26/12/2021 21:29 GMT+7 Email Print Like 0

ស្តារនិងអភិវឌ្ឍន៍ទេសចរណ៍វៀតណាមក្នុងស្ថានភាពថ្មី

នាព្រឹកថ្ងៃទី២៥ ខែធ្នូ នៅខេត្ត Nghe An គណៈកម្មាធិការវប្បធម៌-អប់រំនៃរដ្ឋសភា បានសម្របសម្រួលជាមួយក្រសួងវប្បធម៌ កីឡា និងទេសចរណ៍ រៀបចំសិក្ខាសាលាដោយប្រធានបទ “ទេសចរណ៍វៀតណាម-ការស្តារឡើងវិញនិងអភិវឌ្ឍន៍”។

ដំណើរកំសាន្តជុំវិញទីក្រុងហូជីមិញដោយឡានក្រុង សម្រេចបានលក្ខណៈវិនិច្ឆ័យសុវត្ថិភាព១០/១០។ (រូបថត៖ My Phuong/ TTXVN)


អនុរដ្ឋមន្ត្រីក្រសួងវប្បធម៌ កីឡា និងទេសចរណ៍ លោក Doan Van Viet បានឲ្យដឹងថា៖ ដើម្បីជំរុញតម្រូវការនិងស្តារឡើងវិញសកម្មភាពទេសចរណ៍ និងការធ្វើដំណើរកម្សាន្ត ក្រសួងវប្បធម៌ កីឡា និងទេសចរណ៍នឹងកសាងផែនការមេនៃប្រព័ន្ធទេសចរណ៍ជាតិ និងកម្មវិធីអភិវឌ្ឍន៍ទេសចរណ៍វៀតណាម ដំណាក់កាល២០២១-២០២៦ ហើយដាក់ជូននាយករដ្ឋមន្ត្រី ដើម្បីជំរុញការអភិវឌ្ឍវិស័យទេសចរណ៍បន្ទាប់ពីជំងឺរាតត្បាតត្រូវបានគ្រប់គ្រង។

របាយការណ៍ក្នុងសន្និសីទបង្ហាញថា ក្រោយរយៈពេល២ឆ្នាំដែលរងផលប៉ះពាល់ដោយជំងឺរាតត្បាតកូវីដ១៩ វិស័យទេសចរណ៍វៀតណាមត្រូវប្រឈមមុខនឹងការលំបាកដែលមិនធ្លាប់មានតាំងពីមុនមក ជាពិសេសគឺការទទួលស្វាគមន៍ភ្ញៀវទេសចរណ៍អន្តរជាតិត្រូវបានបង្កក នៅពេលដែលសកម្មភាពទេសចរណ៍ក្នុងស្រុកស្ថិតនៅកំរិតល្មមៗតាមរលកជំងឺនីមួយៗ។ អាជីវកម្មភាគច្រើននៅក្នុងវិស័យទេសចរណ៍ ត្រូវបិទទ្វារជាបណ្តោះអាសន្ន ឬកាត់បន្ថយប្រតិបត្តិការ; ពលករជាច្រើនក្នុងវិស័យសេវាកម្មទេសចរណ៍ បានបាត់បង់ការងារធ្វើ។

គណៈប្រតិភូបានវាយតម្លៃខ្ពស់ចំពោះគោលការណ៍ និងគោលនយោបាយយ៉ាងទាន់ពេលវេលារបស់បក្ស រដ្ឋសភានិងរដ្ឋាភិបាល ក្នុងការជួយស្តារសេដ្ឋកិច្ចឡើងវិញ រួមទាំងវិស័យទេសចរណ៍ផងដែរ; ហើយបានស្នើឲ្យមានដំណោះស្រាយបន្ថែមទៀត ដើម្បីបើកទូលាយទីផ្សារ ទាក់ទាញភ្ញៀវទេសចរ ដើមទុន និងកែលម្អគុណភាពទេសចរណ៍ និងអនុញ្ញាតឱ្យមានការអភិវឌ្ឍន៍សេវាកម្មទេសចរណ៍ថ្មី ដែលសមស្របនឹងស្ថានភាពបច្ចុប្បន្ន៕

តាម VOV5 - វិទ្យុសម្លេងវៀតណាម
 
បណ្តាព័ត៌មានបានផ្សាយ