“មុនពេលមកប្រទេសវៀតណាម ខ្ញុំបានធ្វើការរយៈពេលប៉ុន្មានឆ្នាំនៅប្រទេសអាមេរិក និងខ្ញុំបានចំណាយពេលទំនេរ ដើម្បីទេសចរណ៍ពេញពិភពលោក។ ខ្ញុំស្គាល់វប្បធម៌វៀតណាម នៅពេលខ្ញុំកំពុងរស់នៅអាមេរិក។ ខ្ញុំចូលចិត្តម្ហូបអាហារវៀតណាមខ្លាំងណាស់។ នាឆ្នាំ ២០០៩ គឺជាលើកដំបូងខ្ញុំមករដ្ឋធានីហាណូយ ខ្ញុំបានស្រឡាញ់ទីនេះភ្លាមមួយរំពិច និងខ្ញុំគិតថា ខ្ញុំត្រូវការមករស់នៅទីនេះ ” លោក Shahar Lubin និយាយឲ្យដឹងថា។
ភោជនីយដ្ឋានរបស់លោក Shahar Lubin កាន់តែមានជនជាតិអ៊ីល្រាអែលជាច្រើននាក់ ដែលស្រឡាញ់ប្រទេសវៀតណាមស្គាល់ ដោយសារមកភោជនីយដ្ឋាននេះ គេបានទទួលទានបណ្តាមុខម្ហូបអាហារមានរសជាតិលាយរវាងពីរប្រទេស ដែលលោកបានចំណាយពេលវេលាជាច្រើន ដើម្បីកែច្នៃ។
ថ្មីៗនេះភោជនីយដ្ឋានរបស់លោកបានសហការជាមួយស្ថានទូតអ៊ីស្រាអែលប្រចាំនៅវៀតណាមរៀបចំ "សប្តាហ៍ម្ហូបអាហារមិត្តភាពវៀតណាម - អ៊ីស្រាអែល" លោកបានផ្តល់ទៅឲ្យសាធារណជនបណ្តាមុខម្ហូបអាហារដ៏ពិសេសគួបផ្សំយ៉ាងល្អិតល្អន់រវាងម្ហូបអាហារវៀតណាមនិងម្ហូបអាហារអ៊ីស្រាអែល។
 មេចុងភៅជនជាតិអ៊ីស្រាអែល Shahar S. Lubin មកវៀតណាមនិងបើកភោជនីយដ្ឋាន Daluva ស្ថិតនៅវិថីតូង៉ុកវ៉ឹន (រដ្ឋធានីហាណូយ)  មេចុងភៅ Shahar S. Lubin និងលោកស្រី Meirav Eilon Shahar ឯកអគ្គរដ្ឋទូតអ៊ីស្រាអែលប្រចាំនៅប្រទេសវៀតណាមឧទ្ទេសនាមដល់ទស្សនិកជនមុខម្ហូបអ៊ីស្រាអែលមួយចំនួន ដែលបានកែច្នៃពីគ្រឿងផ្សំរបស់វៀតណាម  តារាងនាមមុខម្ហូបរបស់ភោជនីយដ្ឋាន Daluva ក្នុងសប្តាហ៍ម្ហូបអាហារវៀតណាម អ៊ីស្រាអែល នឹងរួមមានមុខម្ហូបវៀតណាមជាច្រើនដូចជា៖ ហ្វើមូរ នំបញ្ចុកសាច់អាំង។ បណ្តាមុខម្ហូបនេះមានការច្នៃប្រឌិតយ៉ាងចម្លែក  បណ្តាមិត្តបរទេសមកភោជនីយដ្ឋាន Daluva  សបា្តហ៍ម្ហូបអាហារអ៊ីស្រាអែល - វៀតណាមលើកតម្កើងចំណងមិត្តភាពរវាងប្រទេសទាំងពីរដោយម្ហូបអាហារ  មេចុងភៅ Shahar Lubin បានចូលចិត្តម្ហូបអាហារវៀតណាម លោក Shahar Lubin បានសម្រេចចិត្តមករដ្ឋធានីហាណូយនិងបើកភោជនីយដ្ឋានរបស់ខ្លួនឯង  គ្រឿងទេសមកពីអ៊ីស្រាអែលនឹងគួមផ្សំនឹង បន្លែ ផ្លែរបស់វៀតណាម ដើម្បីធ្វើមុខម្ហូបអាហារពិសេស  មុខម្ហូប salat មានការគួបផ្សំរវាងម្សៅសាលីនិងគ្រឿងផ្សំរបស់វៀតណាម  តៅហ៊ូបំពងវៀតណាមប្រើប្រាស់គ្រឿងទេសមកពីអ៊ីស្រាអែល  ហ្វើមូរវៀតណាមត្រូវបានចុងភៅកែច្នៃថ្មីទាំងស្រុង គ្មានសាច់ មានតែបណ្តាមុខបន្លែជាច្រើនប្រភេទតែប៉ុណ្ណោះ  នំបញ្ចុកសាច់អាំងវៀតណាមត្រូវបានធ្វើតាមរបៀបអ៊ីស្រាអែល |
អ្នកពិសាបានភ្ញាក់ផ្អើល នៅពេលភ្លក់មុខម្ហូបពិសេសរបស់វៀតណាមដូចជាណែមមូរ នំបញ្ចុកសាច់អាំង ញាំ តៅហ៊ូចៀន ដែលត្រូវបានកែច្នៃដោយគ្រឿងផ្សំមកពីអ៊ីស្រាអែលនិងវៀតណាម។
បណ្តាមុខម្ហូបនេះប្រកបដោយការគួបផ្សំរបស់ម្ហូបអាហារនៃពីរប្រទេស ដែលមានភាពស្រដៀងជាច្រើន ទោះបីមានភូមិសាស្ត្រស្ថិតនៅខាងចុងទាំងពីរនៃទ្វីបអាស៊ី។
លោកចូលចិត្តធ្វើម្ហូបអ៊ីស្រាអ៊ែលតាមរបៀបដោយឡែក និងតាមគ្រឿងផ្សំរបស់វៀតណាម។ អតិថិជនជាច្រើននាក់បានពិសាមុខម្ហូប shuk shuka (ប៉េងបោះខជាមួយស៊ុត) មុខម្ហូបដ៏ប្រជាប្រិយនៅអ៊ីស្រាអែល ជាមួយនឹងរសជាតិពិសេសរបស់ទឹកត្រីវៀតណាម ។ “បានរស់នៅវៀតណាម ខ្ញុំមិនអាចមិនប្រើប្រាស់ទឹកត្រីនៅពេលធ្វើម្ហូប” លោកបានសើចនិងនិយាយយ៉ាងស្និទស្នាលជាមួយអតិថិជន។
“ក្នុងនាមចុងភៅម្នាក់ ខ្ញុំមានបំណងប្រាថ្នារួមចំណែកក្នុងជីវភាពនៅទីនេះ ដោយការបណ្តុះបណ្តាលចុងភៅផ្សេងៗទៀត។ ក្នុងភោជនីយដ្ឋានរបស់ខ្ញុំ ខ្ញុំតែងតែណែនាំចុងភៅផ្សេងៗ និងខ្ញុំក៏បានរៀនបានជាច្រើនពីគេ” លោកបានចែករំលែក
លោក Shahar Lubin ស្រឡាញ់រដ្ឋធានីហាណូយ ដោយលក្ខណពិសេស និងគួរឲ្យរំភើបនៃទីក្រុងនេះ។ ចំពោះលោក សុភមង្គលគឺជាការចាប់ផ្តើមពេលព្រឹកដោយការពិសាហ្វើក្តៅមួយចាន ឬពិសានំបញ្ចុកឆ្អឹងជំនីក្តៅមួយចាន និងពិសាតែស្រស់មួយកែវ និយាយជាមួយប្រជាជនរស់នៅទីនេះ ហើយទុកពេលវេលាដើរជុំវិញបឹងតី គយគន់មនុស្សទៅវិញទៅមក ។ “រដ្ឋធានីហាណូយបានពេញក្នុងបេះដូងរបស់ខ្ញុំ” ចុងភៅជនជាតិអ៊ីស្រាអែលបានចែករំលែកដូច្នេះជាមួយមិត្តភ័ក្តិអំពីក្តីស្រឡាញ់រដ្ឋធានីហាណូយជាច្រើនដង។
“មុខម្ហូបនីមួយៗដូចជាប្រជាជនរស់នៅទីនេះ គ្មានពេលណាមិនចលនា” លោក Shahar Lubin និយាយចេញពីដួងចិត្ត./.
អនុវត្តន៍៖ ត្រឹនថាញ់យ៉ាង
