ຂ່າວສານ

ທ່ານ ຫງວຽນຊວນຟຸກ ນາຍົກລັດຖະມົນຕີ ຫວຽດນາມ ສິ້ນສຸດການຢ້ຽມຢາມ ຣູມານີ ແລະ ສ.ເຊັກໂກ ຢ່າງຈົບງາມ

19/04/2019

ຕອນທ່ຽງວັນທີ 18 ເມສາ, ທ່ານ ຫງວຽນຊວນຟຸກ ນາຍົກລັດຖະມົນຕີ ຫວຽດນາມ ແລະພັນລະຍາພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ໄດ້ກັບມາເຖິງຮ່າໂນ້ຍ, ສິ້ນສຸດການຢ້ຽມຢາມ ຣູມານີ ໃນລະຫວ່າງວັນທີ 14 -16 ເມສາ ແລະ ສ.ເຊັກໂກ ໃນລະຫວ່າງວັນທີ 16-18 ເມສາ ຢ່າງເປັນທາງການ.

ທ່ານ ຫງວຽນຊວນຟຸກ ນາຍົກລັດຖະມົນຕີ ຫວຽດນາມ ແລະພັນລະຍາຢູ່ສະໜາມບິນສາກົນ
Vaclav Havel, Praha (ພາບ: TTXVN)

ຜົນສຳເລັດທີ່ສຳຄັນໃນການຢ້ຽມຢາມ ຣູມານີ ແລະ ສ.ເຊັກໂກ ຢ່າງເປັນທາງການຂອງທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ແລະ ຄະນະຜູ້ແທນຂັ້ນສູງ ຫວຽດນາມ ບໍ່ພຽງແຕ່ປະກອບສ່ວນເຂົ້າໃນການປັບປຸງ, ຮັດແໜ້ນການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ ຫວຽດນາມ ກັບບັນດາປະເທດເພື່ອນມິດຢູ່ເອີລົບຕາເວັນອອກ; ຊຸກຍູ້ຢ່າງຮອບດ້ານບັນດາການພົວພັນ ເທົ່ານັ້ນ ຫາກຍັງໄດ້ຮັບການສະໜັບສະໜູນຢ່າງແຮງຈາກ ຣູມານີ ແລະ ສ.ເຊັກໂກ ໃນການຊຸກຍູ້ການລົງນາມ, ໃຫ້ສັດຕະຍາບັນ ສັນຍາ EVFTA ແລະ EVIPA ເພື່ອແນໃສ່ເປີດໂອກາດໃໝ່ ໃຫ້ແກ່ການຮ່ວມມື ລະຫວ່າງ ຫວຽດນາມ ກັບ EU ເວົ້າລວມ ແລະ ກັບ ຣູມານີ ແລະ ສ.ເຊັກໂກ ເວົ້າສະເພາະ.

(ແຫຼ່ງຄັດຈາກ VOV)

ສ້າງຊົນຊັ້ນກຳມະກອນ ຫວຽດນາມ ເຕີບໃຫຍ່ເຂັ້ມແຂງ, ປັບຕົວໃຫ້ແທດເໝາະກັບການປ່ຽນແປງຂອງປະເທດຊາດ

02/05/2024
ຂ່າວສານ

ມື້ນີ້ສະເຫຼີມສະຫຼອງ 138 ປີແຫ່ງວັນແຮງງານສາກົນ (01/05/1886- 01/05/2024)., ປັດຈຸບັນ ຢູ່ ຫວຽດນາມຊົນຊັ້ນກຳມະກອນ ກວມເອົາກ່ວາ 14% ປະຊາກອນ, ສວມບົດບາດແມ່ນກຳລັງນຳໜ້າໃນພາລະກິດແຫ່ງການຫັນປະເທດຊາດເປັນອຸດສາຫະກຳ, ເປັນທັນສະໄໝ. ກອງປະຊຸມໃຫຍ່ຄັ້ງທີ XIII ຂອງພັກກອມມູນິດ ຫວຽດນາມ ໄດ້ກຳນົດເປົ້າໝາຍຍົກສູງຄຸນທາດການເມືອງ, ລະດັບຄວາມຮູ້, ທັກສະອາຊີບ, ສ້າງຊົນຊັ້ນກຳມະກອນ ຫວຽດນາມ ນັບມື້ນັບທັນສະໄໝ, ເຕີບໃຫຍ່ເຂັ້ມແຂງ.