ຂ່າວສານ

UNDP ໜູນຊ່ວຍເງິນກ່ວາ 4,5 ລ້ານ USD ໃຫ້ແຂວງດັກລັກ ເພື່ອຮັບມືກັບການປ່ຽນແປງຂອງດິນຟ້າອາກາດໃນການຜະລິດກະສິກຳ

08/10/2020

ວັນທີ 6 ຕຸລາ, ຜູ້ຕາງໜ້າອົງການພັດທະນາ ສປຊ (UNDP) ໄດ້ມີການເຮັດວຽກກັບ ຄະນະກຳມະການປະຊາຊົນ ແຂວງ ດັກລັກ ກ່ຽວກັບໂຄງການເພີ່ມທະວີຄວາມສາມາດໃນການຮັບມືຂອງການຜະລິດກະສິກຳໃນຂອບຂະໜາດຄອບຄົວຊາວກະສິກອນ ຕໍ່ໜ້າສະພາບການຂາດຄວາມໝັ້ນຄົງແຫຼ່ງນ້ຳ ຍ້ອນການປ່ຽນແປງຂອງດິນຟ້າອາກາດຢູ່ເຂດໄຕງວຽນ ແລະ ເຂດແຄມທະເລທາງທິດໃຕ້ພາກກາງ ຫວຽດນາມ.

ບັນດາຜູ້ແທນກ່າວຄຳເຫັນທີ່ກອງປະຊຸມ (ພາບ: baodaklak.vn)

ໂຄງການໂດຍ ກອງທຶນອາກາດຂຽວ ຂອງ ສປຊ ອຸປະຖຳດ້ວຍເງິນຊ່ວຍເຫຼືອລ້າ ກ່ວາ 30 ລ້ານ USD, ເວລາໃນການປະຕິບັດໂຄງການຄາດວ່າ ແຕ່ປີ 2020 - 2025. ຂອບເຂດປະຕິບັດແມ່ນບັນດາແຂວງຄື ດັກລັກ, ດັກນົງ, ບິ່ງທ້ວນ, ນິງທວນ ແລະ ແຄ໊ງຮ່ວາ, ດ້ວຍເປົ້າໝາຍຫັນລະບົບຫົດນ້ຳແລະລະບາຍນ້ຳເປັນທັນສະໄໝ, ຮັບປະກັນແຫຼ່ງນ້ຳ ແລະ ການຫາເງິນລ້ຽງຊີບ, ນຳໃຊ້ເຕັກນິກກະສິກຳທີ່ມີຄວາມສາມາດທົນທານກັບການປ່ຽນແປງຂອງດິນຟ້າອາກາດ ແລະ ສຳຜັດກັບຂໍ້ມູນຂ່າວສານ ກະສິກຳ ແລະ ການຕະຫຼາດ.

(ແຫຼ່ງຄັດຈາກ VOV)

ທ່ານນາຍົກລັດຖະມົນຕີ ຟ້າມມິງຈິງ ເຮັດວຽກກັບສະພາດຳເນີນທຸລະກິດ ອາເມລິກາ - ອາຊຽນ

13/07/2025
ຂ່າວສານ

ຕອນບ່າຍວັນທີ 11 ກໍລະກົດ, ຢູ່ສຳນັກງານລັດຖະບານ (ທີ່ ຮ່າໂນ້ຍ), ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ຕ້ອນຮັບ ແລະ ເຮັດວຽກກັບຄະນະວິສາຫະກິດຂອງສະພາດຳເນີນທຸລະກິດ ອາເມລິກາ - ອາຊຽນ (USABC) ເຊິ່ງພວມຢ້ຽມຢາມ ແລະ ເຮັດວຽກຢູ່ ຫວຽດນາມ.