ការប្រកួតឆ័ត្រយោងវៀតណាមបើកទូលាយលើកទី២
ការប្រកួតឆ័ត្រយោងចម្ងាយពី ពូតាឡែង (Pu Ta Leng) វៀតណាមបើកទំលាយលើកទី ២ មានការចូលរួមពីកីឡាករចំនួន ១០០នាក់ មកពី ១៥ ប្រទេស។ នេះគឺជាសកម្មភាព ដើម្បីស្វែងយល់ពីភ្នំ ពូតាឡែង (Pu Ta Leng) និងអាកាស តាមរយៈវិញ្ញាសារកីឡាបែបផ្សងព្រេង និងគួរឱ្យរំភើប នៅក្នុងតំបន់អស្ចារ្យ តាមដឿង (Tam Duong) ខេត្ត ឡាយចូវ (Lai Chau) ។
ព្រឹត្តិការណ៍កីឡាអន្តរជាតិនេះ រៀបចំដោយគណៈកម្មាធិការប្រជាជនស្រុក តាមដឿង (Tam Duong) សហការជាមួយអគ្គនាយកដ្ឋានបណ្តុះបណ្តាលកាយសម្បទា និងកីឡា (ក្រសួងវប្បធម៌ កីឡា និងទេសចរណ៍)។ ដោយដំណើរការចាប់ផ្តើមហោះហើរពីភូមិ ស៊ីថៅចាយ (Si Thau Chai) និងចុះចតនៅកីឡដ្ឋានស្រុក កីឡាករនិងភ្ញៀវទេសចរអាចគយគន់ទេសភាពដ៏ស្រស់ស្អាតនៅ តាមដឿង (Tam Duong)។
កីឡាករឆ័ត្រយោងមកពី ១៥ ប្រទេស និងវៀតណាមបានបង្ហាញពីជំនាញគ្រប់គ្រងឆ័ត្រយោងដ៏ប៉ិនប្រសប់របស់ពួកគេក្នុងការប្រឈមមុខនឹងការប្រែប្រួលអាកាសធាតុឥតឈប់ឈរ និងភូមិសាស្ត្រប្រណាំងដ៏ស្មុគស្មាញ ប៉ុន្តែទាក់ទាញខ្លាំងសម្រាប់កីឡាករឆ័ត្រយោងអាជីពនៅស្រុក តាមដឿង (Tam Duong)។
ការរៀបចំព្រឹត្តិការប្រកួតកីឡាអន្តរជាតិដ៏ធំមួយនេះនៅចំគោលដៅទេសចរណ៍ដ៏ល្បី និងមានភ្ញៀវទេសចរណ៍យ៉ាងច្រើនកុះករគឺភូមិស៊ីថៅចាយ (Si Thau Chai) ក៏បានរួមចំណែកដល់ភាពជោគជ័យនៃការប្រកួតផងដែរ។ មិនត្រឹមតែជាកន្លែងចូលរួមសម្រាប់កីឡាករលោតឆ័ត្រយោងអាជីពប៉ុណ្ណោះទេ អ្នកគ្រប់គ្នាមានឱកាសទទួលបានពិសោធន៍ផ្សងព្រេងប្លែកៗនៅលើអាកាស តាមរយៈសេវាកម្មហោះហើរ។ បើមិនដូច្នេះទេ ត្រង់ចំណុចចាប់ផ្តើមដែលមានកម្ពស់ជាង ១០០០ ម៉ែត្រ ភ្ញៀវទេសចរនៅតែអាចគយគន់ទេសភាពដ៏អស្ចារ្យនៃភ្នំ ព្រៃឈើ និងវាលស្រែជណ្តើរដ៏ស្រស់ស្អាតលាតសន្ធឹងក្នុងជ្រលងភ្នំ តាមដឿង( Tam Duong) ។
ការរៀបចំព្រឹត្តិការប្រកួតកីឡាអន្តរជាតិដ៏ធំមួយនេះនៅចំគោលដៅទេសចរណ៍ដ៏ល្បី និងមានភ្ញៀវទេសចរណ៍យ៉ាងច្រើនកុះករគឺភូមិស៊ីថៅចាយ (Si Thau Chai) ក៏បានរួមចំណែកដល់ភាពជោគជ័យនៃការប្រកួតផងដែរ។ មិនត្រឹមតែជាកន្លែងចូលរួមសម្រាប់កីឡាករលោតឆ័ត្រយោងអាជីពប៉ុណ្ណោះទេ អ្នកគ្រប់គ្នាមានឱកាសទទួលបានពិសោធន៍ផ្សងព្រេងប្លែកៗនៅលើអាកាស តាមរយៈសេវាកម្មហោះហើរ។ បើមិនដូច្នេះទេ ត្រង់ចំណុចចាប់ផ្តើមដែលមានកម្ពស់ជាង ១០០០ ម៉ែត្រ ភ្ញៀវទេសចរនៅតែអាចគយគន់ទេសភាពដ៏អស្ចារ្យនៃភ្នំ ព្រៃឈើ និងវាលស្រែជណ្តើរដ៏ស្រស់ស្អាតលាតសន្ធឹងក្នុងជ្រលងភ្នំ តាមដឿង( Tam Duong) ។
បានរៀបចំជាលើកដំបូងក្នុងឆ្នាំ ២០២២ នេះគឺជាឆ្នាំទីពីរបន្តគ្នា ដោយមានការចូលរួមពីកីឡាករអន្តរជាតិយ៉ាងច្រើនកុះករ។ ការប្រកួតគឺជាឱកាសសម្រាប់តំបន់ ដើម្បីណែនាំ និងផ្សព្វផ្សាយរូបភាពដ៏ស្រស់ស្អាតនៃធម្មជាតិ វប្បធម៌ និងប្រជាជននៃស្រុក តាមដឿង (Tam Duong) ជាពិសេស និងនិយាយរួមគឺខេត្ត ឡាយចូវ (Lai Chau) ទៅកាន់ភ្ញៀវទេសចរក្នុងស្រុក និងបរទេស។ តាមរយៈនោះ បានរួមចំណែកក្នុងការអញ្ជើញវិនិយោគិន កសាងស្រុក តាមដឿង (Tam Duong) ក្លាយទៅជាគោលដៅទេសចរណ៍ដ៏ទាក់ទាញ./.
អត្ថបទ និងរូបថត៖ វៀតគឿង/កាសែតរូបភាពវៀតណាម ប្រែសម្រួលដោយង្វៀនយ៉ាង