ຂ່າວສານ

ລາວ ເລື່ອນຊັ້ນພົນໂທ ຂຶ້ນເປັນ ພົນເອກ ໃຫ້ແກ່ລັດຖະມົນຕີກະຊວງປ້ອງກັນປະເທດລາວ

12/12/2018

ທ່ານປະທານປະເທດ ແຫ່ງ ສປປ.ລາວ ບຸນຍັງ ວໍລະຈິດ ໄດ້ປະກາດໃຊ້ລັດຖະດໍາລັດກ່ຽວກັບການເລື່ອນຊັ້ນ ແຕ່ຊັ້ນພົນໂທ ຂຶ້ນເປັນ ຊັ້ນພົນເອກ ສໍາລັບ ທ່ານລັດຖະມົນຕີກະຊວງປ້ອງກັນປະເທດລາວ ຈັນສະໝອນ ຈັນຍະລາດ

ທ່ານລັດຖະມົນຕີກະຊວງປ້ອງກັນປະເທດລາວ ຈັນສະໝອນ ຈັນຍະລາດ (ພາບປະກອບ: Pham Kien/TTXVN)

ໜັງສືພິມ “ເສດຖະກິດ - ສັງຄົມ” ຂອງ ລາວ, ລົງວັນທີ 11 ທັນວາ ໄດ້ໃຫ້ຂ່າວວ່າ ວັນທີ 10 ທັນວາ, ທ່ານປະທານປະເທດ ແຫ່ງ ສປປ.ລາວ ບຸນຍັງ ວໍລະຈິດ ໄດ້ປະກາດໃຊ້ລັດຖະດໍາລັດກ່ຽວກັບການເລື່ອນຊັ້ນ ແຕ່ຊັ້ນພົນໂທ ຂຶ້ນເປັນ ຊັ້ນພົນເອກ ສໍາລັບ ທ່ານລັດຖະມົນຕີກະຊວງປ້ອງກັນປະເທດລາວ ຈັນສະໝອນ ຈັນຍະລາດ, ພ້ອມທັງມອບໃຫ້ທ່ານນາຍົກລັດຖະມົນຕີລາວ ທອງລຸນ ສີສຸລິດ ຊີ້ນໍາ, ຈັດຕັ້ງປະຕິບັດໃຫ້ຖືກຕ້ອງຕາມພິທີການ. ເລື່ອງປະກາດລັດຖະດໍາລັດກ່ຽວກັບການເລື່ອນຊັ້ນສໍາລັບທ່ານລັດຖະມົຫນຕີກະຊວງປ້ອງກັນປະເທດລາວ ຄັ້ງນີ້ ຂອງທ່ານປະທານປະເທດ ລາວ ໂດຍອີງໃສ່ລັດຖະທໍາມະນູນແຫ່ງ ສປປ.ລາວ ປີ 2015; ກົດໝາຍວ່າດ້ວຍນາຍທະຫານກອງທັບປະຊາຊົນລາວ ປີ 2018 ແລະ ຕາມໃບສະເໜີຂອງທ່ານນາຍົກລັດຖະມົນຕີລາວ ທອງລຸນ ສີສຸລິດໃນວັນທີ 23 ພະຈິກ 2018.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.