27/06/2019 11:12 GMT+7 Email Print Like 0

ករណីអ៊ីរ៉ង់បានបាញ់ទម្លាក់យន្តហោះគ្មានមនុស្សបើករបស់អាមេរិក - ទីក្រុងតេហេរ៉ង់ បានព្រមានពីផលវិបាកប្រសិនបើសង្គ្រាមផ្ទុះឡើង


 លោក Hossein Dehghan ទីប្រឹក្សាយោធាជាន់ខ្ពស់និងជាជំនួយការរបស់មេដឹកនាំកំពូលអ៊ីរ៉ង់លោក Ali Khamenei
 

 លោក Hossein Dehghan ទីប្រឹក្សាយោធាជាន់ខ្ពស់និងជាជំនួយការរបស់មេដឹកនាំកំពូលអ៊ីរ៉ង់លោក Ali Khamenei បានប្រកាសថា អាមេរិកចាំបាច់ត្រូវយល់ដឹងអំពីកម្លាំង​នៃមីស៊ីលរបស់ទីក្រុងតេអេរ៉ង់ ក៏ដូចជា​ផលវិបា​ក​យ៉ាងធ្ងន់ធ្ងរប្រសិនបើសង្រ្គាមក្នុង​តំបន់ផ្ទុះឡើងនោះដែ​រ។
 
នៅក្នុង​បទសម្ភាសន៍ជាមួយទូរទស្សន៍ Alnujaba របស់អ៊ីរ៉ាក់ លោក Hossein Dehghan បានមានប្រសាសន៍ថា អាមេរិក​មាន​ការព្រួយបារម្ភអំពីហានិភ័យនៃ    សង្គ្រាមដោយសារទីក្រុងវ៉ាស៊ីនតោនគ្មានហេតុផលស្របច្បាប់ ដើម្បីធ្វើសង្គ្រាម​ហើយ​អ៊ីរ៉ង់ផ្ទាល់ខ្លួន ក៏មិនមានបំណងចង់ឲ្យរឿ​ងហេតុនេះកើតមានឡើងនោះឡើយ។ នាថ្ងៃដដែលនោះ ​ឯកអគ្គរដ្ឋទូតអា​មេរិកទទួល​បន្ទុកការរំសាយសព្វាវុធ​លោក Robert Wood  បានឲ្យដឹងថា ប្រធានាធិបតីអាមេរិ​កលោក​ Donald Trump នឹង​បើកផ្លូវកា​រទូតមួយជាមួយប្រទេសអ៊ីរ៉ង់ ក៏ប៉ុន្តែទីក្រុង​តេហេរ៉ង់​​នឹងជាប់​កំហុសបើ​សិនជា​ទីក្រុង​តេហេរ៉​ង់ចាត់​ទុកថា​ ការអត់ធ្មត់​របស់ម្ចាស់សេត​វិមាននៅក្នុង​ការបាញ់​ទម្លាក់​យន្តហោះគ្មាន​មនុស្សបើក​មួយគ្រឿង​គឺអន់​ខ្សោយ​ផង​ដែរ៕

 

តាម​ VOV5 - វិទ្យុសំឡេង​វៀតណាម​
 

បណ្តាព័ត៌មានបានផ្សាយ