• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

លោកនាយករដ្ឋមន្ត្រី ឡេ មិញហ៊ឹង៖ សាកលវិទ្យាល័យសេដ្ឋកិច្ចជាតិត្រូវសម្រេចគោលដៅស្ថិតក្នុងចំណោមសាកលវិទ្យាល័យកំពូលទាំង ១០០ នៅអាស៊ីក្នុងពេលឆាប់ៗ

សាកលវិទ្យាល័យសេដ្ឋកិច្ចជាតិ ត្រូវត្រួសត្រាយផ្លូវក្នុងការបណ្តុះបណ្តាលធនធានមនុស្សឌីជីថល ដោះស្រាយបញ្ហាយុទ្ធសាស្ត្រជាតិ ហើយសម្រេចគោលដៅស្ថិតនៅក្នុងចំណោមសាកលវិទ្យាល័យកំពូលទាំង ១០០ នៅអាស៊ីក្នុងពេលឆាប់ៗ។

នាយករដ្ឋមន្ត្រីវៀតណាមលោក ឡេ មិញហ៊ឹង ថ្លែងនៅក្នុងពិធីអបអរសាទរខួបលើកទី ៧០ ទិវាបង្កើតរបស់សាកលវិទ្យាល័យសេដ្ឋកិច្ចជាតិ។ (រូបថត៖ VNA)

នេះជាការសង្កត់ធ្ងន់របស់នាយករដ្ឋមន្ត្រីវៀតណាមលោក ឡេ មិញហ៊ឹង នៅក្នុងពិធីអបអរសាទរខួបលើកទី ៧០ ទិវាបង្កើត (១៩៥៦ - ២០២៦) និងទទួលគ្រឿងឥស្សរិយយសការងារថ្នាក់ទីមួយរបស់សាកលវិទ្យាល័យសេដ្ឋកិច្ចជាតិ (NEU) ដែលបានប្រារព្ធឡើងនៅព្រឹកថ្ងៃទី ១១ ខែវិច្ឆិកា នៅទីក្រុងហាណូយ។

ថ្លែងនៅក្នុងពិធីនេះ លោកនាយករដ្ឋមន្ត្រី ឡេ មិញហ៊ឹង បានស្នើឱ្យសាកលវិទ្យាល័យសេដ្ឋកិច្ចជាតិ ផ្តោតលើការបណ្តុះបណ្តាលអ្នកដែលមានទេពកោសល្យ និងធនធានមនុស្សដែលមានគុណភាពខ្ពស់ ផ្លាស់ប្តូរយ៉ាងខ្លាំងទៅការបណ្តុះបណ្តាលដោយផ្អែកលើតម្រូវការជាក់ស្តែងរបស់ប្រទេសជាតិ រួមបញ្ចូលបញ្ញាសិប្បនិម្មិត (AI) និងជំនាញឌីជីថល; បង្កើនគុណភាពនៃការស្រាវជ្រាវវិទ្យាសាស្ត្រ និងការប្រឹក្សាគោលនយោបាយ ដើម្បីដោះស្រាយបញ្ហាប្រឈមយុទ្ធសាស្ត្រជាតិ ដូចជា៖ ការផ្លាស់ប្ដូរថ្មីគំរូអភិវឌ្ឍន៍ ការលើកកំពស់ផលិតភាពការងារ ការផ្លាស់ប្តូរឌីជីថល។ល។

នាយករដ្ឋមន្ត្រីវៀតណាមលោក ឡេ មិញហ៊ឹង ប្រគល់ជូនគ្រឿងឥស្សរិយយសពលកម្មថ្នាក់ទីមួយរបស់ប្រធានរដ្ឋជូនដល់សាកលវិទ្យល័យសេដ្ឋកិច្ចជាតិ។ (រូបថត៖ VNA)

“យើងមានបំណងនិងជំនឿជាក់ថា ជាមួយនឹងប្រពៃណីនិងតម្លៃស្នូលរបស់ខ្លួន ជាមួយនឹងគ្រឹះដ៏រឹងមាំដែលបានកសាងឡើងតាមដំណាក់កាលប្រវត្តិសាស្ត្រជាច្រើន ជាមួយនឹងបញ្ញា ការខិតខំប្រឹងប្រែងរបស់គ្រូបង្រៀន និងអ្នកវិទ្យាសាស្ត្រជាច្រើនជំនាន់ រួមជាមួយនឹងជំនឿ និងសេចក្តីប្រាថ្នារបស់និស្សិត និងសិក្ខាកាម សាកលវិទ្យាល័យសេដ្ឋកិច្ចជាតិនឹងមានវឌ្ឍនភាពគួរឱ្យកត់សម្គាល់នៅក្នុងរយៈពេលខាងមុខ ដោយសម្រេចបាននូវចក្ខុវិស័យក្លាយជាសាកលវិទ្យាល័យស្រាវជ្រាវពហុជំនាញ ពហុវិស័យ ក្នុងចំណោមសាកលវិទ្យាល័យកំពូលទាំង ៥ នៅប្រទេសវៀតណាម និងស្ថិតក្នុងចំណោមសាកលវិទ្យាល័យកំពូលទាំង ១០០ នៅអាស៊ី ក្នុងវិស័យសេដ្ឋកិច្ច ការគ្រប់គ្រង និងអភិបាលកិច្ចអាជីវកម្ម ស្របតាមស្តង់ដារចំណាត់ថ្នាក់អន្តរជាតិ ព្រមទាំងរួមចំណែកយ៉ាងជាក់ស្តែងចំពោះបុព្វហេតុកសាង ការពារមាតុភូមិ និងអភិវឌ្ឍន៍ប្រទេសជាតិក្នុងយុគសម័យថ្មី”។

អស់រយៈពេលជាង ​៧០ ឆ្នាំរួមដំណើរជាមួយប្រទេសជាតិ សាកលវិទ្យាល័យសេដ្ឋកិច្ចជាតិមានកម្មវិធីជាប់ស្ដង់ដារអន្តរជាតិចំនួន ៨៨ ដោយជាប់ចំណាត់ថ្នាក់លេខ ៨៥ នៅលើពិភពលោកទាក់ទងនឹងលក្ខណវិនិច្ឆ័យកំណើនសេដ្ឋកិច្ច និងការងារប្រកបដោយចីរភាព៕

តាម​ vovworld.vn/km-KH

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

នាព្រឹកថ្ងៃទី១៥ ខែវិច្ឆិកា នេះ នៅរាជធានីភ្នំពេញ ប្រទេសកម្ពុជា អគ្គលេខាបក្ស ប្រធានរដ្ឋ លោក តូ ឡឹម បានដឹកនាំគណៈប្រតិភូជាន់ខ្ពស់វៀតណាម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ ក្រោមមូលបទ "រួមគ្នាបន្តកសាងសន្តិភាព ដើម្បីវិបុលភាពរួម និងស្ថិរភាពយូរអង្វែង"។

Top