ແພຄຽນຫົວແບບຮູບສົບກາກັບເສື້ອແພສີ່ປ່ຽງແມ່ນການນຸ່ງຖືທີ່ມີມາດົນນານຂອງແມ່ຍິງພາກເໜືອຫວຽດນາມ. ເຖິງວ່າ ປັດຈຸບັນ, ຮູບພາບແພ ຄຽນຫົວແບບຮູບສົບກາຍັງຄົງຕົວ ແລະ ຕິດພັນກັບຊີວິດປະຈຳວັນ ແຕ່ໄດ້ເສີມສ້າງສິນລາຍວັດທະນະທຳອັນດັ້ງເດີມຕະຫຼອດມາ.
|
ແພຄຽນຫົວຮູບສົບກາແມ່ນເຄື່ອງນຸ່ງຂອງຖືທີ່ບໍ່ອາດຂາດໄດ້ຂອງນັກຂັບລຳ “ກວານຫໍ້”.
ແພຄຽນຫົວຮູບສົບກາຂອງແມ່ຍິງພາກເໜືອໃນຊຸມປີ ຄສ 1950.
|
|
ແພຄຽນຫົວຮູບສົບກາຈະເຊີດຊູວາດຊົງສະສວຍຂອງແມ່ຍິງ |
|
ຊຸດເສື້ອຜ້າອາພອນໃນການສະແດງຂອງນັກຂັບລຳ “ກວານຫໍ້” |
ແພຄຽນຫົວແບບຮູບສົບກາຕ້ອງຄຽນແນວໃດໃຫ້ພໍເໝາະກັບບຸກຄະລິກເຊິ່ງສ້າງໃບໜ້າຄ້າຍຄືກັບຮູບດອກບົວຈຸມ. ສະນັ້ນ, ເມື່ອຕ້ອງການເອົາ ແພຄຽນຫົວຮູບສົບກາໃຫ້ໄດ້ງາມ, ກ່ອນອື່ນໝົດຕ້ອງຮູ້ຈັກວິທີເກົ້າຜົມໃນຜືນແພ, ຈັດເປັນມ້ວນວົງກົມເທິງຫົວເນີ້ງໄປທາງງ່ອນໂດ້ນເລັກໜ່ອຍ ແລະ ເໜັບໃສ່ດ້ວຍເຂັມມຸດ. ໃຊ້ແພສີ່ຫຼ່ຽມພັບໄຂວ່ເປັນຮູບສາມຫຼ່ຽມແລ້ວຫັກ, ພັບຮູບສົບກາຢູ່ກາງຫົວ, ຈັບສອງມຸມແພໄປທາງຫູທັງສອງ ແລະ ຂອດເປັນປົມຢູ່ງ່ອນໂດ້ນ.
|
ເຖິງຈະຂີ້ອາຍແຕ່ກໍເພີ່ມສະເໜ່ໃນແພຄຽນຫົວຮູບສົບກາ |
|
ບັນດາແມ່ເຖົ້າມັກໃຊ້ແພຄຽນຫົວຮູບສົບກາໃນໂອກາດຊຸມນຸມ ຫຼື ງານບຸນບ້ານ |
|
ແພຄຽນຫົວເຮັດໃຫ້ຊົງຜົມຮຽບຮ້ອຍ ແລະ ເສີມໃຫ້ໃບໜ້າສວຍງາມກວ່າອີກ |
ແພຄຽນຫົວແບບຮູບສົບກາໄດ້ກາຍເປັນເຄື່ອງປະດັບໂສມຂອງແມ່ຍິງ ແລະ ເຊີດຊູວັດທະນະທຳອັນດີງາມໃນມື້ງານບຸນຢູ່ເຂດບ້ານນາ ຫວຽດ ນາມ. ຄຽງຂ້າງກັນນັ້ນໃນຊີວິດປະຈຳວັນ, ຮູບການຄຽນແພຮູບສົບກາໄດ້ມີສ່ວນງ່າຍດາຍກວ່າເກົ່າ. ບັນດາແມ່ຍິງ ມັກໃຊ້ແພຄຽນຫົວແບບນີ້ ເພື່ອຄວາມສວຍງາມຂອງຕົນເອງ ແລະ ເຮັດໃຫ້ຊົງຜົມຮຽບຮ້ອຍຕາມສະໄໝນິຍົມກວ່າ.
ບໍ່ພຽງແຕ່ເທົ່ານັ້ນ, ການນຸ່ງຖືຂອງຜູ້ຍິງທາງພາກເໜືອຫວຽດນາມ ຍັງໄດ້ສະແດງອອກມາໃນຊຸດເສື້ອແພສີ່ປ່ຽງ, ອ້ຽມ ແລະກຸບ. ນັ້ນແມ່ນຄວາມງາມແບບສະເໜ່ຫາຂອງແຟຊັ່ນຫວຽດນາມ ທີ່ຄວນຮັກສາ ແລະ ທະນຸຖະໜອມໄວ້ຕະຫຼອດໄປ.
ບົດ: ບິກເວີນ ພາບ: ເຕີດເຊີນ
|