04/06/2020 14:06 GMT+7 Email Print Like 0

ជំងឺរាតត្បាត COVID – 19៖ រាល់ការខិតខំប្រឹងប្រែងសហប្រតិបត្តិការ​សេដ្ឋកិច្ចរបស់​អាស៊ាននិងតួនាទី​សម្របសម្រួលរបស់​វៀតណាម

 យោងតាមផែនការ កិច្ចប្រជុំថ្នាក់រដ្ឋមន្ត្រីសេដ្ឋកិច្ចអាស៊ានពិសេស និងអាស៊ានបូក ៣ ស្តីពី COVID – 19 នឹង​ប្រព្រឹត្តិ​ទៅនា​ថ្ងៃទី ៤ ខែមិថុនា នៅទីក្រុងហាណូយ។
 
ក្នុងនាមជា​ប្រធានអាស៊ានឆ្នាំ២០២០ វៀតណាមបានរួមជាមួយបណ្ដាប្រទេសជាសមាជិកអាស៊ាន អនុវត្តវិធាន​ការ​និង​ផែនការធ្វើសកម្មភាពជាច្រើន សំដៅទប់ស្កាត់ដោយម្ចាស់ការនឹងជំងឺរាតត្បាត  COVID – 19។ រដ្ឋមន្ត្រី​ក្រសួង​ឧស្សាហកម្ម​និងពាណិជ្ជកម្មវៀតណាម លោក Tran Tuan Anh បានអះអាងថា ៖ “នាបច្ចុប្បន្ននេះ យើង​ចាំ​បាច់​ត្រូវ​​បង្ហាញនូវការខិតខំប្រឹងប្រែងរបស់បណ្ដាប្រទេសជាសមាជិកអាស៊ាន ក៏ដូចជាចំពោះបណ្ដាប្រទេសដៃគូ ឲ្យកាន់​តែ​ខ្លាំងក្លាថែមទៀត ដើម្បីដាក់ចេញគោលនយោបាយថ្មីឲ្យសមស្របនឹងការវិនិយោគ ពលកម្ម ទីផ្សារ និង​ហិរញ្ញវត្ថុ​។ ទន្ទឹមនឹងនេះ យើងគប្បីសហប្រតិបត្តិការយ៉ាងជិតស្និទ្ធិថែមទៀត រវាងបណ្ដាប្រទេស​ជាសមាជិក​អាស៊ាន​ជាមួយដៃគូនានា ដើម្បីរៀបចំរចនាសម្ព័ន្ធខ្សែសង្វាក់ផ្គត់ផ្គង់ឡើងវិញ ធានាសមត្ថភាព​បន្សាំ​ប្រកប​ដោយ​ចីរភាព ប្រសិទ្ធភាពសម្រាប់ខឿនសេដ្ឋកិច្ចអាស៊ាន នៅពេលអនាគត។ ទន្ទឹមនឹងនេះ យើង​ខ្ញុំ​ក៏នឹង​លើក​កម្ពស់​សកម្ម​ភាពតាមអ៊ិនធឺរណែតបន្ថែមទៀត ជាពិសេសគឺយន្តការ​សហប្រតិបត្តិការ​ក្នុងក្រប​ខ័ណ្ឌនៃ​កិច្ច​សហប្រតិ​បត្តិការ​ទ្វេភាគី និងពហុភាគី ដែលវៀតណាមបានចូលរួម។ ដូច្នេះ នឹងនាំមកនូវប្រសិទ្ធ​ភាពជាក់ស្ដែង ក៏ដូច​ជាជំ​នះពុះពារលើការលំបាកដោយសារជំងឺរាតត្បា​ត COVID – 19 ផង​ដែរ”៕

 

តាម VOV5 - វិទ្យុសំឡេងវៀតណាម
 

បណ្តាព័ត៌មានបានផ្សាយ