ຂ່າວສານ

Viettel ສ້າງ App ສຸຂະພາບ ຫວຽດນາມ

09/02/2020

ວັນທີ 07 ກຸມພາ, ກຸ່ມບໍລິສັດໂທລະຄົມມະນາຄົມກອງທັບ Viettel ໄດ້ສ້າງ App ສຸຂະພາບ ຫວຽດນາມ ສຳເລັດຢ່າງເປັນທາງການ ຕາມການສະເໜີຂອງກະຊວງສາທາລະນະສຸກ ຫວຽດນາມ, ແນໃສ່ໜູນຊ່ວຍປ້ອງກັນ, ຕ້ານເຊື້ອອັກເສບປອດເກີດຈາກເຊື້ອຈຸລະໂລກສາຍພັນໃໝ່ໄວຣັດໂກໂຣນາ.

ນີ້ແມ່ນ App ຊ່ວຍປະຊາຊົນຕີລາຄາຄວາມສ່ຽງເອງ, ປະກອບຄວາມຮູ້ໃນການປ້ອງກັນ, ຕ້ານເຊື້ອພະຍາດໂດຍຜ່ານບັນດາການແນະນຳ, ຄຳກ່າວເຕືອນຈາກອົງການສາທາລະນະສຸກດ້ານວິຊາສະເພາະ ແລະ ກຳແໜ້ນສະພາບການຂອງເຊື້ອພະຍາດ ເພື່ອປ້ອງກັນຕົນເອງ ແລະ ວົງຄະນະຍາດ.

ສຸຂະພາບ ຫວຽດນາມ ແມ່ນ App ສະໜອງຂໍ້ມູນຂ່າວສານຢ່າງເປັນທາງການໜຶ່ງດຽວຂອງກະຊວງສາທາລະນະສຸກ ຫວຽດນາມ. App ນີ້ກໍ່ແມ່ນຊ່ອງຂໍ້ມູນຂ່າສານ ເພື່ອໃຫ້ປະຊາຊົນຊອກຫາຮາກຖານສາທາລະນະສຸກທີ່ຢູ່ໃກ້ທີ່ສຸດ ເພື່ອຈົດທະບຽນຂໍ້ມູນ ຖ້າມີຄວາມສ່ຽງຕິດເຊື້ອພະຍາດ, ແນະນຳວິທີການແຍກຕົວອອກຢູ່ຕ່າງຫາກ ແລະ ລາຍງານກໍລະນີຖືກສົງໄສ.
        ທ່ານສາມາດ Downdoad App ສຸຂະພາບ ຫວຽດນາມ ດ້ວຍລະຫັດດັ່ງລຸ່ມນີ້:
        iOS: https://apps.apple.com/app/id1489263065
          Android: https://suckhoetoandan.vn/install/android
         Link Fanpage: https://www.facebook.com/suckhoetoandan/

(ແຫຼ່ງຄັດຈາກ VOV)

ເລຂາທິການໃຫຍ່ ໂຕເລິມ: “ຕອບບຸນແທນຄຸນ” ແມ່ນນະໂຍບາຍໃຫຍ່, ເປັນສຽງເວົ້າຈາກຫົວໃຈ

15/07/2025
ຂ່າວສານ

ວຽກງານ “ຕອບບຸນແທນຄຸນ”, “ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ” ບໍ່ພຽງແຕ່ແມ່ນນະໂຍບາຍໃຫຍ່ເທົ່ານັ້ນ, ຫາກຍັງແມ່ນສຽງເວົ້າຈາກຫົວໃຈ, ຄວາມຮັບຜິດຊອບດ້ານການເມືອງ, ຫຼັກສິນທຳຂອງທັງລະບົບການເມືອງ ແລະ ທົ່ວສັງຄົມ.