13/12/2019 10:58 GMT+7 Email Print Like 0

សកម្មភាពរបស់ប្រធានរដ្ឋសភាវៀតណាមលោកស្រី Nguyen Thi Kim Ngan នៅសហព័ន្ធរុស្ស៊ី


 ប្រធានរដ្ឋសភាវៀតណាមលោកស្រី Nguyen Thi Kim Ngan និងប្រធានឌូម៉ាជាតិរុស្ស៊ីលោក Vyacheslav Volodin​បានអញ្ជើញចូលរួមពិធីបើកនិងសម័យប្រជុំលើកទី១នៃគណៈកម្ម ការសហប្រតិបតិ្តការ​អន្តរសភារ​វាងរដ្ឋសភាវៀតណាម​និងឌូម៉ាជាតិរុស្ស៊ី (រូបថត៖ VOV)
 

នារសៀល​ថ្ងៃទី១១ ខែធ្នូ ឆ្នាំ២០១៩ តាមម៉ោងតំបន់ ក្នុងក្របខ័ណ្ឌនៃដំណើរ ទស្សនកិច្ចជាផ្លូវ​ការ​នៅ​សហព័ន្ធ​រុស្ស៊ី​ ប្រធានរដ្ឋសភាវៀតណាមលោកស្រី Nguyen Thi Kim Ngan បាន​អញ្ជើញ​ជួប​ពិភាក្សា​ការងារ​ជាមួយ​ប្រធាន​ឌូម៉ា ​ជាតិរុស្ស៊ីលោក Vyacheslav Volodin នៅទីស្នាក់ការឌូម៉ាជាតិរុស្ស៊ី។
 
លោក​ស្រី Nguyen Thi Kim Ngan បានអះអាងថា វៀតណាមជានិច្ច កាល​គោរ​ព​ហើយ​ប្ដេជ្ញាចិត្ត​ពង្រីក​ទំនាក់​ទំនង​ភាព​ជាដៃគូយុទ្ធសាស្ត្រគ្រប់ជ្រុងជ្រោយជាមួយសហព័ន្ធរុស្ស៊ីអោយកាន់តែស៊ីជំរៅ ជាក់ស្ដែង និងប្រកប ដោយ​ប្រសិទ្ធ​ភាពពីមួយថ្ងៃទៅមួយថ្ងៃ ឆ្លើយតបនឹងផលប្រយោជន៍ពិត ប្រាកដនៃប្រជាជាតិទាំងពីរ។ លោកស្រី​ប្រធានរដ្ឋសភាវៀតណាមបានស្នើ អោយភាគីទាំងពីរបន្តបើកទូលាយការជួបប្រាស្រ័យ កិច្ច​សហប្រតិ​បតិ្តការ​ រវាងរដ្ឋសភាទាំងពីរ ស្ថាប័នចំណុះរដ្ឋសភានិងក្រុមសមាជិកសភាមិត្តភាព នៃប្រទេសទាំងពីរ ព្រម​ទាំង​បង្កើនកិច្ចសហការឃ្លាំមើលនិងដាស់តឿនការ អនុវត្តកិច្ចព្រមព្រៀង​សហប្រតិ​បតិ្តការ​នានា​ដែល​រដ្ឋាភិបាល​​ទាំងពីរបានចុះហត្ថលេខាផងដែរ។
 
បន្ទាប់ពី​ជំនួបពិភាក្សាការងារ ប្រធានរដ្ឋសភាវៀតណាមលោកស្រី Nguyen Thi Kim Ngan និងប្រធាន​ឌូម៉ា​ជាតិ​រុស្ស៊ីលោក Vyacheslav Volodin បានអញ្ជើញចូលរួមពិធីបើកនិងសម័យប្រជុំលើកទី១នៃគណៈកម្ម ការសហប្រតិ​បតិ្តការអន្តរសភារវាងរដ្ឋសភាវៀតណាមនិងឌូម៉ាជាតិរុស្ស៊ី។
 
មុននោះ នាថ្ងៃ​ដដែល ប្រធានរដ្ឋសភាវៀតណាមលោកស្រី Nguyen Thi Kim Ngan បានអញ្ជើញជួប​សវនា​ការ​ជាមួយ​នាយករដ្ឋមន្រ្តី រុស្ស៊ីលោក Dmitry Medvedev។ នៅក្នុងជំនួបនេះ លោកស្រី Nguyen Thi Kim Ngan បាន​ស្នើ​អោយ​រដ្ឋាភិបាលរុស្ស៊ីបន្តគាំទ្រនិងលើកទឹកចិត្តសហ គ្រាសប្រេងឧស្ម័ន​រុស្ស៊ីចូល​រួមបណ្ដាក់​ទុនក្នុង​គម្រោង​ប្រេង​ឧស្ម័នថ្មីៗនៅ វៀតណាម ដោយស្របនឹងច្បាប់អន្តរជាតិ ក្នុងនោះមានអនុសញ្ញាអង្គការ សហប្រជាជាតិ​ស្ដីពី​ច្បាប់​សមុទ្រឆ្នាំ១៩៨២។ ចំណែកឯនាយករដ្ឋមន្ត្រីរុស្ស៊ី លោក Dmitry Medvedev បានសង្កត់ធ្ងន់ថា រុស្ស៊ីនិងវៀត​ណាមមានទំនាក់ ទំនងដ៏ល្អប្រសើរ ហើយក្រុមហ៊ុនជាច្រើននៃប្រទេសទាំងពីរកំពុងសហប្រតិ បតិ្តការគ្នាយ៉ាង​ល្អណាស់។
 
បន្ទាប់នោះ ក្នុង​ជំនួបជាមួយប្រធានគណៈបក្សកុម្មុយនិស្តរុស្ស៊ីលោក Zuganov នោះ លោកស្រីប្រធាន​រដ្ឋសភា​បាន​​ជម្រាបពីស្ថានភាពអភិវឌ្ឍ សេដ្ឋកិច្ចសង្គមរបស់វៀតណាមនាពេលកន្លងទៅ។ រីឯខ្លួនវិញ លោក Zuganov បានសង្កត់ធ្ងន់ថា វៀតណាមជាអាទិភាពមួយក្នុងចំណោម អាទិភាពនៃគោល​នយោបាយ​កិច្ច​ការបរទេស​របស់រុស្ស៊ី​ ​ព្រមទាំងអះអាងថា សាជីវកម្មវៀតណាម-រុស្ស៊ី (Vietsovpetro) ជានិមិត្តរូបនៃកិច្ចសហប្រតិបតិ្ត ការរវាង​ប្រទេសទាំងពីរ៕

 

តាម VOV5 - វិទ្យុសំឡេងវៀតណាម
 

បណ្តាព័ត៌មានបានផ្សាយ