20/02/2021 19:39 GMT+7 Email Print Like 0

វៀតណាមស្ថិតក្នុងលំដាប់ថ្នាក់កំពូលទី ៣ (TOP 3) អំពីការបំលែងថាមពលកកើតឡើងវិញក្នុងតំបន់

គេហទំព័រ energyvoice.com បានដកស្រង់លទ្ធផលនៃការស្រាវជ្រាវថ្មីៗបំផុតរបស់ IHS MARKIT (ប្រទេសអង់គ្លេស) ដោយបង្ហាញថាប្រទេសអូស្រ្តាលីជប៉ុន និងវៀតណាមកំពុងឈានមុខគេក្នុងការបំលែងទៅជាថាមពលកកើតឡើងវិញនៅក្នុងតំបន់អាស៊ី-ប៉ាស៊ីហ្វិក។

រោងចក្រថាមពលពន្លឺព្រះអាទិត្យ Sao Mai - An Giang ដោយមានដើមទុនវិនិយោគសរុបជាង ៦.០០០ ពាន់លានដុង បានបញ្ចប់បន្ទាប់ពីសាងសង់អស់រយៈពេល ២ ឆ្នាំ (រូបថត៖ TTXVN)


យោងតាមសន្ទស្សន៍នៃការបន្ថែមថាមពលកកើតឡើងវិញរបស់ IHS បានឲ្យដឹងថាបណ្តាញអភិវឌ្ឍន៍ថាមពលកកើតឡើងវិញ បានកើនឡើងយ៉ាងខ្លាំងនៅក្នុងតំបន់អាស៊ី-ប៉ាស៊ីហ្វិក។

មានប្រហែល ១/៣ នៃចំនួនគម្រោងថាមពលកំពុងសាងសង់ឡើង (ប្រហែល ៨០ ជីហ្កាវ៉ាត់) ដើម្បីបង្កើតថាមពលវាយោអគ្គិសនីនិងថាមពលពន្លឺព្រះអាទិត្យ វារីអគ្គិសនី និងថាមពលកកើតឡើងវិញផ្សេងៗទៀត នៅក្នុងទីផ្សារសំខាន់ៗចំនួន ១៦ ក្នុងតំបន់ផងដែរ។ អូស្រ្តាលីជាប់ចំណាត់ថ្នាក់លេខមួយអំពីសន្ទស្សន៍នេះ ពោលគឺមានអនុភាព ៨៩% ដែលកំពុងត្រូវបានបង្កើតឡើង គឺ ថាមពលវាយោអគ្គិសនីនិងថាមពលពន្លឺព្រះអាទិត្យ ឬថាមពលជីវម៉ាស។ ចំណាត់ថ្នាក់ទី ២ គឺប្រទេសជប៉ុន។

រីឯប្រទេសវៀតណាមវិញបានជាប់ចំណាត់ថ្នាក់ទី ៣ ក្នុងតំបន់និងឈរលំដាប់ថ្នាក់នាំមុខគេក្នុងចំណោមទីផ្សារកំពុងរីកចម្រើន ពីព្រោះប្រទេសវៀតណាមបានផ្តល់បញ្ជីតម្លៃអគ្គិសនីល្អៗ ដើម្បីទាក់ទាញការវិនិយោគលើថាមពល វាយោអគ្គិសនីនិងថាមពលពន្លឺព្រះអាទិត្យ៕

តាម​ VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ