ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ ກ່າວຄຳເຫັນທີ່ການເຮັດວຽກ (ພາບ TTXVN)
ຕອນບ່າຍວັນທີ 5 ຕຸລາ, ກ່າວຄຳເຫັນທີ່ການຕ້ອນຮັບ ຄະນະວິສາຫະກິດ ຂອງສະມາຄົມພັດທະນາຮ່ວມມືເສດຖະກິດ ຫວຽດນາມ - ສະມາຄົມບັນດາປະເທດອາຊີຕາເວັນອອກສ່ຽງໃຕ້ (ອາຊຽນ), ທ່ານ ຟ້າມບິ່ງມິງ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ມີຄວາມປາດຖະໜາວ່າ: ສະມາຄົມພັດທະນາການຮ່ວມມືເສດຖະກິດ ຫວຽດນາມ - ອາຊຽນກໍ່ຄືບັນດາວິສາຫະກິດສະມາຊິກຈະມີຄວາມເອົາໃຈໃສ່ ກ່ຽວກັບຕະຫຼາດອາຊຽນ ທີ່ພວມມີບັນດາການຜັນແປຢ່າງຕັ້ງໜ້າໃນໄລຍະທີ່ຜ່ານມາກ່ວາອີກ. ທ່ານຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ໄດ້ສະເໜີໃຫ້ບັນດາວິສາຫະກິດ ເປັນເຈົ້າການ, ຕັ້ງໜ້າໃນການກຳໄດ້ກາລະໂອກາດກໍ່ຄືສິ່ງທ້າທາຍໃນວິວັດການປະຕິບັດບັນດາສັນຍາການຄ້າເສລີ. ທ່ານຟ້າມບິ່ງມິງຢັ້ງຢືນວ່າ ລັດຖະບານຮັບປະກັນການຊຸກຍູ້ການປົກປ້ອງຊັບສິນທາງປັນຍາໃນສະພາບການຫວຽດນາມພວມປະຕິບັດສັນຍາການຄ້າເສລີຫຼາຍສະບັບ, ເຊິ່ງໄດ້ປະກາດໃຊ້ຍຸດທະສາດປົກປ້ອງຊັບສິນທາງປັນຍາຕະຫຼອດຮອດປີ 2030.
(ແຫຼ່ງຄັດຈາກ VOV)
