រដ្ឋមន្ត្រីការបរទេសអាមេរិក លោក Mike Pompeo នៅថ្ងៃទី ២២ ខែតុលា បានចេញសេចក្តីប្រកាសព័ត៌មានអំពីការដែល រដ្ឋាភិបាលសហរដ្ឋអាមេ រិក បានចែករំលែកជាមួយវៀតណាម លើការខូចខាតដែលបណ្តាលមកពីទឹកជំនន់នៅតាមបណ្តាខេត្តភាគកណ្តាលវៀតណាម។

សេចក្តីប្រកាសព័ត៌មានបានឲ្យដឹងថា រដ្ឋាភិបាលអាមេរិកបានសម្តែងសមានទុក្ខយ៉ាងជ្រាលជ្រៅចំពោះរដ្ឋាភិបាលនិងប្រជាជន វៀតណាមអំពីការខូចខាតទាំងអាយុជីវិតនិងទ្រព្យសម្បត្តិដែលបណ្តាលមកពីទឹកជំនន់នៅភាគកណ្តាលវៀតណាមដោយសារឥទ្ធិពលនៃព្យុះ Linfa។ រដ្ឋាភិបាលសហរដ្ឋអាមេរិកត្រៀមខ្លួនជួយវៀតណាមក្នុងការដោះស្រាយការខូចខាតដោយទឹកជំនន់ ព្រមទាំងសម្តែងនូវការអាណិតអាសូរដល់អ្នកដែល រងផលប៉ះពាល់ដោយសោកនាដកម្មនេះ រួមទាំងប្រជាជនរាប់ពាន់នាក់ត្រូវទឹកជំនន់បំផ្លិចផ្លាញផ្ទះសម្បែង។

ស្ថាប័នអភិវឌ្ឍន៍អន្តរជាតិសហរដ្ឋអាមេរិកបានសម្រេចផ្តល់ជំនួយមនុស្សធម៌ចំនួន ២០ ម៉ឺនដុល្លារអាមេរិក ដើម្បីជួយដល់ប្រទេស វៀតណាមនិងប្រទេសកម្ពុជាក្នុងការដោះស្រាយផលប៉ះពាល់ដោយទឹកជំនន់។

ស្ថាប័នអភិវឌ្ឍន៍អន្តរជាតិសហរដ្ឋអាមេរិក ក៏បាននិយាយថា ខ្លួនកំពុងរួមសហការជាមួយកាកបាទក្រហម វៀតណាមនិងកម្មវិធីស្បៀងអាហារពិភពលោកនៅកម្ពុជាដើម្បីផ្តល់ជំនួយបន្ទាន់ដល់អ្នកដែលរងគ្រោះដោយទឹកជំនន់៕

តាម VOV5 -វិទ្យុសម្លេងវៀតណាម