ລາຍການສະແດງສິລະປະ (ພາບ: TTXVN)

ຕອນຄ່ຳວັນທີ 5 ກຸມພາ ກົງກັບວັນທີ 5 ເດືອນຈຽງ, ຄະນະຈັດຕັ້ງ ສະເຫຼີມສະຫຼອງບັນດາວັນບຸນໃຫຍ່ນະຄອນ ໂຮ່ຈີມິນ ໄດ້ຈັດຕັ້ງລາຍການສິລະປະສະເຫຼີມສະຫຼອງ 233 ປີ ແຫ່ງວັນໄຊຊະນະ ດົ໊ງດາ ປະຫວັດສາດ (1789 – 2022) ດ້ວຍຫົວຂໍ້ “ນ້ຳໃຈ ເຕິຍເຊີນ ດັງກ້ອງກັງວານຕະຫຼອດໄປ”, ລາຍການດັ່ງກ່າວມີການເຂົ້າຮ່ວມຂອງນັກສະແດງ, ນັກຮ້ອງ, ນັກຟ້ອນ, ນັກດົນຕີ… ກວ່າ 100 ຄົນ ດ້ວຍການສະແດງ 15 ລາຍການ ລວມມີຮ້ອງເພງ, ຟ້ອນ, ສະແດງລະຄອນ ເຊິ່ງໄດ້ຮັບການກະກຽມຢ່າງມີແບບມີແຜນ, ມີຫົວຄິດປະດິດສ້າງ ແລະ ເຂັ້ມຂົ້ນໄປວັດທະນະທຳທີ່ເປັນມູນເຊື້ອຂອງຊາດ. ໃນນັ້ນ, ໄຊຊະນະ ງອກໂຮ່ຍ - ດົ໊ງດາ ໄດ້ຕີຊະນະກຳລັງທະຫານຊີງ ຈຳນວນ 2 ແສນ ຄົນ, ປົດປ່ອຍກຸງທັງລອງ, ຍາດເອົາເອກະລາດ, ເສລີພາບມາໃຫ້ປະເທດຊາດ ກໍໄດ້ຮັບການວາດພາບສະແດງຄືນຢ່າງມີຊີວິດຊີວາ.

     ພິເສດ, ລາຍການດັ່ງກ່າວຍັງສະຫງວນໜຶ່ງລາຍການເພື່ອຕອບບຸນແທນຄຸນຕໍ່ການເສຍສະຫຼະຢ່າງມິດງຽບຂອງບັນດານັກຮົບໃນແນວໜ້າບັ້ນຕໍ່ສູ້ຕ້ານໂລກລະບາດໂຄວິດ - 19 ອີກດ້ວຍ.

(ແຫຼ່ງຄັດຈາກ VOV)