“កងទ័ពស្ម័គ្រចិត្តវៀតណាម សុខចិត្តពលីជីវិត ដើម្បីជួយសង្គ្រោះប្រជាជនកម្ពុជាឲ្យរួចផុតពីរបបប្រល័យពូជសាសន៍ខ្មែរក្រហម។ នេះជាពលីកម្មដ៏ធំធេង ដែលគ្មានអ្វីអាចប្រៀបផ្ទឹមបានឡើយ” លោកញ៉ែម វ៉ាលី អនុប្រធានអចិន្ត្រៃយ៍ និងជាអគ្គលេខាធិការក្រុមប្រឹក្សាជាតិរណសិរ្សសាមគ្គី អភិវឌ្ឍមាតុភូមិកម្ពុជាបានអះអាងដូច្នេះក្នុងពិធីសម្ពោធវិមានមិត្តភាពវៀតណាម-កម្ពុជា ដែលប្រព្រឹត្តទៅនាថ្ងៃទី ៣ មីនា នៅខេត្តកំពង់ស្ពឺ កម្ពុជា។ លោក ញ៉ែម វ៉ាលីក៏បានថ្លែងអំណរគុណយ៉ាងជ្រាលជ្រៅចំពោះបក្ស រដ្ឋ និងប្រជាជនវៀតណាម ដែលបានជួយរំដោះប្រទេសកម្ពុជា ឲ្យរួចផុតពីរបបប្រល័យពូជសាសន៍ ប៉ុល ពត នាំមកនូវជ័យជំនះជាប្រវត្តិសាស្ត្រ ៧ មករា ឆ្នាំ ១៩៧៩។ លោកបានអះអាងថា វិមានមិត្តភាព វៀតណាម-កម្ពុជា គឺជាសំណង់និមិត្តរូប ដើម្បីកត់ត្រាគុណបំណាច់ចំពោះវីរយុទ្ធជនពលីរបស់ប្រជាជាតិទាំងពីរ ដែលបានពលីជីវិត ដើម្បីបុព្វហេតុរំដោះប្រជាជនកម្ពុជាឲ្យរួចផុតពីរបបប្រល័យពូជសាសន៍។

រីឯខ្លួនវិញ ឯកអគ្គរដ្ឋទូតវៀតណាមប្រចាំនៅកម្ពុជា លោក Nguyen Huy Tang សង្ឃឹមថា វិមានមិត្តភាពវៀតណាម-កម្ពុជា នៅខេត្តកំពង់ស្ពឺ គឺជាកន្លែងសម្រាប់យុវជននៃប្រទេសទាំងពីរស្វែងយល់អំពីទំនាក់ទំនងមិត្តភាពពិសេសរវាងប្រជាជន និងកងទ័ពនៃប្រទេសទាំងពីរ។

វិមានមិត្តភាពវៀតណាម-កម្ពុជា នៅខេត្តកំពង់ស្ពឺ គឺជាវិមានមិត្តភាពទី ១៧ ក្នុងចំណោមវិមានមិត្តភាពសរុបចំនួន ២៥ ដែលត្រូវបានជួសជុលកែលម្អឡើងវិញ និងសាងសង់ថ្មីនៅកម្ពុជាផងដែរ៕