គ្រូបង្រៀនឆ្នើម - តន្រ្តីការិនីផាមធ្វីហ្វ័ន (Pham Thuy Hoan) និងសម្លេងពិណចិនឥតព្រំដែន

03/05/2018 14:37 GMT+7

មាននិស្ស័យនឹងពិណចិនដោយចៃដន្យ តាំងពីអាយុ១៤ឆ្នាំ រហូតដល់អាយុជាង៦០ឆ្នាំប្លាយ សិល្បការិនីឆ្នើម - តន្រ្តីការិនីផាមធ្វីហ្វ័ន (Pham Thuy Hoan) រួមជាមួយពិណចិន ទៅសម្តែងនៅប្រទេសនានាលើពិភពលោក។ តាំងចិត្តស្មោះនិងសមត្ថភាពរបស់ខ្លួន លោកស្រីបានសំភីរួមចំណែកយ៉ាងច្រើនក្នុងការងារបង្រៀន ឧទ្ទេសនាមពិណចិននៅវៀតណាម ដល់មហាជន។

ចុងខែធ្នូ ឆ្នាំ២០១៧ ដំណឹងល្អចូលរួមចលនាអ្នកលេងពិណចិន នៅទីក្រុងហូជីមិញ ពេលគ្រូបង្រៀនឆ្នើម - តន្ត្រីការិនីផាមធ្វីហ្វ័ន (Pham Thuy Hoan) សហការជាមួយសិល្បការិនីពិណខ្លោក វឹនអាញ (Van Anh) បង្កើតឆាកលេងពិណចិនដំបូង ក្នុងសារមន្ទីររូបសំណាកវៀតណាម នៅខណ្ឌ១០។ នេះជាលទ្ធផលនៃក្តីស្រឡាញ់និងចិត្តស្មោះស្ម័គ្រ ដែលតន្រ្តីការិនីមានស្រុកកំណើតនៅខេត្តណាមឌិញ (Nam Dinh) បានផ្តល់ពេលវេលាមួយជីវិតទៅលើពិណចិន ជាមួយគោលបំណងនាំយកភ្លេងជនជាតិ សាយភាយទៅឆ្ងាយជាងនេះទៅទៀត។

គ្រូបង្រៀនឆ្នើម - តន្ត្រីការិនីផាមធ្វីហ្វ័ន (Pham Thuy Hoan) អ្នកមានអាយុជាង ៦០ ឆ្នាំ
ផ្សារភ្ជាប់នឹងពិណចិន។ រូបថត៖ សើនងៀ

ម្រាមដៃទាំងគូរបស់សិល្បការិនីវ័យចំណាស់ លើខ្សែពិណចិន។
រូបថត៖ គីមផឿង

នៅសារមន្ទីររូបសំណាកវៀតណាម គ្រូបង្រៀនឆ្នើម - តន្រ្តីការិនីមានបំណងចង់ឲ្យឆាកលេងពិណចិននេះ
អាចនាំជូនអ្នកស្រឡាញ់សម្លេងពិណចិន មានបន្ថែមអាសយដ្ឋាន សម្រាប់ការសម្តែង រួមប្រាស្រ័យ
និងសិក្សាពីគ្នាទៅវិញទៅមក។ រូបថត៖ គីមផឿង

គ្រូបង្រៀនឆ្នើម - តន្រ្តីការិនី បានរួមចំណែកយ៉ាងច្រើនក្នុងការងារបង្ហាត់បង្រៀន
និងឧទេ្ទសនាមពិណចិន នៅវៀតណាម ទៅដល់ទស្សនិកជនជាតិនិងអន្តរជាតិ។
រូបថត៖ គីមផឿង

សមាជិកក្លឹបសម្លេងចម្រៀងភូមិកំណើត បានសម្តែងពិណចិននៅក្បែររូបសំណាកអតីត
លោកសាស្រ្តាត្រឹនវ៉ាន់ខេ (Tran Van Khe) អ្នកដែលធ្លាប់ជាអ្នកប្រឹក្សានៃក្លឹប។
រូបថត៖ គីមផឿង

គ្រូបង្រៀនឆ្នើម - តន្រ្តីការិនី បានចូលរួមសម្តែងពិណចិន ក្នុងព្រឹតិការណ៍វប្បធម៌មួយ។
រូបថត៖ ឯកសារ NVCC

ឈុតប្រគំឧបករណ៍តន្រ្តីជនជាតិ របស់សមាជិកក្លឹបសម្លេងចម្រៀងភូមិកំណើត
ក្នុងវិមានវប្បធម៌ពលកម្មទីក្រុងហូជីមិញ។ រូបថត៖ សើនងៀ

គ្រូបង្រៀនឆ្នើម - តន្រ្តីការិនី នៅក្បែររាល់ឧបករណ៍តន្រ្តី និងបង្ហាត់បង្រៀនរបស់ខ្លួន។
រូបថត៖ សើនងៀ

កម្មវិធីបានប្រព្រឹត្ត ជាង៩០នាទី ដែលមានសិល្បករ សិល្បការិនី លេងពិណចិនចំនួន៣០នាក់ គ្រប់វ័យ គ្រប់កម្រិតវិជ្ជា សម្តែងម្នាក់ឯង សម្តែងឆ្លងឆ្លើយពីរនាក់ នូវបទភ្លេងចំណានៗដែលបានចុះឈ្មោះ។ ជាមួយការជំនួយរបស់សិល្បការិនីឆ្នើម - តន្រ្តីការិនីធ្វីហ្វ័ន (Thuy Hoan) សិល្បការិនី វឹនអាញ (Van Anh) សិល្បការិនីហាយភឿង (Hai Phuong) ម៉ោងសកម្មភាពកាន់តែអូរអរជាង ពេលកម្មវិធីបង្វែលទៅលេងទំនុកលឿនរហ័ស និងសប្បាយរីករាយ។ ការប្រគំឧបករណ៍តន្រ្តីជនជាតិដូចជា ពិណចិន ពិណខ្លោក ស្គរជនជាតិ ចាប៉ីខ្សែបួន ប្រជុំគ្រឿងវាយ ដើម្បីសម្តែងបានបទភ្លេងដែលមានលក្ខណៈជនជាតិ និងទំនើបដូចជា៖ បទព្រលឹងភូមិកំណើត សមាគមនាគតោ Come back to Sorrento ជាចំណុចពិសេសមួយ។

សិល្បការិនី - តន្រ្តីការិនី ផាមធ្វីហ្វ័ន (Pham Thuy Hoan) កើតឆ្នាំ១៩៤២ នៅខេត្តណាមឌិញ (Nam Dinh) សិក្សាអំពីពិណចិននៅសាលាជាតិតន្រ្តីនិងសិល្បៈល្ខោនសាយស្គន ដណ្តើមបានមេដាយមាសទូទាំងសាលា នៅឆ្នាំ១៩៦០ បញ្ចប់ការសិក្សាលំដាប់ជួរមុខនៃផ្នែកពិណចិននៅឆ្នាំ១៩៦២ បញ្ចប់ការសិក្សាផ្នែកខាងតន្រ្តីសកល នៅឆ្នាំ១៩៦៣។

បង្កើតទីលានលេងនេះ ដោយគោលបំណងនាំមកជូនអ្នកណាចូលចិត្តស្តាប់សម្លេងពិណចិន មានបន្ថែមអាសយដ្ឋានសម្តែងរួមប្រាស្រ័យ សិក្សានឹងគ្នាទៅវិញទៅមក។ កម្មវិធីបម្រុងនឹងរៀបចំរៀងរាល់ខែមួយលើកនៅសប្តាហ៍ចុងខែ។ ភ្ញៀវទៅទស្សនាសារមន្ទីរនៅមានឱកាសមើលការសម្តែងដ៏ជក់ចិត្តនៃទីលានលេងនេះ” សិល្បការិនីឆ្នើម - តន្រ្តីការិនីធ្វីហ្វ័ន (Thuy Hoan) ចែករំលែក។

សំឡឹងមើលលោកស្រីម្នីម្នាជាមួយនឹងកូនសិស្សតម្រៀមឆាកសម្តែង តុកៅអី ធ្វើដំណើរទៅវិញទៅមក សង្កេតមើលរាល់ខ្សែពិណ ឈើកេះជូន “សិល្បករ សិល្បការិនី” មុនពេលឡើងឆាកសម្តែង ទើបដឹងអំពីទឹកចិត្តស្រឡាញ់របស់គ្រូបង្រៀន - តន្រ្តីការិនីមានអាយុ៧៥ឆ្នាំ ចំពោះពិណធំធេងយ៉ាងណា។

ធ្លាប់តំណាងប្រទេសវៀតណាមទៅសម្តែង រួមប្រាស្រ័យវប្បធម៌ជាច្រើនលើកនៅប្រទេសនានា សិល្បការិនី - តន្រ្តីការិនីធ្វីហ្វ័ន (Thuy Hoan) តែងសញ្ជប់សញ្ជឹងពីការខិតជិត ឧទ្ទេសនាមពិណចិននៅវៀតណាម ផ្សាយចេញទៅដល់ទស្សនិកជនបរទេស។

ក្លឹបសម្លេងចម្រៀងភូមិកំណើត លោកស្រីជាអ្នកបង្កើតក្លាយជាទីលានលេងឧបករណ៍តន្រ្តីជនជាតិ ដែលធ្លាប់ស្គាល់នៅទីក្រុងហូជីមិញអំឡុង៣៦ឆ្នាំកន្លងទៅហើយ។ សព្វថ្ងៃក្លឹមមានសិស្សគ្រប់វ័យចំនួន៥០នាក់ មកតាមសិក្សាជាប្រចាំ។ រៀងរាល់ឆ្នាំ ក្លឹបរៀបចំសម្តែងចំនួន៨ពេល នៅវិមានវប្បធម៌ពលកម្មនៅខណ្ឌ៣ ក៏ដូចជាការរួមប្រាស្រ័យវប្បធម៌ សម្តែងនៅកន្លែងជាច្រើន ជាពិសេសតែងឧទ្ទេសនាមឧបករណ៍តន្រ្តីជនជាតិទៅដល់សាលារៀនជាទួទៅ។

ក្លឹបសម្លេងចម្រៀងភូមិកំណើតតែងមានសិស្សគ្រប់វ័យចំនួន៥០នាក់ មកតាមសិក្សាសូត្រជាប្រចាំ។
រូបថត៖ គីមផឿង

គ្រូបង្រៀនឆ្នើម - តន្រ្តីការិនី ជាអ្នកទទួលបន្ទុកក្លឹបសម្លេងចម្រៀងភូមិកំណើតនៅវិមានវប្បធម៌
ពលកម្មទីក្រុងហូជីមិញផង បង្ហាត់បង្រៀនពិណចិននិងឧបករណ៍ជនជាតិ
មួយចំនួនផ្សេងទៀតផងដែរ។ រូបថត៖ សើនងៀ

គ្រូបង្រៀនឆ្នើម - តន្រ្តីការិនី យកអស់ពីកម្លាំងកាយចិត្តណែនាំហ្មត់ចត់រាល់កាយវិការ
រាល់តុងភ្លេងជូនសិស្សរបស់ខ្លួន។ រូបថត៖ សើនងៀ

ថ្នាក់រៀនឧបករណ៍តន្រ្តីជនជាតិរបស់គ្រូបង្រៀនឆ្នើម - តន្រ្តីការិនីធ្វីហ្វ័ន (Thuy Hoan)
នៅវិមានវប្បធម៌ពលកម្មទីក្រុងហូជីមិញ។ រូបថត៖ សើនងៀ

គ្រូបង្រៀនឆ្នើម - តន្រ្តីការិនី ណែនាំក្រុមសិក្ខាកាមសិក្សាខ្លុយពក។
រូបថត៖ សើនងៀ

បង្កើតនិងជាអ្នកទទួលបន្ទុកក្លឹបសម្លេងចម្រៀងភូមិកំណើត តាំងពីឆ្នាំ១៩៨១មកដល់សព្វថ្ងៃ។ គ្រូបង្រៀនឆ្នើម - តន្រ្តីការិនីផាមធ្វីហ្វ័ន (Pham Thuy Hoan) និពន្ធសៀវភៅស្តីអំពីពិណចិន១៥ក្បាល បានតែងតាំងកិត្តិយសគ្រូបង្រៀនឆ្នើមឆ្នាំ១៩៩៤ និងគ្រឿងឥស្សរិយយសដើម្បិបុព្វហេតុអប់រំឆ្នាំ១៩៩៥។

ជាកូនស្រីរបស់គ្រូបង្រៀនឆ្នើម - តន្រ្តីការិនីធ្វីហ្វ័ន (Thuy Hoan) បានអ្នកម្តាយបង្រៀនលេងពិណតាំងពីអាយុ៥ឬ៦ឆ្នាំ ជាមួយដំណើរការហ្វឹកហាត់មិនឈប់ឈរ មកដល់សព្វថ្ងៃ បណ្ឌិត - សិល្បការិនីឆ្នើមហាយភឿង (Hai Phuong) ក៏បានក្លាយជាសិល្បការិនីលេងពិណចិនល្បីឈ្មោះម្នាក់។ បងស្រីនិងអ្នកម្តាយ សុទ្ធតែមានបំណងរួមចំណែកនាំយកសម្លេងពិណចិន សាយភាយទៅដល់ទស្សនិកជនជាតិនិងអន្តរជាតិ។ កូនស្រីហាយមិញ (Hai Minh) របស់បងស្រី ក៏បានជីដូនបង្រៀនលេងពិណចិនតាំងពីតូច សព្វថ្ងៃជានិច្ចជាសមាជិកសកម្មរបស់ក្លឹបសម្លេងចម្រៀងភូមិកំណើត។

“ម្តាយជាគ្រូបង្រៀនផង ជាអ្នកម្តាយផង បងស្រីហាយភឿង (Hai Phuong) រៀនសូត្របានច្រើនពីជីវភាពរស់នៅ ក៏ដូចជាវិជ្ជាជីវៈ។ ជីដូនជាមនុស្សម្នាក់ស្រឡាញ់ចូលចិត្តតន្រ្តីជនជាតិ ដូចនេះពេលណាជីដូនតែងស្វែងរក ច្នៃប្រឌិត គិតដល់ការងារធ្វើដូចម្តេចទាក់ទាញមនុស្សមកសិក្សាតន្រ្តីជនជាតិ។ បងស្រីហាយភឿង (Hai Phuong) តែងប្រាថ្នាអ្នកម្តាយមានសុខភាពមាំមួន ធ្វើនៅអ្វីដែលជីដូនចូលចិត្ត តែការងារជីដូនចូលចិត្តវាច្រើនជំពូកណាស់។ មានកម្មវិធីសម្តែងរួមរួមគ្នាជាច្រើន បង្ខំបងស្រីនិងសិស្សត្រូវតម្រូវតាមល្បឿនធ្វើការរបស់ជីដូន” បណ្ឌិត - សិល្បការិនីឆ្នើមពិណចិនហាយភឿង (Hai Phuong) រំភើបនិយាយអំពីអ្នកម្តាយខ្លួន៕

អត្ថបទ៖ សើនងៀ រូបថត៖ ដាំងគីមផឿង សើនងៀ

បណ្តាអត្ថបទបានផ្សាយ

អ្នកផ្គត់ផ្គង់ព័ត៌មាន(ICP): ទីភ្នាក់ងារសារព័ត៌មានវៀតណាម| ISSN : 1606 - 0261 | លិខិតអនុញ្ញត្តិលេខ18/GP-BTTTT ផ្តល់ដោយក្រសួងព័ត៌មាន និងសារគមនាគមន៍ ចុះថ្ងៃទី០៥ ខែមករា ឆ្នាំ២០១២

ស្ថាប័នគ្រប់គ្រង៖ ទីភ្នាក់ងារសារព័ត៌មានវៀតណាម អ្នកទទួលខុសត្រូវ៖ និពន្ធនាយក ង្វៀន ថាំង

អាស័យដ្ឋាន៖ ៧៩ វិថី លីធឿងគៀត រដ្ឋធានីហាណូយ vietnamvnp@gmail.com