នារសៀលថ្ងៃទី២១ ខែកក្កដា ឆ្នាំ២០១៧ នៅទីក្រុង ហូជីមិញ តំណាងសហគ្រាសចំនួន២០០ ដែលកំពុងអនុវត្តសកម្មភាពលើវិស័យទេសចរណ៍នៅបណ្តាខេត្ត ក្រុងភាគខាងត្បូង បានចូលរួមសន្និសីទអនុវត្តផែនការបង្កើនការងារគ្រប់គ្រង កែទម្រង់សកម្មភាព ទេសចរណ៍ មគ្គុទេសទេសចរណ៍ និងគ្រប់គ្រងទីតាំងទេសចរណ៍។
អញ្ជើញថ្លែងមតិ ក្នុងសន្និសីទនេះ លោក Nguyen Van Tuan អគ្គនាយកនៃអគ្គនាយកដ្ឋានទេសចរ ណ៍វៀតណាម បានឲ្យដឹងថា ក្នុងឆមាសទី១នេះ វិស័យទេសចរណ៍នៅវៀតណាម សម្រេចបានកំណើនគួរឲ្យកត់សម្គាល់ ដោយទទួលបានភ្ញៀវទេសចរអន្តរជាតិ ចំនួន៦,២លាននាក់ កើន៣០,២% បើប្រៀបនឹងរយៈពេលដូចគ្នានាឆ្នាំទៅមិញ។ ចំនួនភ្ញៀវជាតិ ក៏ទទួលបានជាង៤០,៧លាននាក់ដែរ។ ដោយគោលដៅដាក់ចេញ សម្រាប់ឆ្នាំ២០១៧ គឺខំប្រឹងប្រែងទទួលបានភ្ញៀវអន្តរជាតិ ចំនួន១៣លាននាក់មក វៀតណាមនោះ ផ្នែកទេសចរណ៍វៀតណាម គប្បីរក្សាការទាក់ទាញភ្ញៀវទេសចរ ព្រមទាំងលើកកំពស់គុណភាពសេវាកម្ម ដើម្បីឆ្លើយតបទៅនឹងតម្រូវការទេសចរណ៍៕
តាម VOV5 - វិទ្យុសំឡេងវៀតណាម