សន្និសីទតាមអ៊ិនធឺណែតដើម្បីអនុវត្តផែនការអនុវត្តកិច្ចព្រមព្រៀងពាណិជ្ជកម្មសេរីរវាងវៀតណាមនិងសហភាពអឺរ៉ុប (រូបថតៈ TTXVN)
 

លោកនាយករដ្ឋមន្រ្តីរដ្ឋាភិបាលវៀតណាមទើបបានអនុម័តលើផែនការអនុវត្តកិច្ចព្រមព្រៀងពាណិជ្ជកម្មសេរីរវាងវៀតណាមនិងសហភាពអឺរ៉ុប (EVFTA)។
 
ផែនការនេះ តម្រូវឲ្យក្រសួង  ស្ថាប័នចំណុះរដ្ឋាភិបាល គណៈកម្មាធិការប្រជាជនខេត្តនិងក្រុង ក្រោមឧិវាទមជ្ឈឹម រៀបចំចាត់ចែងការអនុវត្តការងារមូលដ្ឋានដូចជា៖ ផ្សព្វផ្សាយនូវព័ត៌មានអំពី EVFTA និងទីផ្សារនៃ បណ្តាប្រទេសសហភាពអឺរ៉ុប បង្កើតច្បាប់ កសាងស្ថាប័ន លើកកំពស់សមត្ថភាពប្រកួតប្រជែងនិងអភិវឌ្ឍធនធានមនុស្ស។ ទន្ទឹមជាមួយគ្នានោះ បង្កើតគោលនយោ បាយនិងគោលការណ៍ណែនាំសម្រាប់អង្គការសហជីព និងអង្គការរបស់កម្មករតាមសហគ្រាសនានា រួមទាំងគោលនយោបាយសន្តិសុខសង្គម ការពារបរិស្ថាននិងការអភិវឌ្ឍប្រកបដោយចីរភាពទៀតផង។
 
លោកនាយករដ្ឋមន្រ្តីបានស្នើឲ្យជម្រុញរាល់កម្មវិធីពន្លឿនពាណិជ្ជកម្ម - វិនិយោគនៅក្នុងបណ្តាប្រទេស EU ដើម្បីជូនព័ត៌មានដល់សហគមន៍ពាណិជ្ជកម្មរបស់ប្រទេសទាំងនេះ អំពីកាលានុវត្តន៍ភាពនិងបរិយាកាសធុរកិច្ចវិនិយោគអំណោយផលរបស់វៀតណាម តាមនោះ បង្កើតទំនាក់ទំនងពាណិជ្ជកម្មនិងទាក់ទាញការវិនិ យោគបរទេសទៅក្នុងវិស័យសំខាន់ៗ។  លើសពីនេះទៅទៀត ត្រៀមរៀបចំដំណោះស្រាយឆ្លើយតបសមស្របតាមកិច្ចសន្យាអន្តរជាតិនានា រួមទាំងជួយសហគ្រាសវៀតណាម ចូលរួមបណ្តាញផលិតកម្មខ្សែសង្វាក់តម្លៃ ខ្សែសង្វាក់ផ្គត់ផ្គង់ក្នុងតំបន់និងពិភពលោកផងដែរ៕

តាម VOV5 - វិទ្យុសំឡេង​វៀតណាម