នៅទីនេះ ប្រធានរដ្ឋសភាវៀតណាម លោក Tran Thanh Man បានស្នើឲ្យប្រទេសទាំងពីរ ពង្រឹងសកម្មភាពសហប្រតិបត្តិការតាមរយៈបណ្តាញរដ្ឋ សភា ដូចជា៖ បង្កើនការផ្លាស់ប្តូរគណៈប្រតិភូនៅកម្រិតនៃគណៈកម្មាធិ ការជំនាញ ក្រុមសមាជិកសភាមិត្តភាព ក្រុមសមាជិកសភាស្ត្រី និងសមាជិកសភាវ័យក្មេង ដើម្បីផ្លាស់ប្តូរព័ត៌មាន និងបទពិសោធន៍ក្នុងវិស័យសកម្មភាពនីតិបញ្ញត្តិ ឃ្លាំមើល និងធ្វើសេចក្តីសម្រេចចិត្តលើបញ្ហាសំខាន់ៗ របស់ប្រទេសជាតិ។ លោកប្រធានរដ្ឋសភាបានស្នើឱ្យសភាស្វីសបង្កើតក្រុមសភាមិត្តភាពជាមួយវៀតណាមក្នុងពេលឆាប់ៗ; សង្ឃឹមថា សភាស្វីសនឹងចែករំលែកបទពិសោធន៍របស់ខ្លួនក្នុងការកសាង និងសុក្រិតនីតិរដ្ឋនិងប្រព័ន្ធច្បាប់ ព្រមទាំងលើកកម្ពស់តួនាទីរបស់រដ្ឋសភា និងស្ថាប័នជាប់ឆ្នោតក្នុងការអភិវឌ្ឍប្រទេសជាតិ។ ប្រធានរដ្ឋសភាលោក Tran Thanh Man ក៏បានសម្តែងនូវបំណងរបស់វៀតណាមក្នុងកិច្ចសហប្រតិបត្តិការជាមួយស្វីសលើវិស័យបច្ចេកវិទ្យាហិរញ្ញវត្ថុ ធនាគារឌីជីថល។ល។
រីឯខ្លួន ប្រធានព្រឹទ្ធសភាស្វីស Andrea Caroni បានសង្កត់ធ្ងន់លើតម្រូវការសម្រាប់កិច្ចសហប្រតិបត្តិការនិងការចែករំលែកបទពិសោធន៍ក្នុងការកសាង និងសុក្រិតប្រព័ន្ធច្បាប់ សំដៅបង្កើតស្ថាប័នអភិវឌ្ឍន៍មួយស្របតាមនិន្នាការពិភពលោកបច្ចុប្បន្ន; ហើយសង្ឃឹមថា ប្រទេសទាំងពីរនឹងពិភាក្សាគ្នាក្នុងពេលឆាប់ៗខាងមុខលើកិច្ចព្រមព្រៀងពាណិជ្ជកម្មសេរីទ្វេភាគី។
នាព្រឹកនេះផងដែរ ថ្លែងនៅក្នុងជំនួបជាមួយប្រធានសភាជាន់ទាបស្វីស Maja Riniker ប្រធានរដ្ឋសភាលោក Tran Thanh Man បានស្នើថា ភាគីទាំងពីរដំណើរការកិច្ចចរចា និងចុះហត្ថលេខាយ៉ាងឆាប់ៗ លើកិច្ចព្រមព្រៀងការពារការវិនិយោគវៀតណាម-ស្វីស និងកិច្ចព្រមព្រៀងពន្ធទ្វេភាគី; តភ្ជាប់ឡើងវិញការចរចាលើកិច្ចព្រមព្រៀងពាណិជ្ជកម្មសេរីទ្វេភាគី និងស្នើឱ្យស្វីសជួយវៀតណាមបណ្តុះបណ្តាលវិស្វករ semiconductor និងបង្កើនការពិគ្រោះយោបល់នៅវេទិកាសភាពហុភាគី និងតំបន់៕
