ທ່ານຮອງນາຍົກລັດຖະມົນຕີມີຄວາມປາດຖະໜາ ແລະ ພ້ອມແລ້ວທີ່ຈະຮ່ວມມືກັບ ອີຢູ, ໂດຍສະເພາະແມ່ນການສ້າງລະບົບທັນຍາຫານ, ສະບຽງອາຫານທົ່ວໂລກ.
ທີ່ການການຕ້ອນຮັບທ່ານ Janusz Wojciechowski, ຂ້າຫຼວງໃຫຍ່ກະສິກຳສະຫະພາບເອີລົບ
ຕອນບ່າຍວັນທີ 11 ກໍລະກົດ, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວຽດນາມ ເລວັນແທັງ ໄດ້ໃຫ້ການຕ້ອນຮັບທ່ານ Janusz Wojciechowski, ຂ້າຫຼວງໃຫຍ່ກະສິກຳສະຫະພາບເອີລົບ (ອີຢູ), ພວມຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານຮອງນາຍົກລັດຖະມົນຕີມີຄວາມປາດຖະໜາ ແລະ ພ້ອມແລ້ວທີ່ຈະຮ່ວມມືກັບ ອີຢູ, ໂດຍສະເພາະແມ່ນການສ້າງລະບົບທັນຍາຫານ, ສະບຽງອາຫານທົ່ວໂລກ; ເປີດກວ້າງກາລະໂອກາດຮ່ວມມືດ້ານກະສິກຳ, ພິເສດແມ່ນການຄ້າ ແລະ ການລົງທຶນ, ການຮັບມືກັບການປ່ຽນແປງຂອງດິນຟ້າອາກາດ, ການລົງທຶນກະສິກຳຂຽວ, ສ້າງລະບົບສະໜອງກະສິກຳໃຫ້ສົມບູນແບບ. ທ່ານຮອງນາຍົກລັດຖະມົນຕີສະເໜີໃຫ້ ອີຢູ ສ້າງເງື່ອນໄຂສະດວກເພື່ອໃຫ້ບັນດາຜະລິດຕະພັນກະເສດ, ເຄື່ອງປ່າຂອງດົງ ແລະ ສິນໃນນ້ຳຂອງ ຫວຽດນາມ ໄດ້ສົ່ງໄປຍັງຕະຫຼາດ ອີຢູ…
ສ່ວນທ່ານຂ້າຫຼວງໃຫຍ່ Janusz Wojciechowski ຊີ້ແຈ້ງວ່າ, ປະຈຸບັນ ຝ່າຍ ອີຢູ ປາດຖະໜາຢາກນຳເຂົ້າບັນດາຜະລິດຕະພັນກະເສດຂອງ ຫວຽດນາມ; ສະໜັບສະໜູນລັດຖະບານ ຫວຽດນາມ ໃນການພັດທະນາແບບຍືນຍົງ, ປົກປ້ອງການຜະລິດກະສິກຳ, ພິເສດແມ່ນການຜະລິດກະສິກຳຂອບຂະໜາດນ້ອຍ, ທ່ານຖືວ່າ ຕ້ອງຍູ້ແຮງບັນດາຄວາມມານະພະຍາຍາມມຸ່ງໄປເຖິງການພັດທະນາແບບຍືນຍົງ, ພັດທະນາກະສິກຳອັດສະລິຍະ, ການຮັບມືກັບການປ່ຽນແປງຂອງດິນຟ້າອາກາດ…
ເນື່ອງໃນໂອກາດການຢ້ຽມຢາມນີ້, ທ່ານ Janusz Wojciechowski ໄດ້ເຂົ້າຮ່ວມເວທີປາໄສດຳເນີນທຸລະກິດກະສິກຳ ຫວຽດນາມ - ອີຢູ.
(ແຫຼ່ງຄັດຈາກ VOV)
