឆិកា ដោយមានការចូលរួមពីមន្ត្រីជាន់ខ្ពស់ ថ្នាក់ដឹកនាំព្រឹទ្ធសភា រដ្ឋសភានៃប្រទេសសមាជិក AIPA និងតំណាងជាន់ខ្ពស់នៃប្រទេសសង្កេតការណ៍ ភ្ញៀវកិត្តិយស ម្ចាស់ផ្ទះ និងអង្គការដៃគូនានា។ ក្នុងក្របខ័ណ្ឌនៃមហាសន្និបាត AIPA នេះ ក៏នឹងប្រព្រឹត្តិទៅកិច្ចប្រជុំពាក់ព័ន្ធដូចជា៖ សន្និសីទសមាជិកសភាស្ត្រី AIPA (WAIPA); សន្និសីទសមាជិកសភាវ័យក្មេង AIPA ;កិច្ចប្រជុំគណៈកម្មាធិការនយោបាយ និងកិច្ចប្រជុំគណៈកម្មាធិការសង្គមកិច្ចផងដែរ៕