លោក Marco Rubio បានសង្កត់ធ្ងន់ថា រយៈពេល ៣០ ឆ្នាំមុន វៀតណាមនិងអាមេរិកបានចាប់ផ្តើមពីដំណើរពិសេសមួយ ពោលគឺពីអតីតសត្រូវក្លាយទៅជាដៃ គូយុទ្ធសាស្ត្រគ្រប់ជ្រុងជ្រោយ។ មូលដ្ឋានគ្រឹះដ៏សំខាន់មួយគឺកិច្ច សហប្រតិបត្តិការក្នុងការជំនះពុះពារលើផលវិបាកនៃសង្គ្រាមដូចជា៖ ការបោស សម្អាតគ្រាប់បែកមីន ការសម្អាតសារធាតុឌីអុកស៊ីតនិងស្វែង រកមនុស្សបាត់ខ្លួន។ ទាំងនេះក៏ជានិមិត្តរូបដ៏រឹងមាំនៃការផ្សះផ្សាជាតិរវាងប្រទេសទាំងពីរ។

នៅក្នុងវិស័យសេដ្ឋកិច្ច ទំហំពាណិជ្ជកម្មទ្វេភាគីបានកើនឡើងជាង ២០០ ដងចាប់តាំងពីឆ្នាំ ១៩៩៥ មក សម្រេចបាន ១៣២ ពាន់លានដុល្លារ ក្នុងឆ្នាំ ២០២៤។ បច្ចុប្បន្ន វៀតណាមគឺជាដៃគូពាណិជ្ជកម្មធំបំផុតទី ៨ របស់សហរដ្ឋអាមេរិក។ ប្រទេសទាំងពីរក៏បានជំរុញការផ្លាស់ប្តូរប្រជាជននិងប្រជា ជន កិច្ចសហប្រតិបត្តិការលើវិស័យអប់រំ វិទ្យាសាស្ត្រ និងបច្ចេកវិទ្យាខ្ពស់។ ជាមួយគ្នានោះ កម្មវិធីផ្លាស់ប្តូរនិស្សិតនិងអ្នកជំនាញ ព្រមទាំងកិច្ចសហប្រតិ បត្តិការស្រាវជ្រាវបានរួមចំណែកបង្កើនការយល់ដឹង រវាងសង្គមទាំងពីរ។

លោក Marco Rubio បានអះអាងពីការប្តេជ្ញាចិត្តរបស់សហរដ្ឋអាមេរិក ក្នុងការជំរុញសន្តិភាព វិបុលភាពនិងសន្តិសុខ សម្រាប់តំបន់មហាសមុទ្រឥណ្ឌា-ប៉ាស៊ីហ្វិក ប្រកបដោយសេរី និងបើកចំហ៕