អ្នកថតរូប ង្វៀន វៀតហុង (Nguyen Viet Hung) ទើបអនុវត្តជោគជ័យតាំងពិព័រណ៍រូបថតសំរាមប្លាស្ទិក "ចូរសង្រ្គោះសមុទ្រ” នៅហាណូយ។ តាំងពិព័រណ៍រូបថតជាង១០០សន្លឹក បានជ្រើសមកពីរូបថតជាង៣០០០សន្លឹក និទានអំពីរឿងរ៉ាវសំរាមប្លាស្ទិកនៅវៀតណាម បានជះឥទ្ធិពលផ្ទាល់ដល់បរិស្ថានរស់នៅដូចម្តេចខ្លះ។ នោះមិនត្រឹមតែជាបញ្ហាក្តៅរបស់វៀតណាម ហើយសព្វថ្ងៃក៏ជា "សង្គ្រាម” នៃប្រទេសទាំងអស់លើពិភពលោកដែរ។
ក្នុងពេលវេលាប្រព្រឹត្តទៅតាំងពិព័រណ៍រូបថតសំរាមប្លាស្ទិក លោកនាយករដ្ឋមន្រ្តី ង្វៀន ស្វឹនភុក (Nguyen Xuan Phuc) ក៏បានបើកចលនាប្រឆាំងសំរាមប្លាស្ទិកជាផ្លូវការ នៅលើបរិវេណទូទាំងប្រទេស និង អំពាវនាវពួកយើងត្រូវមានសកម្មភាពជាក់ស្តែង ដើម្បីគ្រប់គ្រង់ ទប់ស្កាត់ កើតមានសំរាមប្លាស្ទិកលំហូរចេញទៅបរិស្ថាន។
 Nhà អ្នកថតរូប ង្វៀន វៀតហុង (Nguyen Viet Hung) រូបថត៖ ត្រឹនថាញយ៉ាង រូបថតអំពីសំរាមប្លាស្ទិក បានបង ង្វៀន វៀតហុង (Nguyen Viet Hung) រៀបរៀងសម្រាប់តាំងពិព័រណ៍រូបថត “ចូរសង្រ្គោះសមុទ្រ” បានរៀបចំនៅហាណូយ។ រូបថត៖ ត្រឹនថាញយ៉ាង  លោកស្រី Caitlin Wiesen (ឆ្វេង) ប្រធានតំណាងប្រចាំកម្មវិធីអភិវឌ្ឍន៍អង្គការសហប្រជាជាតិ (UNDP) នៅវៀតណាម អ្នកថតរូប ង្វៀន វៀតហុង (Nguyen Viet Hung) និង លោកស្រី Elsbeth Akkerman (ស្តាំ) ជាឯកអគ្គរដ្ឋទូតប្រទេសហូឡង់ប្រចាំនៅវៀតណាម និង សារលិខិតពាំនាំនិមិត្តរូប “ចូរសង្រ្គោះសមុទ្រ “។ រូបថត៖ ឯកសារ  ត្រីក្រដាសសរសេរនៅលើនោះ នូវចំណាប់អារម្មណ៍នៃភ្ញៀវទេសចរបន្ទាប់ពីទស្សនាមើលរូបថត នៅតាំងពិព័រណ៍ របស់អ្នកថតរូប ង្វៀន វៀតហុង(Nguyen Viet Hung)។ រូបថត៖ ត្រឹនថាញយ៉ាង |
វៀតណាមស្ថិតនៅក្នុងចំណោមប្រទេសទាំង១០ ដែលមានប្រវែងមាត់សមុទ្រប្រៀបនឹងផ្ទៃដីគោកច្រើនបំផុត គឺ៣២៦០គីឡូម៉ែត្រ ហើយក៏ជាប្រទេសដែលមានព្រែកទន្លេតូចធំឡើងដល់២៣៦០។ សំរាមប្លាស្ទិកទាំងអស់ កើតឡើងលំហូរមកពីប្រភពជាច្រើន យ៉ាងនេះក៏ចេះតែបណ្តែតហូរតាមព្រែកទន្លេ ចាក់ចូលមកកាន់សមុទ្រ។
ជាអ្នកធ្វើការជាង២០ឆ្នាំ ក្នុងវិស័យបណ្តុះបណ្តាលអ្នកថតរូប ផ្តើមគំនិតកត់ត្រាទុកនូវភាពគ្រោះថ្នាក់មកពីសំរាមប្លាស្ទិក ចំពោះបរិស្ថានកើតឡើងចាប់ពីពេល បងង្វៀន វៀតហុង (Nguyen Viet Hung) ឃើញផ្ទាល់អ្នកម្តាយរបស់ខ្លួនបានផ្ទុកជំងឺមហារីក។ បងស្វែងយល់ពីមូលហេតុនៃជំងឺ និង រកឃើញខាងក្រោយភាពងាយស្រួលនៃប្រដាប់ប្លាស្ទិកប្រើមួយលើក តែងបង្កប់កក្តាបង្កជំងឺ គ្រោះថ្នាក់ដល់ជីវិត។ ត្រូវធ្វើប្រការអ្វីមួយ ដើម្បីជះឥទ្ធិពលដល់គោលគំនិតរបស់ប្រជាជនវៀតណាម ចំពោះមហន្តរាយសំរាមប្លាស្ទិក កំពុងរាយពេញបរិស្ថាន បានជំរុញបងលះបង់ពេលវេលាច្រើន ដើម្បីស្រាវជ្រាវលើវិស័យនេះ ហើយប្តេជ្ញាចិត្ត “ប្រមាញ់រូបថតខាងសំរាមប្លាស្ទិក”។
ក្រោយមួយឆ្នាំត្រៀមបម្រុង ឆ្នាំ២០១៨ បងចាប់ផ្តើមធ្វើដំណើរអនុវត្តគម្រោងការរូបថតសំរាមប្លាស្ទិក។ ដានជើងបងបានធ្វើដំណើរបណ្តោយតាមមាត់សមុទ្រប្រវែង៧០០០គីឡូម៉ែត្រ ច្រកព្រែកទន្លេទាំង១០០ នៅតាមខេត្តក្រុងទាំង២៨ ហើយកត់ត្រាទុកដោយរូបថតជាង៣០០០សន្លឹក។
ជាមួយសារលិខិត “មានតែសកម្មភាពទើបនាំមកនូវភាពផ្លាស់ប្តូរ” រូបថតរបស់ង្វៀន វៀតហុង (Nguyen Viet Hung) បានអង្រួនបេះដូងអ្នកទស្សនា ហើយផ្សារការយល់ដឹងនៃមនុស្សគ្រប់គ្នាអំពីសំរាមប្លាស្ទិក អំពាវនាវព្រួតដៃសកម្មភាពរបស់ស្ថាបនគ្រប់គ្រងរដ្ឋ។ រូបថតបានរៀបចំទៅតាមខ្លឹមសារ ទីកន្លែង និង ពេលវេលា ថតសម្រាប់អ្នកទស្សនា អាចស្រមៃឃើញរូបភាពទាំងមូល ស្តីពីស្ថានភាពសំរាមប្លាស្ទិកនៅបណ្តោយតាមមាត់សមុទ្រវៀតណាម។
 បងង្វៀន វៀតហុង (Nguyen Viet Hung) នៅក្បែរវាលសំរាម ក្នុងការធ្វើដំណើររបស់ខ្លួន។ រូបថត៖ ឯកសារ  វាលសំរាមក្បែរផ្លូវថ្នល់ នៅកោះភូក្វឹកឆ្នាំ២០១៧។ រូបថត៖ ង្វៀន វៀតហុង  ហាមចាក់សំរាមនៅខេត្តណាមឌិញ (Nam Dinh) ឆ្នាំ២០១៨។ រូបថត៖ ង្វៀន វៀតហុង  Đầm បឹងធ្វើអំបិលសាហ្វិញ (Sa Huynh) ខេត្តក្វាងង៉ាយ (Quang Ngai) ឆ្នាំ២០១៨។ រូបថត៖ ង្វៀន វៀតហុង ចាក់សំរាមចុះសមុទ្រនៅខេត្តក្វាងង៉ាយ (Quang Ngai) ឆ្នាំ២០១៨។ រូបថត៖ ង្វៀន វៀតហុង  ហាលត្រីនៅស្រុកកឹនយើ (Can Gio) ឆ្នាំ២០១៨។ រូបថត៖ ង្វៀន វៀតហុង  ព្រៃមរណៈនៅខេត្តណាមឌិញ (Nam Dinh) ឆ្នាំ២០១៨។ រូបថត៖ ង្វៀន វៀតហុង  ឆ្នេរសមុទ្រវិញឡឿង (Vinh Luong) នៅក្រុងញ៉ាត្រាង (Nha trang) ខេត្តខាញហ្វ័រ (Khanh Hoa) ឆ្នាំ២០១៨។ រូបថត៖ ង្វៀន វៀតហុង  បម្រើជីវភាពរស់នៅ នៅខេត្តប៊ិញធ្វឹន (Binh Thuan) ឆ្នាំ២០១៨។ រូបថត៖ ង្វៀន វៀតហុង |
តាមលោកស្រី Caitlin Wiesen ប្រធានតំណាងប្រចាំកម្មវិធីអភិវឌ្ឍន៍អង្គការសហប្រជាជាតិ (UNDP) នៅវៀតណាម និទានរឿងរ៉ាវសំរាមប្លាស្ទិកដោយរូបថតនៃអ្នកថតរូប ង្វៀន វៀតហុង (Nguyen Viet Hung) ពិតជាសាយភាយ និង បំផុសគំនិតខ្លាំងទៅដល់សហគមន៍។
នៅចំពោះអ្នកថតរូប ង្វៀន វៀតហុង (Nguyen Viet Hung) បន្ទាប់ពីថតរូបសំរាមរាល់តែដងនៅមូលដ្ឋាន បងនៅតែងតែចែករំលែករូបភាព និង សារលិខិត "ចូរសង្រ្គោះសមុទ្រ" នៅលើបណ្តាញសង្គម។ ប្រសិទ្ធភាព គឺកន្លែងរដ្ឋអំណាចមូលដ្ឋានជាច្រើន និង ប្រជាជន បានចាប់ផ្តើមមានគំនិតប្រមូលសម្អាតសំរាម។ ពេលខាងមុខ បងហុង (Hung) នឹងបន្តតាំងពិព័រណ៍រូបថតសំរាមប្លាស្ទិកនៅតាមមូលដ្ឋាននានា ដែលមានជាប់សមុទ្រ ហើយមានបំណងចង់ធ្វើច្រើនថែមទៀតនូវតាំងពិព័រណ៍សម្រាប់កុមារយល់ដឹងជាង អំពីសំរាមប្លាស្ទិក តាមរយៈរឿងរ៉ាវរូបភាព៕
អត្ថបទ៖ ប៊ិចវឹន រូបថត៖ ថាញយ៉ាង និង ឯកសារ
