05/11/2020 10:13 GMT+7 Email Print Like 0

អង្គការសុខភាពពិភពលោក សង្ឃឹមថានឹងចែកចាយវ៉ាក់សាំង Covid-19 រហូតដល់ ២ ពាន់លានដូសនៅទូទាំងពិភពលោកក្នុងឆ្នាំ ២០២១


រូបថតឧទាហរណ៍ (ប្រភព៖ laodong.vn)
 

តំណាងអង្គការសុខភាពពិភពលោក (WHO) ប្រចាំនៅប្រទេសរុស្ស៊ីលោកស្រី Melita Vujnovic កាលពីថ្ងៃទី ៣ ខែវិច្ឆិកា បានមានប្រសាសន៍ថា អង្គការនេះសង្ឃឹមថានឹងចែកចាយវ៉ាក់សាំង Covid-19 ចំនួន ២ ពាន់លានដូសនៅទូទាំងពិភពលោក នៅមុនដំណាច់ឆ្នាំ ២០២១ ក្នុងក្របខ័ណ្ឌនៃយន្ដការ COVAX។

លោកស្រី Melita Vujnovic បានបន្ថែមទៀតថា ទោះបីជាមិនប្រាកដក៏ដោយ ប៉ុន្តែអង្គការសុខភាពពិភពលោកជឿជាក់ថា វ៉ាក់សាំងគ្រប់ប្រភេទដែលមានសុវត្ថិភាព និងប្រសិទ្ធភាពនឹងលេចចេញនៅលើសកលលោកនាពេលឆាប់ៗនេះ។ ម្យ៉ាងវិញទៀត ដោយមានការគាំទ្រពីយន្តការ COVAX អង្គការសុខភាពពិភពលោក (WHO) នឹងអាចចែកចាយវ៉ាក់សាំងគ្រប់ប្រភេទរហូតដល់ ២ ពាន់លានដូស នៅដំណាច់ឆ្នាំក្រោយ។

លើសពីនេះទផត លោកស្រី Melita Vujnovic ក៏បានក្រើនរំលឹកថា វានៅតែលឿនពេកដើម្បីកំណត់ថាតើពិភពលោកអាចវិល  ត្រឡប់ទៅរកជវភាពរស់នៅធម្មតាវិញផងដែរ។ ហេតុដូច្នេះការកំណត់មុខសញ្ញាដែលទទួលការផ្តល់អាទិភាព នឹងជួយធានាថាវ៉ាក់សាំងដំបូង អាចទៅដល់ដៃអ្នកដែលត្រូវការបំផុតនៅក្នុងប្រទេសទាំងអស់ រួមមានបុគ្គលិកថែទាំសុខភាពនិងក្រុមមនុស្សងាយរងគ្រោះមហន្តរាយផងដែរ៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ