• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ເລີ່ມສັກວັກຊິນກັນໂຄວິດ - 19 ຊະນິດທີ 2 ຂອງ ຫວຽດນາມ

      ປັດຈຸບັນ, ກຸ່ມຄົ້ນຄ້ວາ ໄດ້ຮັບສະໝັກຜູ້ເຂົ້າຮ່ວມການທົດລອງສັກວັກຊິນ COVIVAC ຄົບ 120 ຄົນ ໃຫ້ແກ່ໄລຍະທຳອິດ, ລວມມີ 30 ຄົນໃນແຕ່ລະເກນອາຍຸ (18 – 30 ປີ ແລະ 40 – 59 ປີ) ແລະ ມີທັງຊາຍ ແລະ ຍິງ.
ຜູ້ອາສາສະໝັກຈົດທະບຽບທົດລອງການສັກວັກຊິນ (ພາບ: cand.com.vn)
      ຕອນເຊົ້າວັນທີ 15 ມີນາ, ບັນດາຜູ້ອາສາສະໝັກ ທຳອິດ ໄດ້ຮັບການສັກວັກຊິນ COVIVAC - ເຊິ່ງແມ່ນວັນຊິນກັນພະຍາດໂຄວິດ - 19 ຊະນິດທີ 2 ທີ່ໄດ້ຮັບການຄົ້ນຄ້ວາ ແລະ ຜະລິດຢູ່ ຫວຽດນາມ. ກຸ່ມ 6 ຄົນທຳອິດເຂົ້າຮ່ວມການສັກວັກຊິນມີທັງຍິງ ແລະ ຊາຍ. ການສັກວັກຊິນກັນໂຄວິດ - 19 ໄດ້ປະຕິບັດຢູ່ມະຫາວິທະຍາໄລແພດສາດ ຮ່າໂນ້ຍ, ໂດຍສະຖາບັນອະນາໄມລະບາດວິທະຍາສູນກາງ ສວມບົດບາດທົດລອງຕົ້ນຕໍ.
        ປັດຈຸບັນ, ກຸ່ມຄົ້ນຄ້ວາ ໄດ້ຮັກສະໝັກຜູ້ເຂົ້າຮ່ວມການທົດລອງສັກວັກຊິນ COVIVAC ຄົບ 120 ຄົນ ໃຫ້ແກ່ໄລຍະທຳອິດ, ລວມມີ 30 ຄົນໃນແຕ່ລະເກນອາຍຸ (18 – 30 ປີ ແລະ 40 – 59 ປີ) ແລະ ມີທັງຊາຍ ແລະ ຍິງ.
        ຄາດວ່າ, ພາຍຫຼັງສຳເລັດການສັກທົດລອງໃຫ້ແກ່ກຸ່ມຄົນທຳອິດນີ້, ກຸ່ມຄົ້ນຄ້ວາຈະສັກໃຫ້ແກ່ກຸ່ມທີ 2 ໃນວັນທີ 24 ມີນາ. ບັນດານັກຊ່ຽວຊານຈະຕິດຕາມອາການຄວາມປອດໄພໃນເວລາ 8 ມື້ ພາຍຫຼັງສັກວັກຊິນເຂັມທີ 1 ສຳລັບກຸ່ມຄົນທຳອິດເພື່ອຕີລາຄາ, ພິຈາລະນາ ການທົດລອງມີບັນຫາໃດທີ່ເປັນໜ້າກັງວົນຫຼືບໍ່. ຖ້າຫາກວ່າທຸກສິ່ງທຸກຢ່າງລ້ວນແຕ່ຢູ່ໃນຂອບເຂດການຄວບຄຸມ, ວັກຊິນຊະນິດໃໝ່ນີ້ຈະໄດ້ນຳໃຊ້ສຳລັບກຸ່ມຄົນຕໍ່ໄປ.ທ່ານ ເຈິ່ນວັນທວ໊ນ ຮອງລັດຖະມົນຕີກະຊວງສາທາລະນະສຸກ ຫວຽດນາມ ໃຫ້ຮູ້ວ່າ:
        ພວກຂ້າພະເຈົ້າມີຄວາມຫວັງຢ່າງຍິ່ງຕໍ່ຜົນສຳເລັດຂອງວັກຊິນ ຊະນິດນີ້ ຍ້ອນວ່າ ວັກຊິນຊະນິດນີ້ ໄດ້ຜະລິດຈາກຄວາມສຸດຈິດສຸດໃຈຂອງບັນດານັກວິທະຍາສາດ ທັງຢູ່ພາຍໃນ ແລະ ຕ່າງປະເທດ. ການຄົ້ນຄ້ວາທົດລອງຕໍ່ຄົນຢູ່ ຫວຽດນາມ, ອິນເດຍ, ອາເມລິກາ ບໍ່ພຽງແຕ່ສະແດງໃຫ້ເຫັນປະສິດທິຜົນໃນການກັນໂຄວິດ - 19 ສຳລັບເຊື້ອໄວຣັດ SARS – CoV- 2 ຊະນິດປົກກະຕິ ເທົ່ານັ້ນ ຫາກຍັງສຳລັບເຊື້ອໄວຣັດ SARS – CoV- 2 ຊະນິດໃໝ່ຢູ່ ອັງກິດ ແລະ ອາບຟຼິກກາໃຕ້ ອີກດ້ວຍ. ຖ້າຫາກວ່າສຳເລັດ, ພ້ອມກັບ Nanogen ແລະ Vabiotech, ພວກເຮົາອາດສາມາດເປັນເຈົ້າແຫຼ່ງວັກຊິນ ພາຍໃນປະເທດ, ຊ້ຳບໍ່ໜຳມຸ່ງໄປເຖິງການສົ່ງອອກໄປຍັງຕ່າງປະເທດອີກດ້ວຍ.
(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.

Top