ຂ່າວສານ

ນຳການພົວພັນມິດຕະພາບ ແລະ ການຮ່ວມມື ຫວຽດນາມ - ກຳປູເຈຍໃຫ້ນັບມື້ນັບແທດຈິງ ແລະ ມີປະສິດທິຜົນ

13/02/2025

ທ່ານເອກອັກຄະລັດຖະທູດ ຫງວຽນມິງຫວູ້ ໄດ້ສະແດງຄວາມຊົມເຊີຍຕໍ່ບັນດາຜົນງານເຊິ່ງປະເທດ ກຳປູເຈຍບັນລຸໄດ້ພາຍໃຕ້ການຊີ້ນຳນຳພາຂອງພັກປະຊາຊົນ ກຳປູເຈຍ.

ທ່ານ Samdech Techo Hun Sen, ປະທານສະພາສູງ, ປະທານພັກປະຊາຊົນກຳປູເຈຍ ໃຫ້ການຕ້ອນຮັບທ່ານເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ ຫງວຽນມິງຫວູ້ (ພາບ: Huỳnh Thảo/TTXVN)

ວັນທີ 12 ກຸມພາ, ຢູ່ນະຄອນຫຼວງ ພະນົນເປັນ, ກຳປູເຈຍ ໃນການຕ້ອນຮັບທ່ານເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ ຫງວຽນມິງຫວູ້ເຂົ້າຢ້ຽມຂ່ຳນັບໃນໂອກາດມາປະຕິບັດໜ້າທີ່ຢູ່ກຳປູເຈຍ, ທ່ານ Samdech Techo Hun Sen, ປະທານສະພາສູງ, ປະທານພັກປະຊາຊົນກຳປູເຈຍ ໄດ້ຍ້ອງຍໍສັນລະເສີນວຽກງານສັບຊ້ອນ, ປັບປຸງກົງຈັກການຈັດຕັ້ງບັນດາອົງການພັກ ແລະ ລັດຂອງ ຫວຽດນາມ ໃຫ້ກະທັດລັດລົງ. ທ່ານ Samdech Techo Hun Sen, ຖືວ່າເລື່ອງທ່ານເອກອັກຄະລັດຖະທູດ ຫງວຽນມິງຫວູ້ ມາກຳປູເຈຍປະຕິຍບັດໜ້າທີ່ໂດຍໄວ ພາຍຫຼັງເອກອັກຄະລັດຖະທູດຄົນກ່ອນກັບເມືອປະເທດ, ສະແດງໃຫ້ເຫັນຄວາມເອົາໃຈໃສ່ຂອງພັກ ແລະ ລັດຫວຽດນາມ ຕໍ່ການພົວພັນ ຫວຽດນາມ - ກຳປູເຈຍ, ທ່ານສະແດງຄວາມເຊື່ອໝັ້ນວ່າ ທ່ານເອກອັກຄະລັດຖະທູດ ຫງວຽນມິງຫວູ້ ຈະມີອາຍຸການທີ່ປະສົບຜົນສຳເລັດຢູ່ ກຳປູເຈຍ. ສ່ວນທ່ານເອກອັກຄະລັດຖະທູດ ຫງວຽນມິງຫວູ້ ໄດ້ສະແດງຄວາມຊົມເຊີຍຕໍ່ບັນດາຜົນງານເຊິ່ງປະເທດ ກຳປູເຈຍບັນລຸໄດ້ພາຍໃຕ້ການຊີ້ນຳນຳພາຂອງພັກປະຊາຊົນ ກຳປູເຈຍ, ໃນນັ້ນມີບົດບາດສຳຄັນຂອງທ່ານ Samdech Techo Hun Sen. ທ່ານເອກອັກຄະລັດຖະທູດ ຢັ້ງຢືນວ່າ ຈະມານະພະຍາຍາມຈົນສຸດຄວາມສາມາດຂອງຕົນເພື່ອແນໃສ່ນຳການພົວພັນມິດຕະພາບ ແລະ ການຮ່ວມມືລະຫວ່າງສອງປະເທດໃຫ້ນັບມື້ນັບມີຄວາມສະໜິດຕິດພັນ, ແທດຈິງ ແລະ ມີປະສິດທິຜົນຢ່າງບໍ່ຢຸດຢັ້ງ.

(ແຫຼ່ງຄັດຈາກ VOV)

ເປີດສະຫຼອງສູນອາວະກາດ ຫວຽດນາມ: ພັດທະນາວິທະຍາສາດເຕັກໂນໂລຢີຈັກກະວານອາວະກາດ

14/03/2026
ຂ່າວສານ

ຕອນເຊົ້າວັນທີ 13 ມີນາ, ຢູ່ເຂດອຸດສາຫະກຳສູງ ຮວ່າລາກ, ຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ແລະ ບັນດາຜູ້ແທນໄດ້ຕັດແຖບຜ້າເປີດສະຫຼອງກິດຈະກຳສູນອາວະກາດ ຫວຽດນາມ. ນີ້ແມ່ນພື້ນຖານໂຄງລ່າງທີ່ທັນສະໄໝ, ມີຂອບຂະໜາດ ແລະ ລະດັບເຕັກໂນໂລຢີນອນໃນກຸ່ມກ້າວໜ້າໃນພາກພື້ນອາຊີຕາເວັນອອກສ່ຽງໃຕ້, ໄດ້ຜັນຂະຫຍາຍດ້ວຍແຫຼ່ງທຶນຊ່ວຍເຫຼືອຫຼ້າ (ODA) ຂອງລັດຖະບານ ຍີ່ປຸ່ນ ລວມມູນຄ່າລົງທຶນກວ່າ 7.000 ຕື້ດົ່ງ (280 ລ້ານ USD).