នារសៀលថ្ងៃទី១៦ ខែធ្នូ នៅរដ្ឋធានីហាណូយ ប្រធានរដ្ឋសភាវៀតណាមលោកស្រី Nguyen Thi Kim Ngan បានជួបសំណេះសំណាលជាមួយ បណ្ដាអតីតយុទ្ធជនទ័ពពិសេស ដែលជាអ្នកបានលះបង់ច្រើនសម្រាប់បុព្វ ហេតុតស៊ូរំដោះជាតិ ឯកភាពប្រទេសជាតិ។
ប្រធានរដ្ឋសភាវៀតណាម លោកស្រី Nguyen Thi Kim Ngan ថ្លែងនៅក្នុងជំនួប (រូបថត៖ VOV)
លោកស្រីប្រធានរដ្ឋសភាបានអះអាងថា បក្ស រដ្ឋនិងប្រជាជនវៀតណាមជានិច្ចកាលចងចាំ គោរពគុណូបការៈ ពលីកម្មដ៏ខ្ពង់ខ្ពស់ ការលះបង់ ដ៏ធំធេងនិងការរួមវិភាគទានដ៏ថ្លៃថ្លារបស់អតីតយុទ្ធជនវៀតណាមគ្រប់ជំនាន់ ក្នុងបណ្ដាការតស៊ូប្រឆាំងនឹងខ្មាំងសត្រូវឈ្លានពាន ក៏ដូចជាក្នុងការអនុវត្តភារកិច្ចអន្តរជាតិនិងចូលរួមការងារអភិវឌ្ឍសេដ្ឋកិច្ចសង្គមរបស់ប្រទេសជាតិផងដែរ។ បក្ស រដ្ឋជានិច្ចកាលយកចិត្តទុកដាក់ដល់ការងារ ថែទាំជនមានគុណូបការៈ ក្នុងនោះមានការអនុវត្តគោលនយោបាយចំពោះអតីតយុទ្ធជន ក៏ដូចជាសកម្មភាពរបស់សមាគមន៍ អង្គការនានាចំណុះសមាគមន៍អតីតយុទ្ធជនវៀតណាមផងដែរ។ អាស្រ័យហេតុនោះ មានគោលជំហរ គោលនយោបាយអនុគ្រោះជាច្រើនចំពោះជនមានគុណូបការៈត្រូវបានចេញផ្សាយនៅគ្រប់តំបន់ទូទាំងប្រទេស៕
តាម VOV5 - វិទ្យុសម្លេងវៀតណាម
