អនុប្រធានគណៈកម្មាធិការប្រជាជនទីក្រុង Can Tho លោក  Truong Quang Hoai Nam ទទួលស្វាគមន៍លោក Joe Lewis 
 

 នារសៀលថ្ងៃទី៣ ខែមិថុនា ឆ្នាំ​២០១៩ លោក Joe Lewis មហា​សេដ្ឋី​ជន​ជាតិ​អង់​គ្លេស​និង​ជាម្ចាស់​ក្លឹប​បាល់​ទាត់​ Tottenham បានធ្វើដំណើរទស្សនកិច្ចតាមជើងយន្ត ហោះពិសេសមកកាន់ទីក្រុង Can Tho នៃប្រទេស វៀត​​ណាម ជាលើកទីពីរ បន្ទាប់ពីបានមកទីក្រុងនេះជាលើកដំបូងកាលពីដើមខែឧសភាឆ្នាំ ២០១៩ តាមនាវា​ឈ្មោះ ​Aviva​។

យន្ត​ហោះដឹកមហាសេដ្ឋី Joe Lewis បានចុះចតនៅអាកាសយានដ្ឋានអន្តរជាតិ Can Tho  នៅវេលាម៉ោង ២រសៀល​។ ម្ចាស់ក្លឹប Tottenham បានវិលត្រឡប់មកកាន់ទីក្រុង Can Tho ក្រោយរយៈពេលពីរថ្ងៃ បន្ទាប់​ពីក្រុម​បាល់​ទាត់​របស់លោកចាញ់ក្រុម Liverpool ក្នុងវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ដែលប្រព្រឹត្ត​ទៅនៅកីឡាដ្ឋាន Wanda Metropolitano ទីក្រុង Madri​d នៃប្រទេសអេស្ប៉ាញ។ ​“ដំណើរ​កំសាន្ត​លើក​នេះ​ខ្ញុំរំពឹង​ទុកថា នឹងយកពាន​រង្វាន់ជើងឯកទៅ​តាម​ខ្លួន ប៉ុន្តែដោយ​ហេតុផល​ជាច្រើន​ដែល​ខ្ញុំមិនអាច​ធ្វើបាន​ទេ។​ ហេតុដូច្នេះ យើងនឹងជួបអ្នកនៅឆ្នាំក្រោយ”។ នេះជាប្រសាសន៍របស់មហាសេដ្ឋីវ័យអាយុ ៨២ ឆ្នាំ រូបនេះ​ដែល​ប្រាប់អ្នក យកព័ត៌មាននៅកន្លែងទទួលភ្ញៀវនៃព្រលានយន្តហោះ។ ពេលដែលបានសួរ​អំពី​ចំណាប់​អារម្មណ៍​របស់​ខ្លួនក្នុងដំណើរទស្សនកិច្ចនៅ​ទីក្រុង Can Tho មុនននោះ  លោក​ Joe Lewis បានសំ​ណេះសំ​ណាល​ថា​៖​ “ដំណើរទស្សនកិច្ចនៅទីក្រុ​ង Can Tho លើកមុន បានប​ន្សល់ទុក​នូវអារម្មណ៍​កក់ក្តៅអំ​ពី​ប្រជាជន​និង​ប្រទេស​ វៀតណាម ហេតុដូច្នេះយើងចង់វិលត្រឡ​ប់មកម្តងទៀត”៕​
 

តាម VOV​5 - វិទ្យុសំឡេង​​វៀត​ណាម​