ທ່ານຫົວໜ້າ SEOM CLMV ຂອງມຽນມາ ບໍລິຫານກອງປະຊຸມ ຕາມກົນໄກຜັນປ່ຽນກັນ, ຊື່ງໄດ້ສຸມໃສ່ປຶກສາຫາລື 6 ບັນຫາຕົ້ນຕໍ, ລວມມີ: ໝາກຜົນຂອງກອງປະຊຸມລັດຖະມົນຕີເສດຖະກິດ CLMV ຄັ້ງທີ 12; ກວດກາຄືນການຜັນຂະຫຍາຍບັນດາການເຄື່ອນໄຫວໃນແຜນການດຳເນີນງານ CLMV ໄລຍະ 2019 - 2020; ປຶກສາຫາລື ແລະ ສ້າງແຜນການດຳເນີນງານ CLMV ໄລຍະ 2021-2022; ກວດກາຄືນລະດັບຄວາມໄວໃນການຜັນຂະຫຍາຍ ໂຄງການຍົກສູງຄວາມສາມາດແກ່ງແຍ້ງໃຫ້ແກ່ບັນດາປະເທດອາຊຽນ ໃນຂອບເຂດຂໍ້ລິເລີ່ມການເຊື່ອມໂຍງອາຊຽນ (COMPETE); ປຶກສາຫາລືບັນດາບາດກ້າວຕໍ່ໄປ ເພື່ອຜັນຂະຫຍາຍຂອບເຂດການພັດທະນາ CLMV ພາຍຫຼັງໄດ້ຮັບຮອງເອົາທີ່ກອງປະຊຸມຂັ້ນສູງ CLMV ຄັ້ງທີ 10; ອັບເດັດສະພາບການຜັນຂະຫຍາຍຂໍ້ລິເລີ່ມການເຊື່ອມໂຍງອາຊຽນ.
ນອກຈາກນັ້ນແລ້ວ, ກອງປະຊຸມຍັງໄດ້ປຶກສາຫາລືໂຄງການຊຸກຍູ້ການແກ່ງແຍ້ງໃນຂອບເຂດຂໍ້ລິເລີ່ມການເຊື່ອມໂຍງອາຊຽນ (COMPETE) ໂດຍລັດຖະບານເຢຍລະມັນ ອຸປະຖຳ ຜ່ານອົງການຮ່ວມມືພັດທະນາເຢຍລະມັນ (GIZ).
(ແຫຼ່ງຄັດຈາກ VOV)
