03/02/2020 11:29 GMT+7 Email Print Like 0

មនុស្សទី ៧ ត្រូវឆ្លងជំងឺរលាកផ្លូវដង្ហើម ដែលបណ្តាលដោយវីរុសកូរ៉ូណាថ្មី (nCoV) នៅវៀតណាម

 វៀតណាមបានរកឃើញ៧ ករណី ដែលឆ្លងជំងឺ nCoV។ នាបច្ចុប្បន្ន អ្នកជំងឺរូបនេះ កំពុង​ទទួល​បាន​ការ​ព្យាបាល​នៅ​មន្ទី​រពេទ្យ Nhiet doi​​ (ត្រូពិក) ទីក្រុងហូជីមិញ។
 
នាព្រឹក​ថ្ងៃទី២ ខែកុម្ភៈ ឆ្នាំ​២០២០ ក្រសួងសុខាភិបាលវៀតណាមបានឲ្យដឹងថា អ្នកជំងឺ T.H.K (កើតក្នុងឆ្នាំ ១៩៤៧​ សញ្ជាតិអាមេរិក) បានធ្វើតេស្ត៍ nCoV  ដោយទទួលបានលទ្ធផលវិជ្ជមាន។ ហេតុដូច្នេះហើយ វៀតណាម​បាន​​រកឃើញ ៧ ករណី ដែលឆ្លងជំងឺ nCoV។ នាបច្ចុប្បន្ន អ្នកជំងឺរូបនេះ កំពុងទទួល​បានការ​ព្យាបាល​នៅមន្ទី​រ​ពេទ្យ​ Nhiet doi (ត្រូពិក) ទីក្រុងហូជីមិញ។
 
សូម​បញ្ជាក់ដែរថា នាថ្ងៃទី១៤ ខែមករា ឆ្នាំ២០២០ អ្នកជំងឺ​រូប​នេះ​បាន​ធ្វើ​ដំណើរ​តាម​យន្ត​ហោះ​ពីអាមេរិក​មកកា​ន់​វៀត​ណាម តាមជើងហោះហើរលេខ ៦៦០ របស់ក្រុមហ៊ុនអាកាសចរណ៍ China Southern។ នាថ្ងៃទី ១៥ ខែមករា ឆ្នាំ ​២០២០ អ្នកជំងឺបានឆ្លងកាត់នៅព្រលានយន្តហោះរបស់ទីក្រុង Wuhan នៃប្រទេសចិន ក្នុងរយៈពេល ២ ម៉ោង​។​ នាថ្ងៃទី ១៦ ខែមករា អ្នកជំងឺមកដល់ព្រលានយន្តហោះ Tan Son Nhat ហើយធ្វើដំណើរទៅកាន់សណ្ឋាគារ Trieu ​Han នៅ​វិថី Nguyen Thi Minh Khai សង្កាត់ទី ៥ ខ័ណ្ឌទី ៣ នៃទីក្រុងហូជីមិញ។ អ្នកជំងឺ​រូបនេះ​កើត​រោគ​សញ្ញានា​ថ្ងៃទី ២៦ ខែមករា ឆ្នាំ២០២០ ហើយបានចូលមន្ទីរពេទ្យនាថ្ងៃទី ៣១ ខែមករា​ ឆ្នាំ២០២០​៕

 

តាម​ VOV5 - វិទ្យុសំឡេងវៀតណាម​
 

បណ្តាព័ត៌មានបានផ្សាយ