អគ្គលេខា បក្សកុម្មុយនិស្តវៀតណាម លោក Nguyen Phu Trong  

នាព្រឹកថ្ងៃទី ៤ ខែតុលា ឆ្នាំ២០១៧ សន្និបាតលើកទី ៦ គណៈកម្មាធិការមជ្ឈឹមបក្សលើកទី XII បានប្រារព្ធយ៉ាងមហោឡារឹកនៅទីក្រុងហាណូយ។ អគ្គលេខា បក្សកុម្មុយនិស្តវៀតណាម លោក Nguyen Phu Trong បានអញ្ជើញជាអធិបតីសន្និបាតនេះ។ នៅក្នុងសន្និបាតនេះ គណៈកម្មាធិការមជ្ឈឹមបក្សបានប្រមូលផ្តុំពិភាក្សានិងផ្ដល់មតិអំពី៖ ស្ថានភាពសេដ្ឋកិច្ច - សង្គមកិច្ច និងហិរញ្ញវត្ថុ - ថវិកាឆ្នាំ ២០១៧  ផែនការអភិវឌ្ឍន៍សេដ្ឋកិច្ច សង្គមកិច្ច និងគំរោងផែនការហិរញ្ញវត្ថុ - ថវិកាឆ្នាំ ២០១៨  បង្កើនកិច្ចការគាំពារ លើកកំពស់សុខភាពប្រជាជន និងកិច្ចការចំនួនប្រជាជនក្នុងស្ថានភាពថ្មី  បន្តផ្លាស់ប្ដូរថ្មីប្រព័ន្ធចាត់តាំងថ្មី គ្រប់គ្រង លើកំពស់គុណភាព និងប្រសិទ្ធភាពនៃសកម្មភាពរបស់អង្គភាពបុព្វហេតុរដ្ឋជាដើម។
  
លោក Nguyen Phu Trong បានសង្កត់ធ្ងន់ថា៖ ខ្លឹមសារកម្មវិធីនៃសន្និបាតមជ្ឈឹមលើកនេះបានលើកឡើងអំពីបញ្ហាធំធេងដែលទាក់ទិននឹងការអភិវឌ្ឍន៍សេដ្ឋកិច្ច សង្គមកិច្ចប្រចាំឆ្នាំ ផ្លាស់ប្ដូរការអភិវឌ្ឍន៍សង្គម ផ្លាស់ប្ដូរនយោបាយព្រមជាមួយការផ្លាស់ប្ដូរអភិវឌ្ឍន៍សេដ្ឋកិច្ចតាមស្មារតីនៃសេចក្ដីសម្រេចចិត្តនៃមហាសន្និបាតលើក​ទី​ XII របស់បក្ស។ អគ្គលេខាបក្ស លោក Nguyen Phu Trong បានអោយដឹងថា៖

“ស្នើសុំសមមិត្តត្រូវផ្តោតលើការវាយតម្លៃបរានុម័តនិងលើគ្រប់ជ្រុងជ្រោយអំពីស្ថានភាពនិងបុព្វហេតុជាពិសេស​គឺមូលហេតុនៃភាពអន់ខ្សោយ។ជាមួយគ្នានេះដែរពីបទពិសោធន៍ក្នុងការគ្រប់គ្រងការងារសិក្សាស្រាវ​ជ្រាវ​និងអនុវត្តមេរៀនដែលទទួលបានក្នុងរយៈពេល៣០ឆ្នាំផ្លាស់ប្តូរថ្មី និងនាំចេញដំណោះស្រាយនាពេលខាងមុខ​នេះ។  ...”

តាម VOV5-វិទ្យុសម្លេងវៀតណាម