ព័ត៌មាន
អគ្គលេខាបក្ស លោក តូ ឡឹម៖ ជំរុញកិច្ចសហប្រតិបត្តិការវៀតណាម-កូរ៉េខាងត្បូង អភិវឌ្ឍន៍លើគ្រប់ជ្រុងជ្រោយ ជាក់ស្តែង និងប្រកបដោយប្រសិទ្ធភាព
នៅក្នុងជំនួបនេះ អគ្គលេខាបក្ស លោក តូ ឡឹម បានអះអាងនូវគោល នយោ បាយដ៏ខ្ជាប់ខ្ជួនរបស់បក្សនិងរដ្ឋវៀតណាម ជានិច្ចកាលយកចិត្តទុកដាក់ និងមានបំណងចង់នាំទំនាក់ទំនងសហប្រតិបត្តិការជាមួយកូរ៉េខាងត្បូងឡើងដល់កម្រិតថ្មី ជាក់ស្តែង ប្រសិទ្ធភាព និងយូរអង្វែង។ លោកអគ្គលេខាបក្សតូ ឡឹម បានសង្កត់ធ្ងន់ថា ក្រៅពីវិស័យសហប្រតិបត្តិការជាប្រពៃណី ភាគីទាំងពីរត្រូវពង្រឹងកិច្ចសហប្រតិបត្តិការលើវិស័យវិទ្យាសាស្ត្រនិងបច្ចេកវិទ្យា; ជំរុញកិច្ចសហប្រតិបត្តិការលើវិស័យបញ្ញាសិប្បនិមិត្ត (AI) សាងសង់មជ្ឈមណ្ឌលទិន្នន័យនៅវៀតណាម និងអនុវត្តគម្រោងគាំទ្រការបណ្តុះបណ្តាលធនធានមនុស្សប្រកបដោយគុណភាពខ្ពស់។
រីឯខ្លួនវិញ បេសកជនពិសេស លោក Park Chang Dal បានសង្កត់ធ្ងន់ថា ប្រធានាធិបតីលោក Lee Jae Myung តែងតែចាត់ទុកវៀតណាមជាដៃគូសំខាន់នាំមុខគេក្នុងការអនុវត្តគោលនយោបាយការបរទេសក្នុងតំបន់; សង្ឃឹមថា ភាគីទាំងពីរនឹងបង្កើនការផ្លាស់ប្តូរនិងទំនាក់ទំនងកម្រិតខ្ពស់បន្ថែមទៀត; ជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្មនិងវិនិយោគ ដើម្បីអភិវឌ្ឍន៍យ៉ាងសំខាន់ ប្រកបដោយប្រសិទ្ធភាពនិងនិរន្តរភាព; ស្នើថា វៀតណាមយកចិត្តទុកដាក់ និងបង្កើតលក្ខខណ្ឌអំណោយ ផលសម្រាប់សហគ្រាសកូរ៉េខាងត្បូងដើម្បីធ្វើអាជីវកម្ម និងពង្រីកការវិនិយោគនៅវៀតណាម ជាពិសេសលើវិស័យថាមពលនុយក្លេអ៊ែរ ព្រមទាំងពង្រឹងកិច្ចសហប្រតិបត្តិការ ឆ្លើយតបទៅនឹងការផ្លាស់ប្តូរបរិយាកាសសេដ្ឋកិច្ច និងពាណិជ្ជកម្មអន្តរជាតិ។
ទាក់ទងទៅលើបញ្ហាអន្តរជាតិនិងតំបន់ អគ្គលេខាបក្ស លោក តូ ឡឹម បានស្នើឲ្យភាគីទាំងពីរបន្តកិច្ចសហប្រតិបត្តិការជិតស្និទ្ធ និងគាំទ្រគ្នាទៅវិញទៅមកក្នុងវេទិកាពហុភាគីអន្តរជាតិ។ បេសកជនពិសេសលោក Park Chang Dal បានអះអាងថា លោកស្រីនឹងសហការយ៉ាងជិតស្និទ្ធជាមួយវៀតណាម ដើម្បីរៀបចំប្រកបដោយជោគជ័យ កិច្ចប្រជុំកំពូល APEC ២០២៥ នៅប្រទេសកូរ៉េខាងត្បូង និងកិច្ចប្រជុំ APEC ២០២៧ នៅ វៀតណាម៕
