ទាក់ទាញយ៉ាងខ្លាំងក្លាការវិនិយោគទៅក្នុងខេត្ត Tuyen Quang
នាយករដ្ឋមន្ត្រី លោក Nguyen Xuan Phuc អញ្ជើញថ្លែងមតិនៅក្នុងសន្និសីទ
(រូបថតៈ VOV)
នាព្រឹកថ្ងៃទី២៧ ខែកុម្ភៈ ឆ្នាំ២០១៧ នៅទីក្រុង Tuyen Quang បានប្រព្រឹត្តទៅសន្និសីទពន្លឿនវិនិយោគពាណិជ្ជកម្ម និងទេសចរណ៍ខេត្ត Tuyen Quang ឆ្នាំ២០១៧។ អញ្ជើញចូលរួមក្នុងសន្និសីទនេះ នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc បានជូនដំណងទៅវិនិយោគិននានា អំពីការដែលរដ្ឋាភិបាល និងនាយករដ្ឋមន្ត្រីបានដោះស្រាយ នូវសំណើររបស់ខេត្ត Tuyen Quang នៅក្នុងជំនួបធ្វើការជាមួយថ្នាក់ដឹកនាំ ខេត្តនាថ្ងៃទី២៦ ខែកុម្ភៈ សំដៅជម្រុញការអភិវឌ្ឍសេដ្ឋកិច្ចសង្គម ក៏ដូចជាបង្កើតបរិយាកាសវិនិយោគងាយស្រួលសម្រាប់ ខេត្តផងដែរ។ នាយករដ្ឋមន្ត្រី លោក Nguyen Xuan Phuc បានសង្កត់ធ្ងន់ថា៖
“រដ្ឋាភិបាលសំណូមពរឲ្យខេត្ត Tuyen Quang បន្តធ្វើការកែទម្រង់ ផ្លាស់ប្តូរថ្មីយ៉ាងខ្លាំងក្លាជាពិសេស គឺកែទម្រង់បែបបទរដ្ឋបាល ដែលមុនបង្អស់ឡឺបែបបទរដ្ឋបាលសម្រាប់បរិយាកាស វិនិយោគធ្វើអាជីវកម្មល្អបំផុត។ ខ្ញុំសង្កេតឃើញថា ខេត្ត ក៏ទទួលបានការរីកចំរើនជាច្រើនដែរ ប៉ុន្តែការរៀបចំណាត់ថ្នាក់វិនិយោគរបស់ខេត្តនៅទាបណាស់។ តាមនោះ ចំណាត់ថ្នាក់ទី៤៨គឺជាការខិត្តខំប្រឹងប្រែងហើយ ប៉ុន្តែយើងខ្ញុំក៏ស្រុះចិត្តគំនិត ចំពោះមតិដែលថ្នាក់ដឹកនាំខេត្តនាំចេញនោះ គឺឈានទៅឈរលំដាប់ថ្នាក់ទី២០ផងដែរ”។
ដើម្បីបង្កលក្ខណៈងាយស្រួលសម្រាប់វិនិយោគិននានានោះ រដ្ឋាភិបាលបានប្តេជ្ញាកសាងរដ្ឋាភិបាលសុចរិត ស្ថាបនាអភិវឌ្ឍន៍ ធ្វើសកម្មភាពបម្រើប្រជាជននិងអង្គភាពអាជីវកម្ម។ ខិត្តខំប្រឹងប្រែងនាំវៀតណាម ឈរលំដាប់ថ្នាក់ទី៤ ក្នុងចំណោមប្រទេស ជួរមុខអាស៊ានអំពីបរិយាកាសធ្វើអាជីវកម្ម៕
តាម VOV5 - វិទ្យុសំឡេងវៀតណាម