ដោយបញ្ជាក់ពីក្រុមភារកិច្ច និងដំណោះស្រាយពាក់ព័ន្ធនឹងការអនុវត្តអាជ្ញាធរមូលដ្ឋានពីរកម្រិត លោកនាយករដ្ឋមន្ត្រីបានស្នើឱ្យមូលដ្ឋាន បន្តកសាងការរៀបចំ និងប្រតិបត្តិការរបស់អាជ្ញាធរមូលដ្ឋានពីរកម្រិត ដោយធានាឱ្យដំណើរការយ៉ាងរលូន; ក្នុងនោះ ផ្តោតលើការត្រៀមរៀបចំកម្មាភិបាលសម្រាប់មហាសន្និបាតបក្សគ្រប់លំដាប់ថ្នាក់។ ដោះស្រាយបែបបទរដ្ឋបាលសម្រាប់ប្រជាជន និងអាជីវកម្ម។

ទាក់ទិននឹងគម្រោងសំខាន់ៗរបស់ជាតិ លោកនាយករដ្ឋមន្ត្រីបានសង្កត់ធ្ងន់លើស្មារតី គឺ ប្រព័ន្ធនយោបាយទាំងមូលត្រូវតែចូលរួម ថ្នាក់ដឹកនាំត្រូវតែត្រួតពិនិត្យ និងជំរុញជាប្រចាំ អាជ្ញាធរត្រូវតែលុបបំបាត់ឧបសគ្គផ្លូវច្បាប់; អ្នកម៉ៅការត្រូវតែប្រមូលផ្តុំ និងសហការជាមួយអាជីវកម្មក្នុងមូលដ្ឋាន; ដោយត្រៀមរៀបចំលក្ខខណ្ឌទាំងអស់សម្រាប់ការសម្ពោធ គម្រោងនៅថ្ងៃទី ១៩ ខែធ្នូ ឆ្នាំ ២០២៥។

ទាក់ទងនឹងគម្រោងស្រូវ ១ លានហិកតា លោកនាយករដ្ឋមន្ត្រីបានស្នើឱ្យបង្ហើយផែនការពាក់ព័ន្ធនៅត្រីមាសទី៣ ឆ្នាំ២០២៥; បង្កើតម៉ាក់យីហោអង្ករវៀតណាម អភិវឌ្ឍម៉ាកយីហោថ្មីៗ រួមជាមួយនឹងម៉ាកល្បីៗដែលមានស្រាប់ដូចជា ST២៥។

ទាក់ទិននឹងគម្រោងសំខាន់ៗមួយចំនួនទៀត លោកនាយករដ្ឋមន្ត្រីបានស្នើថា គម្រោងបម្រើ APEC នៅ Phu Quoc ត្រូវតែសាងសង់យ៉ាងឆាប់រហ័ស ស្រស់ស្អាត និងសក្តិសមចំពោះវប្បធម៌ ឋានៈ និងតួនាទីរបស់ប្រទេសជាតិ និងបញ្ញារបស់ប្រជាជនវៀតណាម; បង្ហើយការសាងសង់មជ្ឈមណ្ឌលប្រព្រឹត្តិកម្មសំណល់ មណ្ឌលអនាម័យបរិស្ថាន មជ្ឈមណ្ឌលទឹកស្អាត និងចរាចរណ៍តភ្ជាប់ជាមួយគម្រោងបម្រើ APEC;  តម្រង់ទិសដើម្បីបម្រើទាំង APEC ផងនិងការអភិវឌ្ឍន៍រយៈពេលវែងផង៕