ກິລາ

ຍີ່ປຸ່ນ ຄອງຊະນະເລີດ, ຫວຽດນາມ ຜິດນັດກັບເຕະບານໂລກ.

20/08/2014

ການແຂ່ງຂັນເຕະບານຊີງຂັນບານເຕະຍິງ ອາຊີ 2014 ສຳເລັດຢ່າງຈົບງາມ ພາຍຫຼັງການແຂ່ງຂັນ ຢ່າງຟົດຟື້ນແຕ່ວັນທີ 14-25 ພຶດສະພາ 2014 ທີ່ນະຄອນ ໂຮ່ຈີມິນ. ທີມບານເຕະຍິງ ຍີ່ປຸ່ນ ຄອງຊະນະເລີດ, ທີມບານ ເຕະຍິງ ຫວຽດນາມ ຜິດນັດກັບເຕະບານໂລກ 2015.

ຂັນບານເຕະຍິງ ອາຊີ 2014 ເຕົ້າໂຮມ 8 ທີມບານເຕະຍິງ ດີເດັ່ນທີ່ສຸດໃນທະວີບອາຊີ, ໄດ້ແບ່ງເປັນ 2 ສາຍ, ທີມອັນດັບໜຶ່ງ ແລະ ສອງຢູ່ແຕ່ລະສາຍຈະໄດ້ເຂົ້າຮອບຮອງຊະນະເລີດ ແລະ ໄດ້ຮັບສິດໄປແຂ່ງຂັນ ໃນຮອບຊີງຊະນະເລີດບານໂລກ 2015. ສິດຍັງເຫຼືອແມ່ນຂອງທີມໃດທີ່ຊະນະໃນການແຂ່ງຂັນຮອບ play-off ລະຫວ່າງທີມອັນດັບ 3 ຢູ່ແຕ່ລະສາຍ. ທີມບານເຕະຍິງ ຫວຽດນາມ ດ້ວຍຖານະເປັນເຈົ້າພາບ ມີໂອກາດປະຫວັດສາດໄດ້ເຂົ້າຮ່ວມເຕະບານໂລກ ເມື່ອນອນໃນສາຍ A ກັບ ຍີ່ປຸ່ນ, ອົດສຕາລີ, ຢອກດານ ແລະ ສິ່ງສຳຄັນແມ່ນຄູ່ຕໍ່ສູ້ໃນຮອບ play-off ພຽງແຕ່ແມ່ນ ໄທ ຫຼື ມຽນມາ, ສອງທີມໃນຂົງເຂດ ອາຊີຕາເວັນອອກສຽງໃຕ້ ທີ່ພວກເຮົາເຄີຍເອົາຊະນະມາເປັນຫຼາຍເທື່ອ. ແຕ່ຄວາມຈິງບໍ່ເໝືອນດັ່ງຄວາມ ມຸ່ງຫວັງ ຂອງນັກເຊຍບານເຕະຫວຽດນາມ.

ນັດທຳອິດ, ທີມບານເຕະຍິງ ຫວຽດນາມ ເອົາຊະນະ ທີມບານເຕະຍິງ ຢອກດານ 3-1 ແລະ ມີໂອກາດໄດ້ເຂົ້າຮ່ວມບານເຕະໂລກ 2015 ທີ່ໄດ້ຮັບການຈັດຂຶ້ນຢູ່ ການາດາ. ສອງນັດຕໍ່ມາ, ເຖິງວ່າ ມານະພະຍາຍາມແຂ່ງຂັນສຸດຄວາມສາມາດຂອງຕົນແລ້ວ, ແຕ່ທີມບານເຕະຍິງ ຫວຽດນາມ ກໍ່ປະລາໄຊ ອົດສຕາລີ 0-2 ແລະ ຍີ່ປຸ່ນ 0-4.

ຕົກເປັນອັນດັບທີ 3 ໃນສາຍ A, ທີມບານເຕະຍິງ ຫວຽດນາມ ເຂົ້າຮ່ວມໃນການແຂ່ງຂັນຮອບ play-off ກັບທີມບານເຕະຍິງ ໄທ ໃນຄວາມມຸ່ງຫວັງຄອງຄອຍຂອງນັກເຊຍ ຫວຽດນາມ ໃນທົ່ວປະເທດ. ຖ້າເອົາ ຊະນະນັດນີ້, ເທື່ອທຳອິດ ຫວຽດນາມ ຈະມີທີມບານເຕະໜຶ່ງ ມີໂອກາດແຂ່ງຂັນຢູ່ບານເຕະໂລກ. ສິ້ນສຸດ ການແຂ່ງຂັນ, ທີມບານເຕະຍິງ ໄທ ເອົາຊະນະ ທີມບານເຕະ ຫວຽດນາມ 2-1 ແລະ ກາຍເປັນ ທີມບານ ເຕະ ທຳອິດຂອງ ອາຊີຕາເວັນອອກສຽງໃຕ້ ມີໜ້າເຂົ້າຮ່ວມ ບານເຕະໂລກ. ບານເຕະໂລກຍັງ ເປັນຄວາມ ຝັນຂອງບານເຕະຫວຽດນາມ ແລະ ນັກເຊຍ ຫວຽດນາມ. ສະໜາມກິລາ ຖົ໋ງເຍີດ ເຕັມໄປດ້ວຍ ສີແດງ ເພື່ອສົ່ງກຳລັງໃຈໃຫ້ທີມບານເຕະຍິງ, ແຕ່ສຸດທ້າຍ, ນັກເຕະບານຍິງ ຫວຽດນາມ ຕ້ອງຖ້າອີກ 4 ປີ ເພື່ອ ສຳເລັດຄວາມຝັນດັ່ງກ່າວ.

ສະໜາມກິລາ ຖົ໋ງເຍີດ ເຕັມໄປດ້ວຍສີແດງຂອງທຸງຊາດ ຈາກ ກອງເຊຍ ຫວຽດນາມ.

ບັນຍາກາດທີ່ຟົດຟື້ນໃນການແຂ່ງຂັນຮອບ play-off ລະຫວ່າງ ທີມບານເຕະຍິງ ຫວຽດນາມ ແລະ ທີມບານເຕະຍິງ ໄທ.

ການແຂ່ງຂັນລະຫວ່າງນັກເຕະບານຍິງ ຫວຽດນາມ ແລະ ໄທ.

ຄວາມດີໃຈຂອງທີມບານເຕະຍິງ ໄທ ຫຼັງຈາກທີ່ກາຍເປັນ
ທີມບານເຕະທຳອິດຂອງອາຊີຕາເວັນອອກສຽງໃຕ້ ມີໜ້າ ຢູ່ບານເຕະໂລກ 2015.

ນັກຂ່າວ ຫວຽດນາມ ແລະ ສາກົນຫຼາຍຄົນ ມາລົງຂ່າວກ່ຽວກັບ ການແຂ່ງຂັນຮອບ play-off ລະຫວ່າງ ທີມບານເຕະຍິງ ຫວຽດນາມ ແລະ ໄທ.

ໃນຮອບຊີງຊະນະເລີດທີ່ໄດ້ຈັດຂຶ້ນໃນຕອນບ່າຍວັນທີ 25 ພຶດສະພາ, ທີມບານເຕະຍິງ ຍີ່ປຸ່ນ ເຕະ ກັບທີມບານເຕະຍິງ ອົດສຕາລີ ແລະ ເອົາຊະນະ 1-0. ການຄອງຊະນະເລີດ ໃນຂັນບານເຕະຍິງ ອາຊີ ເທື່ອທຳອິດໃນປະຫວັດສາດນີ້ ຈະສ້າງຄວາມໝັ້ນໃຈໃຫ້ນັກບານເຕະຍິງ ຍີ່ປຸ່ນ ໃນການແຂ່ງຂັນ ບານເຕະ ໂລກ ເມື່ອປີ 2015 ຢູ່ ການາດາ. ກ່ອນໜ້ານັ້ນ, ທີມບານເຕະຍິງ ຈີນ ໄດ້ຮັບອັນດັບທີ 3 ຫຼັງຈາກເອົາຊະນະ ທີມບານເຕະຍິງ ເກົາຫຼີ 2-1. ຄະນະຈັດຕັ້ງໄດ້ມອບລາງວັນ ນັກເຕະດີເດັ່ນໃຫ້ແກ່ນາງ Miyama ຂອງ ຍີ່ປຸ່ນ, ມອບລາງວັນ ນັກເຕະຍິງໄດ້ຫຼາຍປະຕູທີ່ສຸດໃຫ້ແກ່ນາງ Park Eun Sun ຂອງ ເກົາຫຼີ.