22/12/2019 16:14 GMT+7 Email Print Like 0

ជប៉ុនជំរុញផែនការបញ្ជូនកងទ័ពទៅកាន់តំបន់មជ្ឈឹមបូព៌ា

នាយករដ្ឋមន្រ្តីជប៉ុនលោក  Abe Shinzo បានពិភាក្សាអំពីផែនការបញ្ជូន កងកម្លាំងស្វ័យការពារ (SDF) ទៅកាន់តំបន់មជ្ឈឹមបូព៌ាក្នុងពេលជួបពិភាក្សាជាមួយប្រធានាធិបតីអ៊ីរ៉ង់ លោក Hassan Rouhani កាលពីថ្ងៃទី ២០ ខែធ្នូ។

នាយករដ្ឋមន្រ្តីជប៉ុនលោក  Abe Shinzo និងប្រធានាធិបតីអ៊ីរ៉ង់ លោក Hassan Rouhani (រូបថត៖AP)

នៅក្នុងកិច្ចប្រជុំនេះជាមួយនឹងការសំដែងនូវគោលជំហរក្នុងការបន្តកិច្ចខិតខំប្រឹងប្រែងដើម្បីកាត់បន្ថយភាពតានតឹងនៅមជ្ឈឹមបូព៌ា លោក Abe Shinzo បានលើកច្បាស់អំពីរបៀបដែលប្រទេសជប៉ុនមានបំណងចង់រួមចំណែកដល់ស្ថេរភាពនិងសន្តិភាពនៅមជ្ឈឹមបូព៌ាតាមរយៈការបញ្ជូនកងកម្លាំង SDF ទៅកាន់តំបន់នេះ។
រីឯខ្លួនវិញ ប្រធានាធិបតីអ៊ីរ៉ង់ លោក Hassan Rouhani បានវាយតម្លៃខ្ពស់ចំពោះកិច្ចខិតខំប្រឹងប្រែងខាងការទូតរបស់ជប៉ុននិងបានសង្កត់ធ្ងន់ថា លោកយល់ច្បាស់អំពីគោលបំណងរបស់ជប៉ុនក្នុងការចូលរួមចំណែកដល់សុវត្ថិភាពនាវាដែលពាក់ព័ន្ធតាមរយៈគំនិតផ្តួចផ្តើមដោយឡែករបស់ខ្លួន។ លទ្ធផលនៃកិច្ចពិភាក្សាជាមួយប្រធានាធិបតីអ៊ីរ៉ង់នឹងត្រូវបានចាត់ទុកថាជាមូលដ្ឋានមួយសម្រាប់ប្រទេសជប៉ុនក្នុងការអនុម័តលើការបញ្ជូន​កងកម្លាំង SDF ទៅកាន់មជ្ឈឹមបូព៌ាក្នុងកិច្ចប្រជុំគណៈរដ្ឋមន្រ្តីនៅថ្ងៃទី ២៧ ខែធ្នូខាងមុខនេះ៕

តាម VOV5 - វិទ្យុសម្លេងវៀតណាម 

បណ្តាព័ត៌មានបានផ្សាយ