15/11/2020 15:18 GMT+7 Email Print Like 0

ប្រធានរដ្ឋសភាវៀតណាមអញ្ជើញចូលរួមមហោស្រពមហាសាមគ្គីជាតិនៅខេត្ត Yen Bai


ប្រធានរដ្ឋសភាវៀតណាមលោកស្រី Nguyen Thi Kim Ngan (រូបថត៖ TTXVN)
 

នាព្រឹកថ្ងៃទី១៤ ខែវិច្ឆិកា ឆ្នាំ២០២០ នៅឃុំ Quang Minh ស្រុក Van Yen ខេត្ត Yen Bai បានប្រព្រឹត្តិទៅពិធីប្រកាសបទដ្ឋានជនបទថ្មី និងមហោស្រពមហាសាមគ្គីជាតិ។

អញ្ជើញថ្លែងមតិនៅទីនេះ ប្រធានរដ្ឋសភាវៀតណាមលោកស្រី Nguyen Thi Kim Ngan បានសង្កត់ធ្ងន់ថា៖ ការដែល ឃុំ Quang Minh ទទួលបានបទដ្ឋានជនបទថ្មីគឺមកពីការខិតខំប្រឹងប្រែង និងការស្រុះចិត្តគំនិតរបស់ប្រជាជន កម្មាភិបាលគ្រប់រូប រួមជាមួយប្រព័ន្ធនយោបាយទាំងមូល។ លោកស្រីបានឲ្យដឹងថា៖ “ខ្ញុំសង្ឃឹមថារណសិរ្សមាតុភូមិ និងអង្គការមហាជនរបស់ឃុំ Quang Minh និយាយដោយឡែក និងរបស់ស្រុកVan Yen ខេត្ត Yen Bai និយាយរួម នឹងបន្តបំផុសកម្លាំងមហាសាមគ្គីជាតិទាំងមូល ពង្រីកស្មារតីប្រឡងប្រណាំងច្នៃប្រឌិតសម្រាប់ប្រជាជនគ្រប់ស្រទាប់វណ្ណៈ។ ចំពោះឃុំ Quang Minh គឺត្រូវយកចិត្តទុកដាក់  លើការពង្រឹងនិងអភិវឌ្ឍន៍ឃុំជនបទថ្មីសម្រាប់ដំណាក់កាលបន្ត ហើយខិតខំប្រឹងប្រែង ដើម្បីទទួលបានបទដ្ឋានជនបទថ្មីគំរូ។ ទន្ទឹមនឹងនេះ ថ្នាក់ដឹកនាំឃុំ គប្បីលើកទឹកចិត្តប្រជាជនក្នុងការអនុវត្តច្បាប់ថ្នាក់មូលដ្ឋាន ដើម្បីកសាងគ្រួសារវប្បធម៌ ភូមិវប្បធម៌ផងដែរ”៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ