យោងតាមលោក Do Kim Lang អនុប្រធាននាយករដ្ឋានពន្លឿនពាណិជ្ជកម្ម (ក្រសួងឧស្សាហកម្ម ពាណិជ្ជកម្មវៀតណាម) ថា ជារៀងរាល់ឆ្នាំ កូរ៉េខាងត្បូងត្រូវចំណាយប្រាក់ប្រហែល៣៣ពាន់ លានដុល្លាអាមេរិក សម្រាប់នាំចូលមុខទំនិញកសិផលនិងជលផល។
តាមនោះ មិនត្រឹមតែសហគ្រាសវៀតណាម ចាប់អារម្មណ៍នឹងទីផ្សារកូរ៉េខាងត្បូងទេ ថែមទាំងក្រុមហ៊ុនចែកចាយមួយចំនួនរបស់ប្រទេសនេះ ក៏កំពុងស្វែងរកឱកាសសហប្រតិបត្តិការផងដែរ។ ប៉ុន្តែ ដើម្បីផលិតផលកសិផល របស់វៀតណាមមានទីផ្សារនៅកូរ៉េខាងត្បូង ក្រុមហ៊ុនវៀតណាម ត្រូវផ្តោតសំខាន់លើចំណុចពិនិត្យគុណភាព និងបង្កើតនូវតម្លៃថ្មីសម្រាប់ផលិតផល។
លោក Do Kim Lang បានឲ្យដឹងថា នាពេលកន្លងទៅ ទំនាក់ទំនងសេដ្ឋកិច្ច ពាណិជ្ជគម្មនិងវិនិយោគរវាងវៀតណាមជាមួយកូរ៉េខាងត្បូងមានការអភិវឌ្ឍដោយឥតឈប់ឈរ។ កូរ៉េខាងត្បូងជាដៃគូយុទ្ធសំខាន់របស់វៀតណាម ហើយបច្ចុប្បន្ននេះ កូរ៉េនៅតែជាប្រទេសឈានមុខអំពីការវិនិយោគនៅវៀតណាម។ ក្នុងរយៈពេលពីរខែដើមឆ្នាំ២០១៨ តម្លៃប្រាក់នាំចេញរបស់វៀតណាមទៅកាន់កូរ៉េខាងត្បូងទទួលបាន២,៧៩ពាន់លានដុល្លាអាមេរិក កើន៤៤%បើប្រៀបនឹងរយៈពេលដូចគ្នានាឆ្នាំ២០១៧៕
តាម VOV5 - វិទ្យុសំឡេងវៀតណាម
