សហប្រតិបតិ្តការផ្សព្វផ្សាយ ពន្លឿនទេសចរណ៍វៀតណាមតាមរយៈការប្រណាំងរថយន្ត F1
នាថ្ងៃទី២១កុម្ភៈ នៅរដ្ឋធានីហាណូយ អគ្គនាយកដ្ឋានទេសចរណ៍វៀតណាមនិងក្រុមហ៊ុន Vietnam Grand Prix (VGPC) បានចុះហត្ថលេខាលើកិច្ចព្រមព្រៀងសហប្រតិបតិ្តការវដ្តទី១ឆ្នាំ២០២០-២០២៥ ស្ដីពីការផ្សព្វផ្សាយ ពន្លឿនទេសចរណ៍វៀតណាម តាមរយៈការប្រណាំងរថយន្ត F1។
 |
|
ទិដ្ឋភាពនៅពិធីចុះហត្ថលេខា (រូបថត៖ qdnd.vn) |
តាមនោះ ភាគីទាំងពីរនឹងធ្វើសកម្មភាពឃោសនា ផ្សព្វផ្សាយទេសចរណ៍វៀតណាមនិងការប្រណាំងរថយន្ត F1 លើមធ្យោបាយសារព័ត៌មាន មហាជននានា ព្រមទាំងចូលរួមពិព័រណ៍និងកម្មវិធីផ្សព្វផ្សាយទេសចរណ៍វៀតណាមនៅឯបរទេសនិងជួបប្រាស្រ័យជាមួយសារព័ត៌មានអន្តរជាតិក្នុង ក្របខ័ណ្ឌការប្រណាំង F1 នៅវៀតណាមផងដែរ។
ការប្រណាំងរថយន្ត F1 ជាព្រឹត្តិការណ៍ដ៏សំខាន់ដើម្បីជួយឲ្យវៀតណាមធ្វើឡើងផលិតផលទេសចរណ៍ថ្មី ដែលជាទេសចរណ៍ផ្សាភ្ជាប់នឹង ព្រឹត្តិការណ៍កីឡាធំៗ។ ជាពិសេសគឺការធានារៀបចំការប្រណាំង F1 នៅទីក្រុងហាណូយនាខែមេសាឆ្នាំ២០២០ ក្នុងបរិបទដែលផ្នែកទេសចរណ៍ ទូទាំងសកលលោកកំពុងរងផលប៉ះពាល់យ៉ាងធ្ងន់ធ្ងរដោយជំងឺរាតត្បាត Covid-19 នោះ គឺសារពោរពេញទៅដោយអត្ថន័យស្ដីពីគោលដៅទេសចរណ៍មួយប្រកបដោយសុវត្ថិភាពនិងគរឲ្យទាក់ទាញចំពោះមិត្តភក្តិអន្តរជាតិផងដែរ៕
តាម VOV5 - វិទ្យុសម្លេងវៀតណាម