ឆ្នាំ២០១៥ ជាព្រឹត្តិការណ៍ពិសេសមួយបានប្រព្រឹត្តទៅចំពោះអ្នកវិទ្យាសាស្រ្តវ័យក្មេងទូទាំងប្រទេស។ នោះគឺការជួបជុំរវាងអ្នកវិទ្យាសាស្រ្តវ័យក្មេង ទូទាំងប្រទេស ក្រោយពីពេលស្តាប់បណ្ឌិត ង្វៀនបាហាយ នៅមហាវិទ្យាល័យគរុកោសល្យបច្ចេកទេស ទីក្រុងហូជីមិញ បង្ហាញពីទឹកចិត្ត គោលបំណងក៏ដូចជាលទ្ធភាព ពីគម្រោងការផលិតវ៉ែនតាឆ្លាត “ភ្នែកទិព្វ” ឧបករណ៍នាំផ្លូវសម្រាប់ជនពិការភ្នែកនៅវៀតណាម លោកនាយករដ្ឋមន្រ្តី ង្វៀនតឹនយុង បានចេញសេចក្តីសម្រេចចិត្ត របស់រដ្ឋាភិបាលពីការឧបត្ថម្ភដើមទុនទាំងស្រុង សម្រាប់គម្រោងការរបស់ង្វៀនបាហាយ ដើម្បីផលិតវ៉ែនតាឆ្លាត បម្រើជនពិការភ្នែកក្នុងប្រទេស។ សេចក្តីសម្រេចចិត្តទាន់ពេលរបស់លោកនាយករដ្ឋមន្ត្រី មិនត្រឹមតែជាប្រភពចលករធំចំពោះមជ្ឈដ្ឋានអ្នកវិទ្យាសាស្រ្តវ័យក្មេង ទូទាំងប្រទេស នៅទាំងមានអត្ថន័យមនុស្សសាស្រ្ត យ៉ាងធំធេង ចំពោះជនពិការភ្នែក១.២លាននាក់ លើទូទាំងប្រទេស។
ទីកន្លែងបំពេញការងាររបស់ លោកបណ្ឌិត ង្វៀនបាហាយ និងអ្នករួមការងារស្ថិតនៅក្នុងមជ្ឈមណ្ឌលបង្រៀនលេខ នៅកណ្តាលចំការឈើខៀវស្រស់ ក្នុងបរិវេណមហាវិទ្យាល័យគរុកោសល្យបច្ចេកទេសទីក្រុងហូជីមិញ។ នេះគឺជាទីកន្លែងង្វៀនបាហាយ និងអ្នករួមអាជិពបានស្រាវជ្រាវ ផលិតចេញវ៉ែនតា “ភ្នែកទិព្វ” រាប់ពាន់គ្រឿង សម្រាប់ផ្តល់ជូនជនពិការភ្នែក ដោយឥតគិតថ្លៃនៅខេត្តទាំងឡាយ ដូចជា៖ ភូអៀន ប៊ិញឌិញ ឡុងអាន។ល។
លោកបណ្ឌិត ង្វៀនបាហាយ សព្វថ្ងៃជានាយករង មជ្ឈមណ្ឌលបំប៉ន់និងបណ្តុះបណ្តាលបុគ្គលិកបច្ចេកទេសខ្ពស់ របស់មហាវិទ្យាល័យគរុកោសល្យបច្ចេកទេសទីក្រុងហូជីមិញ។ លោកមាន ស្នាដៃច្នៃប្រឌិតជាលក្ខណៈអន្តរជាតិចំនួនប្រាំនៅអាយុ២៨ឆ្នាំ ជាពលរដ្ឋវ័យក្មេងគំរូទីក្រុងហូជីមិញនៅឆ្នាំ២០១២ និងជាមនុស្សវ័យក្មេងម្នាក់ក្នុងចំណោមមនុស្សវ័យក្មេងវៀតណាមគំរូ ទាំងដប់នាក់ឆ្នាំ២០១៤។
|
ង្វៀនបាហាយកើតឆ្នាំ១៩៨៣ ភូមិកំណើតនៅថាញហ័រ សព្វថ្ងៃជាប្រធានក្រុមស្រាវជ្រាវសំខាន់ពីមនុស្សយន្តសរីរាង នៃមហាវិទ្យល័យគរុកោសល្យបច្ចេកទេស ទីក្រុងហូជីមិញ។ លោកហាយមានចរិយារួសរាយ និងរហ័សរហួនចូលចិត្តវិទ្យាសាស្រ្ត តាំងពីវ័យនៅរៀនមធ្យមសិក្សាម្លេះ។ សំឡឹងមើលជនពិការភ្នែកជួបការលំបាក ក្នុងជីវភាពរស់នៅប្រចាំថ្ងៃ លោកសន្យាក្នុងចិត្តថា នឹងកែច្នៃបានឧបករណ៍ដើម្បីជួយជនពិការភ្នែកសម្រាលភាពពិបាក។ ដោយគោលគំនិតនោះចេះតែឌិតជាប់ ក្នុងអារម្មណ៍ ពេលកំពុងបំពេញការសិក្សានៅប្រទេសកូរ៉េខាងត្បូង។ ក្រោយពីពេលការពារជោគជ័យនូវនិក្ខេបទបណ្ឌិតពីមនុស្សយន្តសរីរាង្គនៅកូរ៉េខាងត្បូង លោកត្រឡប់មកវៀតណាមនិងចាប់ផ្តើមអនុវត្តគម្រោងការ “ភ្នែកទិព្វ” របស់ខ្លួន។
“ភ្នែកទិព្វ” ជាវ៉ែនតាឆ្លាត មានលទ្ធភាពស្គាល់នូវវត្ថុរាំងស្កាត់ ពីចម្ងាយ ជួយជនពិការភ្នែកដឹកច្បាស់ ដើម្បីជៀសវៀងទើបអាចធ្វើដំណើរ ទៅមកបានងាយស្រួល មិនជំពប់ដួល។ ដើម្បីមានផលិតផល “ភ្នែកទិព្វ” តូចស្រាលដូចសព្វថ្ងៃនេះ លោកត្រូវចំណាយពេលអស់ជាងបួនឆ្នាំស្រាវជ្រាវ បទសោធន៍និងកែសម្រួលជាច្រើនលើកច្រើនសា។ ជួនកាលមានពេលខ្លះហាក់ដូចជា បរាជ័យទាំងស្រុង ពេលសាកល្បងបរាជ័យ ប៉ុន្តែលោកមិនធុញទ្រាន់ ប្តេជ្ញាចិត្តស្វែងរកហេតុផល ដើម្បីយកជំនះ។ ផលិតផលដំបូង គឺមួកដែលមានទម្ងន់ជិតពីរគីឡូក្រាម ផលិតផលទីពីរ គឺវណ្ឌជុំក្បាល។ល។ មកដល់ផលិតផលទីប្រាំបួនថ្មីជោគជ័យ ដោយមានរូបរាងដូចជាវ៉ែនតាធម្មតាសព្វថ្ងៃនេះ។ ផលិតផលទទួលបានរង្វាន់មនុស្សសាស្រ្ត ក្នុងការប្រកួតប្រឡង Tech Show Robocon ២០១២ និងរង្វាន់លេខមួយសប្តាហ៍កែច្នៃវៀតណាម២០១៣។
អត្ថបទ៖ ង្វៀនអាញ រូបថត៖ ថុងហាយនិងឯកសារ