ឧបនាយករដ្ឋមន្រ្តីលោក Vu Duc Dam អញ្ជើញចួលរួមពិធីប្រគល់ពានរង្វាន់គុណភាពថ្នាក់ជាតិ
(Hà Thanh - kinhtedothi.vn)
នាថ្ងៃទី ២ ខែមេសា ឆ្នាំ២០១៧ នៅទីក្រុងហាណូយ ក្រសួងវិទ្យាសាស្ត្រនិងបច្ចេកវិទ្យាបានប្ររព្ធពិធីប្រគល់ពានរង្វាន់គុណភាពថ្នាក់ជាតិ និងពានរង្វាន់គុណភាពថ្នាក់អន្តរជាតិអាស៊ី - ប៉ាស៊ីហ្វិក (GPEA) ឆ្នាំ ២០១៦ សម្រាប់អង្គភាពអាជីវកម្មឆ្នើម។ ពានរង្វាន់គុណភាពថ្នាក់ជាតិបានប្រារព្ធជារៀងរាល់ឆ្នាំសម្រាប់អង្គភាពអាជីវកម្មមានសមិទ្ធលេចធ្លោក្នុងការផលិត ធ្វើអាជីវកម្ម កសាង និងអនុវត្តប្រកបដោយប្រសិទ្ធភាពចំពោះប្រព័ន្ធគ្រប់គ្រងគុណភាព។ ពានរង្វាន់គុណភាពថ្នាក់ជាតិរបស់វៀតណាមស្ថិតនៅក្នុងប្រព័ន្ធពានរង្វាន់គុណភាពអន្តរជាតិក្នុងតំបន់អាស៊ី - ប៉ាស៊ីហ្វិក។ ថ្លែងមតិនៅទីនេះ ឧបនាយករដ្ឋមន្រ្តី លោក Vu Duc Dam បានសង្កត់ធ្ងន់ថា ការលើកទឹកចិត្តអង្គភាពអាជីកម្មសំដៅកែលម្អគុណភាពត្រូវផ្សាភ្ជាប់ជាមួយកិច្ចការគ្រប់គ្រងទីផ្សារ ដើម្បីបរិយាកាសអភិវឌ្ឍន៍ស្អប្រសើរសម្រាប់អង្គភាពអាជីកម្ម និងផលប្រយោជន៍របស់អតិថិជន។
“អង្គភាពអាជីវកម្មជាច្រើនរបស់វៀតណាមបានរីកចំរើននឹងមានកន្លែងឈរជើងរឹងមាំលើទីផ្សារក្នុងស្រុកនិងអន្តរជាតិដោយមានគុណភាបរបស់ខ្លួននិងខ្ញុំមានគោលបំណងថា ពានរង្វាន់គុណភាពថ្នាក់ជាតិនិងពានរង្វាន់គុណភាពថ្នាក់អន្តរជាតិអាស៊ី - ប៉ាស៊ីហ្វិកនេះនឹងទាក់ទាញការយកចិត្តទុកដាក់មិនត្រឹមតែរបស់អង្គភាពអាជីវកម្មប៉ុណ្ណោះទេ ថែមទាំងពីសង្គមទាំងមូលទៀតផង។ ជាពិសេសគឺបង្កើតកម្លាំងចលករសម្រាប់សហគមន៍អង្គភាពអាជីកម្មវៀតណាមសំដៅផ្លាស់ប្ដូរថ្មី ច្នៃប្រឌិត និងលើកកម្ពស់គុណភាពដើម្បីប្រទេសអភិវឌ្ឍន៍យ៉ាងឆាប់រហ័សប្រកបដោយនិរន្តរភាព”៕
តាម VOV5-វិទ្យុសម្លេងវៀតណាម
