14/05/2020 13:54 GMT+7 Email Print Like 0

សិក្សារៀនសូត្រតាមគំរូលោកប្រធានហូជីមិញដើម្បីបម្រើមាតុភូមិនិងប្រជាជន


 លោកនាយករដ្ឋមន្រ្តីវៀតណាម Nguyen Xuan Phuc អញ្ជើញថ្លែងនៅកម្មវិធី (រូបថត៖ VGP) 
 

កម្មវិធីសិល្បៈក្រោមប្រធានបទ “ហូជីមិញ - ដំណើរនៃសេចក្ដីប្រាថ្នា” ឆ្នាំ២០២០ ត្រូវ​បាន​គណៈ​កម្មាធិការ​ឃោសនា​អប់រំមជ្ឈឹម​រៀបចំឡើងនាយប់ ថ្ងៃទី១២ ឧសភា នៅទីក្រុងហាណូយ។ កម្មវិធីគឺសំដៅ​លើក​តម្កើង​គំរូ​ឆ្នើម​ៗ​ ក្នុងការសិក្សារៀនសូត្រនិងធ្វើតាមសតិអារម្មណ៍ សីលធម៌និងរចនាបទ ហូជីមិញ។
 
អញ្ជើញ​ថ្លែងនៅទីនេះ លោកនាយករដ្ឋមន្រ្តីវៀតណាម Nguyen Xuan Phuc បានអះអាងថា លោក​ប្រធាន​ហូជីមិញ​ជាគំរូដ៏ល្អឥតខ្ចោះអំពី សីលធម៌បដិវត្តន៍ ដែលបានបម្រើមាតុភូមិនិងប្រជាជនអស់ពីចិត្តពីថ្លើម។ លោក​ប្រធាន​ក៏ជានិមិត្តរូបនៃស្មារតីសប្បុរសធម៌របស់ប្រជាជាតិវៀតណាម និងជានិមិត្តរូប​នៃសីល​ធម៌​កុម្មុយនិស្តដ៏ខ្ព​ង់ខ្ព​ស់​ និងបរិសុទ្ធផងដែរ។ លោក នាយករដ្ឋមន្រ្តីអញ្ជើញមានប្រសាសន៍ថា៖
 
“ក្នុង​ជំនួបប្រាស្រ័យលើកនេះ យើងមានការរំភើបចិត្តដោយបានជួបជុំ ជាមួយសមូហភាព និង​បុគ្គល​នានា​ដែល​បាន​ខិតខំប្រឹងប្រែងជំនះពុះពារ លើការលំបាកសាកល្បង លះបង់អស់ពីកម្លាំង​កាយចិត្ត​ទាំង​យប់​ទាំង​ថ្ងៃ ​ដើម្បីរួមចំណែកទៅក្នុងសមិទ្ធផលរួមរបស់ប្រជាជាតិ​ ក្នុងនោះមានជួរ​ គ្រូពេទ្យ​ដ៏មោះមុត​លើសមរ​ភូមិ​ប្រយុទ្ធ​ប្រឆាំង​ជំងឺឆ្លង Covid-19 នាពេល កន្លងទៅ។ តាមរយៈកម្មវិធីនេះ រាល់គំរូដ៏ភ្លឺស្វាង​អំពី​ការសិក្សារៀន​សូត្រ​ ធ្វើតាមលោកប្រធាន រាល់រឿងរ៉ាវគួរឲ្យរំភើបចិត្តស្ដីពីស្មារតីទទួលខុសត្រូវ ចំពោះប្រជាជន ចំពោះ​ប្រទេស​ជាតិ​ ហើ​យរឿងរ៉ាវស្ដីពីសេចក្ដីស្រឡាញ់ មនុស្ស ស្ដីពីសីលធម៌ប​ដិវត្តន៍ដ៏បរិសុទ្ធ នឹងត្រូវបានរីកសាយ​ភាយ​ទៅ ក្នុង​សង្គម បង្កើតកម្លាំងចលក​រ​ដើម្បី​ជំរុញការអភិវឌ្ឍប្រទេសជាតិ”៕​

 

តា​ម VOV5 - វិទ្យុសំឡេងវៀតណាម​
 

បណ្តាព័ត៌មានបានផ្សាយ