សន្និសីទ CLMV និង ACMECS បានប្រារព្ធឡើងដ៏មហោឡារិកនៅទីក្រុងហាណូយ
ទិដ្ឋភាពប្រារព្ធសន្និសីទជាន់ខ្ពស់សហប្រតិបត្តិការ កម្ពុជា ឡាវ មីយ៉ាន់ម៉ានិងវៀតណាម លើកទី៨ (CLMV 8) និងសន្និសីទយុទ្ធសាស្ត្រនៃទន្លេទាំងបី អាយ៉េយ៉ាវ៉ាឌី-ចៅប្រាយ៉ា-មេគង្គលើកទី៧ (ACMECS7)
សន្និសីទជាន់ខ្ពស់សហប្រតិបត្តិការ កម្ពុជា ឡាវ មីយ៉ាន់ម៉ា និងវៀតណាមលើកទី៨ (CLMV 8) និងសន្និសីទយុទ្ធសាស្ត្រនៃទន្លេទាំងបី អាយ៉េយ៉ាវ៉ាឌី-ចៅប្រាយ៉ា-មេគង្គលើកទី៧ (ACMECS7)បានប្រារព្ធយ៉ាងឱឡារិកនៅទីក្រុងហាណូយ។ ថ្លែងមតិ ក្នុងពិធីបើក នាយករដ្ឋមន្ត្រីវៀតណាម លោក Nguyen Xuan Phuc បានលើកច្បាស់ថា កិច្ចសហប្រតិបត្តិការ កម្ពុជា ឡាវ មីយ៉ាន់ម៉ានិងវៀតណាម និងកិច្ចសហប្រតិបត្តិការ យុទ្ធសាស្ត្រនៃទន្លេទាំងបី អាយ៉េយ៉ាវ៉ាឌី-ចៅប្រាយ៉ា-មេគង្គ គឺទទួលបានលទ្ធផលសំខាន់ ជាច្រើន រួមចំណែកចូលក្នុងការអភិវឌ្ឍន៍សេដ្ឋកិច្ចសង្គម របស់ប្រទេសនីមួយៗនិងរួមចំណែកចូលក្នុងការកសាងសហគមន៍អាស៊ានព្រមទាំងពង្រឹងនូវទំនាក់ទំនងអ្នកជិតខាង ល្អ សន្តិភាពនិងស្ថិរភាពក្នុងតំបន់។ នាយករដ្ឋមន្ត្រី លោក Nguyen Xuan Phuc អញ្ជើញមានអនុសាសន៍ថា៖
“យើងកំពុងប្រឈមមុខនឹងរាល់ឱកាសងាយស្រួលសម្រាប់ការអភិវឌ្ឍន៍ របស់កិច្ចសហប្រតិបត្តិការ CLMV និង ACMECS ។ នៅក្នុងសន្និសីទទាំងអស់នេះយើងនឹង ធ្វើការពិភាក្សាអំពីបរិយាកាសអភិវឌ្ឍន៍ថ្មី ឯកភាពលើកម្មវត្ថុមួយចំនួននិងដាក់ចេញនូវ វិធានការសហប្រតិបត្តិការ ដើម្បីកសាងតំបន់សេដ្ឋកិច្ចមួយសកម្មមានការប្រកួតប្រជែង និងអភិវឌ្ឍន៍ប្រកបដោយនិរន្តរភាព។ រដ្ឋាភិបាលវៀតណាមផ្តោតការយកចិត្តទុក ដាក់ជាពិសេសលើកិច្ចសហប្រតិបត្តិការ CLMV និង ACMECS ហើយត្រៀមជាស្រេច រួមសហការជាមួយប្រទេសសមាជិកនានា ក៏ដូចជាដៃគូអភិវឌ្ឍន៍ដើម្បីសន្តិភាព ស្ថិរភាព ការអភិវឌ្ឍន៍និរន្តរភាព និងភាពសម្បូរ
រុងរឿងរួមក្នុងតំបន់”។
ប្រធានបទនៃសន្និសីទជាន់ខ្ពស់ CLMV លើកទី៨ គឺ “ចាប់យកឱកាសកសាង អនាគត” ចំពោះសន្និសីទជាន់ខ្ពស់ ACMECS លើកទី៧វិញ គឺពិភាក្សាទៅលើប្រធានបទ "ឆ្ពោះទៅអនុតំបន់មេគង្គមួយ ប្រកបដោយឋាមភាព និងវិបុលភាព”។ ប្រធានបទ ទាំងអស់នេះបានស្តែងចេញ នូវគោលដៅរួមរបស់ប្រទេសនីមួយៗព្រមទាំងកំណត់នូវ ទិសដៅសមស្របសម្រាប់ កិច្ចសហប្រតិបត្តិការនាដំណាក់កាលខាងមុខ៕
តាម VOV5 - វិទ្យុសំឡេងវៀតណាម