មុននោះ នាថ្ងៃទី ៩ មិថុនា (ម៉ោងក្នុងតំបន់) ក្នុងឱកាសចូលរួមកិច្ចប្រជុំកំពូលមហាសមុទ្រលើកទី ៣ របស់អង្គការសហប្រជាជាតិនៅទីក្រុង Nice (បារាំង) នាយករដ្ឋមន្ត្រី លោក ហ្វាម មិញ ជិញ បានជួបជាមួយប្រធានាធិបតីប៉េរូ Dina Boluarte និងនាយករដ្ឋមន្ត្រីព័រទុយហ្គាល់ Luis Montenegro។
 នាយករដ្ឋមន្ត្រី លោក ហ្វាម មិញ ជិញ អញ្ជើញជួបជាមួយប្រធានាធិបតីប៉េរូ លោកស្រី Dina Boluart (រូបថត៖ TTXVN) |
ក្នុងជំនួបជាមួយប្រធានាធិបតីប៉េរូ លោកស្រី Dina Boluarte នាយករដ្ឋមន្ត្រី លោក ហ្វាម មិញ ជិញ បានស្នើថា រដ្ឋាភិបាលប៉េរូ បន្តបង្កើតលក្ខខណ្ឌអំណោយ ផលសម្រាប់សហគ្រាសវៀតណាម ពង្រីកកិច្ចសហប្រតិបត្តិការ និងវិនិយោគនៅប៉េរូ រួមចំណែកអភិវឌ្ឍន៍ និងបម្រើផលប្រយោជន៍របស់ប្រជាជនប៉េរូ។ ប្រធានាធិបតី លោកស្រី Dina Boluarte បានវាយតម្លៃខ្ពស់ចំពោះការរួមចំណែកដ៏សំខាន់របស់ Viettel គ្រុប តាមរយៈគម្រោង Bitel ហើយសង្ឃឹមថា Bitel នឹងបន្តពង្រីកការវិនិយោគរបស់ខ្លួននៅក្នុងប្រទេសប៉េរូ។
 នាយករដ្ឋមន្ត្រី លោក ហ្វាម មិញ ជិញ អញ្ជើញជួបជាមួយនាយករដ្ឋមន្ត្រីព័រទុយហ្គាល់ លោក Luis Montenegro (រូបថត៖ TTXVN |
ក្នុងជំនួបជាមួយនាយករដ្ឋមន្ត្រីព័រទុយហ្គាល់ លោក Luis Montenegro ថ្នាក់ដឹកនាំទាំងពីរបានឯកភាពគ្នាក្នុងការ ជំរុញទំនាក់ទំនងសេដ្ឋកិច្ច ពាណិជ្ជកម្ម និងវិនិយោគដែលផ្តល់ផលប្រយោជន៍ដល់ភាគីទាំងពីរ។ លោកនាយករដ្ឋមន្ត្រីបានស្នើឱ្យប្រទេសព័រទុយហ្គាល់ជួយឧបត្ថម្ភសភាអឺរ៉ុប (EP) អនុម័តក្នុងពេលឆាប់ៗ នូវកិច្ចព្រមព្រៀងវៀតណាម-សហភាពអឺរ៉ុប (EU) គាំទ្រ និងជំរុញឲ្យ EU ដកកាតលឿងសម្រាប់គ្រឿងសមុទ្រវៀតណាម (IUU)។
រីឯខ្លួនវិញ នាយករដ្ឋមន្ត្រីព័រទុយហ្គាល់ លោក Luis Montenegro បានអះអាងថា ព័រទុយហ្គាល់ យកចិត្តទុកដាក់ជាពិសេសចំពោះកិច្ចសហប្រតិបត្តិការពហុភាគីជាមួយវៀតណាម; សម្តែងក្តីសង្ឃឹមថា វៀតណាមនឹងគាំទ្របេក្ខភាពព័រទុយហ្គាល់សម្រាប់ក្រុមប្រឹក្សាសន្តិសុខអង្គការសហប្រជាជាតិនាពេលខាងមុខ; អះអាងថា ព័រទុយហ្គាល់ត្រៀមខ្លួនជាស្រេចដើម្បីគាំទ្របេក្ខភាពវៀតណាមសម្រាប់ក្រុមប្រឹក្សាសិទ្ធិមនុស្សអង្គការសហប្រជាជាតិ៕
