នំយ៉ៃ (banh day) ពិសេសរបស់បងប្អូនជនជាតិ ប៉ាថែន (Pa Then)
នំយ៉ៃ (banh day) គឺជាចំណីអាហារដែលមិនអាចខ្វះបានក្នុងស្ពកសំណែនសែនជីដូនជីតារបស់បងប្អូនជនជាតិ ប៉ាថែន (Pa Then) នៅស្រុក ឡឹមប៊ិញ (Lam Binh) ខេត្ត ទៀនក្វាង (Tuyen Quang)។ នំយ៉ៃ (banh day) បានសែនជូនជីដូនជីតា និងព្រះអាទិទេព ដើម្បីបួងសួងឆ្នាំថ្មីមានអាកាសធាតុល្អ រដូវប្រមូលផលជាច្រើនសន្ធឹក និងគ្រួសារមានសេចក្តីសុខ ចម្រើន។ មិនត្រឹមតែប៉ុណ្ណោះ នំយ៉ៃ (banh day) គឺជាសោភណ្ឌភាពនៃវប្បធម៌ប្រពៃណីរបស់ជនជាតិ ប៉ាថែន (Pa Then)។ នំយ៉ៃ (banh day) បង្ហាញពីស្មារតីសាមគ្គីភាព និងការជួបជុំគ្រួសារវង្សត្រកូលទៀតផង។
អង្ករដំណើបដែលជ្រើសរើសធ្វើនំយ៉ៃ (banh day) គឺជាប្រភេទអង្ករដំណើបឆ្ងាញ់ លាងទឹកឱ្យស្អាត ហើយត្រាំក្នុងទឹករយៈពេល ៦ - ៨ ម៉ោង ដើម្បីឲ្យគ្រាប់អង្ការទន់។ បន្ទាប់ពីត្រាំរួច យកអង្ករចេញ ហើយទុកឲ្យស្ងួត។ បន្ទាប់មកដាក់អង្ករចូលឆ្នាំង ដាក់ទឹកខ្ពស់ជាងអង្ករបន្តិចរួចចម្អិន។ អង្ករឆ្អិនត្រូវបានចាក់ចូលទៅក្នុងកញ្ជ្រែងដើម្បីទុកឱ្យត្រជាក់។
ដាក់អង្ករចូលក្នុងត្បាល់ រួចបុកឲ្យម៉ដ្ឋ។ នំនេះបានសូនឲ្យទៅជារាងមូល ដែលមានអង្កត់ផ្ចិតប្រហែល ១០ សង់ទីម៉ែត្រ។ ដាក់នំនៅលើស្លឹកចេកហើយវេចខ្ចប់។ នំយ៉ៃ (banh day) គឺជាមុខម្ហូបដ៏ឈ្ងុយឆ្ងាញ់ ដែលប្រកបដោយរសជាតិពិសេសនៃតំបន់ភ្នំ។ នំនេះមានរសជាតិឆ្ងាញ់ជាង បើសិនហូបជាមួយអំបិលលាយនឹងល្ង។
តាមជំនឿ នំយ៉ៃ (banh day) របស់បងប្អូនជនជាតិ ប៉ាថែន (Pa Then) ជានិមិត្តរូបនៃមេឃនិងផែនដី ជាតំណាងសាមគ្គីភាព និងការជួបជុំគ្រួសារ និងត្រកូល។ នំយ៉ៃ (banh day) ធ្វើពីអង្ករដំណើបដែលបានចាត់ទុកជាភាពថ្លៃថ្នូរនៃមេឃ និងផែនដី។
រាងមូលនៃនំយ៉ៃ (banh day) ជានិមិត្តរូបតំណាងឱ្យភាពពេញលេញមូលជុំ។ នំត្រូវបានត្រួតលើគ្នា បង្កើតជាភ្នំពីធំទៅតូច ដែលជានិមិត្តរូបនៃមេឃនិងផែនដី តំណាងភាពថិតថេរ និងជិតស្និទ្ធ។ នំយ៉ៃ (banh day) គឺជាសម្រស់វប្បធម៌ប្រពៃណីរបស់ជនជាតិ ប៉ាថែន (Pa Then) ។ នំនេះធ្វើដោយដៃ តម្រូវឱ្យមានភាពប៉ិនប្រសប់ និងភាពល្អិតល្អន់របស់អ្នកធ្វើនំ។ នេះត្រូវបានគេចាត់ទុកថាជាមុខម្ហូបមួយដែលមិនអាចខ្វះបាននៅក្នុងពិធីសែនព្រេនរបស់ជនជាតិ ប៉ាថែន (Pa Then)។ នំនេះបង្ហាញនូវស្មារតីសាមគ្គីភាព និងការជួបជុំគ្រួសារ និងត្រកូល។ នំយ៉ៃ (banh day) របស់ជនជាតិ ប៉ាថែន (Pa Then) មានរសជាតិឆ្ងាញ់។ នំនេះមានរសជាតិផ្អែមធម្មជាតិនៃអង្ករដំណើប ក្លិនស្លឹកចេក និងរសជាតិគ្រាប់សណ្តែកដី។ នំយៃ (banh day) ហូបជាមួយសាច់មាន់ សាច់ជ្រូក ស្ពៃជូរ។
ជនជាតិនីមួយៗ មានទំនៀមទំលាប់ទទួលឆ្នាំថ្មីខុសប្លែកពីគ្នា ប៉ុន្តែអ្វីៗទាំងអស់សុទ្ធតែមានបំណងចង់ទទួលបានអ្វីដែលល្អបំផុតនៅក្នុងឆ្នាំថ្មី។ ក្នុងប៉ុន្មានថ្ងៃចូលឆ្នាំថ្មី (បុណ្យតេត) បងប្អូនជនជាតិ ប៉ាថែន (Pa Then) ទាំងអស់នៅស្រុក លឹមប៊ិញ (Lam Binh) ខេត្ត ទៀនក្វាង (Tuyen Quang) រៀបចំស្ពកសំណែនដែលពោរពេញដោយគ្រឿងសំណែនប្រពៃណី ហើយនំយ៉ៃ (banh day) ជាសំណែនមួយមុខដែលមិនអាចខ្វះបាន ដើម្បីសែនជូនជីដូនជីតា និងព្រះអាទិទេព ប្រាថ្នាឆ្នាំថ្មីមានអាកាសធាតុល្អ រដូវប្រមូលផលជាច្រើនសន្ធឹក ជីវភាពធូរធា និងសុភមង្គល។/